ਸਟੀਵ ਸਮਿਥ ਨੇ 'ਸੂਪਰਮੈਨ' ਬਣ ਕੀਤੀ ਫੀਲਡਿੰਗ, ਹੁਣ ਹੋ ਰਹੀ ਖੂਬ ਚਰਚਾ, ਵੇਖੋ ਵੀਡੀਓ

ਸਮਿਥ ਅਕਸਰ ਆਪਣੀ ਬੱਲੇਬਾਜ਼ੀ ਲਈ ਸੁਰਖੀਆਂ 'ਚ ਰਹਿੰਦੇ ਹਨ ਪਰ ਇਸ ਵਾਰ ਸਮਿਥ ਦੇ ਸੁਰਖੀਆਂ 'ਚ ਆਉਣ ਦਾ ਕਾਰਨ ਉਸ ਦੀ ਫੀਲਡਿੰਗ ਹੈ।

ਨਵੀਂ ਦਿੱਲੀ: ਸਾਊਥ ਅਫਰੀਕਾ ਖਿਲਾਫ ਦੂਜੇ ਟੀ-20 'ਚ ਅਸਟ੍ਰੇਲੀਆ ਨੂੰ 12 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਸਾਊਥ ਅਫਰੀਕਾ ਦੀ ਟੀਮ ਨੇ ਇਸ ਜਿੱਤ ਦੇ ਨਾਲ ਤਿੰਨ ਮੈਚਾਂ ਦੀ ਸੀਰੀਜ਼ 'ਚ ਇੱਕ-ਇੱਕ ਨਾਲ ਬਰਾਬਰੀ ਕਰ ਲਈ ਹੈ। ਜਦਕਿ ਹਾਰ ਤੋਂ ਬਾਅਦ ਵੀ ਸਟੀਵ ਸਮਿਥ ਚਰਚਾ 'ਚ ਹਨ। ਉਨ੍ਹਾਂ ਦੇ ਸੁਰਖੀਆਂ ਦਾ ਕਾਰਨ ਉਸ ਵੱਲੋਂ ਕੀਤੀ ਫੀਲਡਿੰਗ ਹੈ। ਦੱਸ ਦਈਏ ਕਿ ਸਮਿਥ ਨੇ ਛੇਵੇਂ ਓਵਰ ਦੀ ਦੂਜੀ ਗੇਂਦ 'ਤੇ ਟੀਮ ਦੇ ਲਈ ਪੰਜ ਦੌੜਾਂ ਬਚਾਈਆਂ। ਡੀ ਕੌਕ ਨੇ ਇਸ ਬਾਲ 'ਤੇ ਜ਼ਬਰਦਸਤ ਸ਼ੌਟ ਮਾਰਿਆ ਪਰ ਬਾਉਂਡਰੀ 'ਤੇ ਖੜ੍ਹੇ ਸਮਿਥ ਨੇ ਹਵਾ 'ਚ ਛਾਲ ਮਾਰ ਬਾਲ ਨੂੰ ਬਾਉਂਡਰੀ ਤੋਂ ਪਾਰ ਜਾਣ ਤੋਂ ਰੋਕ ਲਿਆ। ਇਸ ਤੋਂ ਬਾਅਦ ਕੌਕ ਇੱਕ ਦੌੜ ਹੀ ਲੈ ਸਕੇ।

This is just unbelievable fielding from Steve Smith. Don’t think I’ve seen better. #Superman pic.twitter.com/FtfzhcuTwz

— The Oracle (@BigOtrivia) February 23, 2020

ਡੀ ਕੌਕ ਨੇ ਇਸ ਮੈਚ 'ਚ ਕਪਤਾਨੀ ਪਾਰੀ ਖੇਡਦੇ ਹੋਏ 70 ਦੌੜਾਂ ਬਣਾਈਆਂ। ਦੱਸ ਦਈਏ ਕਿ ਆਸਟ੍ਰੇਲੀਆ ਤੇ ਦੱਖਣੀ ਅਫਰੀਕਾ 'ਚ ਹੁਣ ਸੀਰੀਜ਼ ਦਾ ਫੈਸਲਾ 26 ਫਰਵਰੀ ਨੂੰ ਹੋਣ ਵਾਲੇ ਮੈਚ 'ਚ ਹੋਵੇਗਾ। ਫਿਲਹਾਲ ਦੋਵੇਂ ਟੀਮਾਂ ਇੱਕ-ਇੱਕ ਦੀ ਬਰਾਬਰੀ 'ਤੇ ਹਨ।