ਸਮਿਥ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਨੂੰ ਕਿਹਾ ਅਲਵਿਦਾ

ਸਮਿਥ ਵੈਸਟਇੰਡੀਜ਼ ਵਨਡੇ ਟੀਮ ਲਈ ਆਖਰੀ ਵਾਰ ਸਾਲ 2015 ਵਿਸ਼ਵਕੱਪ ਵਿੱਚ ਖੇਡੇ ਸਨ। ਜਦਕਿ ਟੈਸਟ ਵਿੱਚ ਉਹ ਆਖਰੀ ਵਾਰ 2006 ਵਿੱਚ ਟੀਮ ਦੇ ਨਾਲ ਨਜਰ ਆਏ ਸਨ।

ਤੂਫਾਨੀ ਬੱਲੇਬਾਜ਼ੀ ਦੇ ਮਾਹਿਰ ਵੈਸਟਇੰਡੀਜ਼ ਦੇ ਸਟਾਰ ਆਲ-ਰਾਊਂਡਰ ਡਵੇਨ ਸਮਿਥ ਨੇ ਅੰਤਰਰਾਸ਼ਟਰੀ ਕ੍ਰਿਕੇਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਹੈ।

ਹਾਲਾਕਿ ਸਮਿਥ ਤਮਾਮ ਦੇਸ਼ਾਂ ਵਿੱਚ ਖੇਡੇ ਜਾਣ ਵਾਲੇ ਡੌਮੈਸਟਿਕ ਟੀ20 ਟੂਰਨਾਮੈਂਟਸ ਵਿੱਚ ਖੇਡਦੇ ਰਹਿਣਗੇ।

ਸਮਿਥ ਨੇ ਵੈਸਟਇੰਡੀਜ਼ ਲਈ 105 ਵਨਡੇ ਮੈਚ ਅਤੇ 33 ਟੀ20 ਮੈਚ ਖੇਡੇ ਜਿਹਨਾਂ ਵਿੱਚ ਉਹਨਾਂ ਕੁੱਲ 2142 ਰਨ ਬਣਾਏ।

ਸਮਿਥ ਦੁਬਈ ਵਿੱਚ ਪਾਕਿਸਤਾਨ ਸੁਪਰ ਲੀਗ ਦੀ ਇਸਲਾਮਾਬਾਦ ਯੁਨਾਇਟਿਡ ਟੀਮ ਦਾ ਹਿੱਸਾ ਹਨ ਅਤੇ ਬੀਤੇ ਦਿਨ ਸੈਮੀਫਾਈਨਲ ਵਿੱਚ ਜਿੱਤ ਦੇ ਬਾਅਦ ਉਹਨਾਂ ਇਹ ਐਲਾਨ ਕੀਤਾ।