ਟੀਮ ਤੋਂ ਬਾਹਰ ਕੀਤੇ ਜਾਣ 'ਤੇ ਭੜਕਿਆ ਵੈਸਟ ਇੰਡੀਅਨ ਖਿਡਾਰੀ

ਵੈਸਟ ਇੰਡੀਜ਼ ਦੇ ਵਿਕਟਕੀਪਰ ਦਿਨੇਸ਼ ਰਾਮਦੀਨ ਨੇ ਭਾਰਤ ਖਿਲਾਫ ਟੈਸਟ ਸੀਰੀਜ਼ ਤੋਂ ਪਹਿਲਾਂ ਵੈਸਟ ਇੰਡੀਜ਼ ਕ੍ਰਿਕਟ ਬੋਰਡ ਦੀ ਜੰਮਕੇ ਆਲੋਚਨਾ ਕੀਤੀ ਹੈ। ਰਾਮਦੀਨ ਨੂੰ ਟੀਮ ਤੋਂ ਬਾਹਰ ਕਰ ਦਿੱਤਾ ਗਿਆ ਜਿਸ ਕਾਰਨ ਰਾਮਦੀਨ ਭੜਕ ਗਏ, ਅਤੇ WICB 'ਤੇ ਖੂਬ ਭੜਾਸ ਕੱਡੀ।

ਵੈਸਟ ਇੰਡੀਜ਼ ਨੇ ਫਿਲਹਾਲ 4 ਟੈਸਟ ਮੈਚਾਂ ਲਈ ਟੀਮ ਦਾ ਐਲਾਨ ਨਹੀਂ ਕੀਤਾ ਹੈ ਪਰ ਰਾਮਦੀਨ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਲਿਖਿਆ ਕਿ ਉਹ ਜਾਣਦਾ ਹੈ ਕਿ ਉਸਨੂੰ ਟੀਮ 'ਚ ਨਹੀਂ ਰਖਿਆ ਜਾਵੇਗਾ।

ਰਾਮਦੀਨ ਨੇ ਇਸ ਫੈਸਲੇ ਲਈ ਚੋਣ ਕਮੇਟੀ ਦੇ ਨਵੇਂ ਪ੍ਰਧਾਨ ਕੋਰਟਨੀ ਬ੍ਰਾਉਨ ਨੂੰ ਜ਼ਿੰਮੇਦਾਰ ਦੱਸਿਆ ਹੈ। ਰਾਮਦੀਨ ਨੇ ਆਪਣੇ ਟਵੀਟ 'ਚ ਲਿਖਿਆ 'ਕਿਆ ਬਾਰਿਸ਼ ਵਾਲਾ ਦਿਨ ਹੈ।

ਭਾਰਤ ਖਿਲਾਫ ਟੈਸਟ ਸੀਰੀਜ਼ ਨਹੀਂ ਖੇਡਾਂਗਾ। ਨਵੇਂ ਚੇਅਰਮੈਨ ਨੇ ਕਿਹਾ ਹੈ ਕਿ ਮੇਰਾ ਔਸਤ ਚੰਗਾ ਨਹੀਂ ਹੈ।' ਰਾਮਦੀਨ ਨੇ ਪਿਛਲੇ ਸਾਲ ਆਸਟ੍ਰੇਲੀਆ ਦੌਰੇ 'ਤੇ ਆਪਣੀ ਆਖਰੀ 2 ਪਰੀਆਂ 'ਚ 59 ਅਤੇ 62 ਰਨ ਬਣਾਏ ਸਨ।

ਰਾਮਦੀਨ ਨੇ ਬ੍ਰਾਉਨ ਦੇ ਫੈਸਲੇ 'ਤੇ ਸਵਾਲ ਚੁੱਕੇ ਅਤੇ ਕਿਹਾ ਕਿ ਜੋ ਸ਼ਖਸ ਉਸਦੇ 25.87 ਦੀ ਔਸਤ 'ਤੇ ਸਵਾਲ ਚੁੱਕ ਰਿਹਾ ਹੈ ਉਸਦਾ ਆਪਣਾ ਔਸਤ 16 ਦਾ ਸੀ ਅਤੇ ਉਸਨੇ ਕਦੀ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਸੈਂਕੜਾ ਵੀ ਨਹੀਂ ਜੜਿਆ ਸੀ।

ਰਾਮਦੀਨ ਨੇ ਸਾਲ 2005 'ਚ ਕੋਰਟਨੀ ਬ੍ਰਾਉਨ ਤੋਂ ਹੀ ਵਿਕਟਕੀਪਿੰਗ ਦੀ ਜ਼ਿੰਮੇਦਾਰੀ ਸੰਭਾਲੀ ਸੀ। ਇਸਤੋਂ ਬਾਅਦ ਰਾਮਦੀਨ ਨੇ ਹੁਣ ਤਕ 74 ਟੈਸਟ ਮੈਚ ਖੇਡੇ ਹਨ। ਇਸ ਦੌਰਾਨ ਰਾਮਦੀਨ ਨੇ 25.87 ਦੀ ਔਸਤ ਨਾਲ 2998 ਰਨ ਬਣਾਏ ਹਨ। ਰਾਮਦੀਨ ਨੇ 13 ਮੈਚਾਂ 'ਚ ਟੀਮ ਦੀ ਕਪਤਾਨੀ ਵੀ ਕੀਤੀ ਹੈ। ਭਾਰਤ ਅਤੇ ਵੈਸਟ ਇੰਡੀਜ਼ ਵਿਚਾਲੇ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਵੈਸਟ ਇੰਡੀਜ਼ ਟੀਮ ਨਾਲ ਵਿਵਾਦ ਜੁੜ ਗਿਆ ਹੈ।