Tokyo Olympics: ਤੈਰਾਕ ਸਾਜਨ ਪ੍ਰਕਾਸ਼ ਨੇ ਰਚਿਆ ਇਤਿਹਾਸ, ਓਲੰਪਿਕ 'ਏ' ਕਟ 'ਚ ਦਾਖਿਲ ਹੋਣ ਵਾਲਾ ਪਹਿਲਾ ਭਾਰਤੀ
ਸਾਜਨ ਪ੍ਰਕਾਸ਼ ਓਲੰਪਿਕ 'ਏ' ਕਵਾਲੀਫਿਕੇਸ਼ਨ ਟਾਈਮ ਪਾਰ ਕਰਨ ਵਾਲਾ ਪਹਿਲਾ ਭਾਰਤੀ ਤੈਰਾਕ ਬਣ ਗਿਆ, ਜਿਸ ਨੇ ਰੋਮ 'ਚ ਸਿੱਟੇ ਕੌਲੀ ਟਰਾਫੀ 'ਚ ਪੁਰਸ਼ਾਂ ਦੀ 200 ਮੀਟਰ ਬਟਰਫਲਾਈ ਵਰਗ 'ਚ 1 ਮਿੰਟ 56.38 ਸੈਕਿੰਡ ਦਾ ਸਮਾਂ ਕੱਢਿਆ।
ਨਵੀਂ ਦਿੱਲੀ: ਸਾਜਨ ਪ੍ਰਕਾਸ਼ ਓਲੰਪਿਕ 'ਏ' ਕਵਾਲੀਫਿਕੇਸ਼ਨ ਟਾਈਮ ਪਾਰ ਕਰਨ ਵਾਲਾ ਪਹਿਲਾ ਭਾਰਤੀ ਤੈਰਾਕ ਬਣ ਗਿਆ, ਜਿਸ ਨੇ ਰੋਮ 'ਚ ਸਿੱਟੇ ਕੌਲੀ ਟਰਾਫੀ 'ਚ ਪੁਰਸ਼ਾਂ ਦੀ 200 ਮੀਟਰ ਬਟਰਫਲਾਈ ਵਰਗ 'ਚ 1 ਮਿੰਟ 56.38 ਸੈਕਿੰਡ ਦਾ ਸਮਾਂ ਕੱਢਿਆ।
ਰੀਓ ਓਲੰਪਿਕ 2016 ਵਿਚ ਖੇਡ ਚੁਕਾ ਸਾਜਨ ਟੋਕਿਓ ਓਲੰਪਿਕ 'ਏ' ਸਟੈਂਡਰਡ ਵਿਚ 0.1 ਸਕਿੰਟ ਨਾਲ ਦਾਖਲ ਹੋਇਆ। ਟੋਕਿਓ ਓਲੰਪਿਕਸ ਏ ਸਟੈਂਡਰਡ 1 ਮਿੰਟ 56.48 ਸੈਕਿੰਡ ਹੈ। ਕੇਰਲ ਦੇ ਤੈਰਾਕ ਨੇ ਪਿਛਲੇ ਹਫ਼ਤੇ ਬੈਲਗ੍ਰੇਡ ਟਰਾਫੀ ਤੈਰਾਕੀ ਮੁਕਾਬਲੇ ਵਿਚ 1 ਮਿੰਟ 56.96 ਸੈਕਿੰਡ ਦਾ ਰਿਕਾਰਡ ਬਣਾਇਆ ਜੋ ਕਿ ਉਸ ਦਾ ਰਾਸ਼ਟਰੀ ਰਿਕਾਰਡ ਸੀ।
ਸਵਿਮਿੰਗ ਫੈਡਰੇਸ਼ਨ ਆਫ ਇੰਡੀਆ ਨੇ ਟਵੀਟ ਕੀਤਾ, “ਭਾਰਤੀ ਤੈਰਾਕੀ ਲਈ ਇਤਿਹਾਸਕ ਪਲ। ਸਾਜਨ ਪ੍ਰਕਾਸ਼ ਨੇ ਓਲੰਪਿਕ ਦੀ ਯੋਗਤਾ ਦਾ ਸਮਾਂ ਕੱਢਿਆ। ਵਧਾਈਆਂ।''
ਪ੍ਰਕਾਸ਼ ਟੋਕੀਓ ਓਲੰਪਿਕ ਦੇ ਤੈਰਾਕੀ ਮੁਕਾਬਲੇ ਵਿੱਚ ਮਾਨਾ ਪਟੇਲ ਨਾਲ ਭਾਗ ਲੈਣਗੇ। ਮਾਨ ਨੂੰ ਸਵਿਮਿੰਗ ਫੈਡਰੇਸ਼ਨ ਆਫ ਇੰਡੀਆ ਨੇ ਨਾਮਜ਼ਦ ਕੀਤਾ ਹੈ। ਪ੍ਰਕਾਸ਼ ਦੀ ਸਿੱਧੀ ਯੋਗਤਾ ਦਾ ਅਰਥ ਹੈ ਕਿ ਸ੍ਰੀਹਾਰੀ ਨਟਰਾਜ ਟੋਕੀਓ ਓਲੰਪਿਕ ਵਿਚ ਹਿੱਸਾ ਨਹੀਂ ਲੈ ਸਕਣਗੇ, ਜਿਸ ਨੂੰ ਮਾਨ ਦੇ ਨਾਲ ਯੂਨੀਵਰਸਿਟੀ ਕੋਟੇ ਅਧੀਨ ਨਾਮਜ਼ਦ ਕੀਤਾ ਗਿਆ ਸੀ। ਨਟਰਾਜ ਸ਼ੁੱਕਰਵਾਰ ਨੂੰ ਰੋਮ ਵਿਚ 100 ਸੈਕਿੰਡ ਬੈਕਸਟ੍ਰੋਕ ਵਿਚ 0.5 ਸੈਕਿੰਡ ਨਾਲ ਕੁਆਲੀਫਾਈ ਕਰਨ ਤੋਂ ਖੁੰਝ ਗਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
