ਵਿਰਾਟ ਨਾਲ ਬਰੂਨੋ ਨੂੰ ਵੀ ਫਿਟਨੈਸ ਦਾ ਫਿਕਰ

ਨਵੀਂ ਦਿੱਲੀ - ਭਾਰਤੀ ਟੈਸਟ ਕਪਤਾਨ ਵਿਰਾਟ ਕੋਹਲੀ ਪਿਛਲੇ ਕੁਝ ਦਿਨਾ ਤੋਂ ਆਪਣੇ ਜਿਮ 'ਚ ਵਹਾਏ ਪਸੀਨੇ ਕਾਰਨ ਸੁਰਖੀਆਂ 'ਚ ਰਹੇ ਹਨ। ਵਿਰਾਟ ਦੀ ਇੱਕ ਵੀਡੀਓ ਵਾਇਰਲ ਹੋਈ ਸੀ ਜਿਸ 'ਚ ਵਿਰਾਟ ਕੋਹਲੀ ਜਮ ਕੇ ਵਰਕਆਊਟ ਕਰਦੇ ਨਜਰ ਆ ਰਹੇ ਹਨ। ਵਿਰਾਟ ਕੋਹਲੀ ਨੇ ਟੈਸਟ ਟੀਮ ਦੀ ਦਮਦਾਰ ਕਪਤਾਨੀ ਕੀਤੀ ਹੈ ਅਤੇ ਬੱਲੇ ਨਾਲ ਵੀ ਆਪਣੇ ਕਮਾਲ ਜਾਰੀ ਰੱਖੇ ਹਨ। ਵਿਰਾਟ ਦੀ ਕਪਤਾਨੀ 'ਚ ਭਾਰਤ ਨੇ ਵੈਸਟ ਇੰਡੀਜ਼ ਦੌਰੇ 'ਤੇ ਵੀ ਕਮਾਲ ਕੀਤਾ ਅਤੇ ਟੈਸਟ ਸੀਰੀਜ਼ 'ਚ ਜਿੱਤ ਦਰਜ ਕੀਤੀ। ਵਿਰਾਟ ਕੋਹਲੀ ਦੇ ਮੈਦਾਨ 'ਤੇ ਕੀਤੇ ਕਮਾਲ ਪਿਛੇ ਇੱਕ ਵੱਡਾ ਕਾਰਨ ਉਨ੍ਹਾਂ ਦੇ ਜਿਮ ਵਰਕਆਊਟ ਨੂੰ ਵੀ ਮੰਨਿਆ ਜਾਂਦਾ ਹੈ। 

  

 

ਪਰ ਹੁਣ ਵਿਰਾਟ ਜਿਮ ਵਰਕਆਊਟ ਇਕੱਲੇ ਨਹੀਂ ਕਰਦੇ ਸਗੋਂ ਉਨ੍ਹਾਂ ਨੂੰ ਇੱਕ ਸਾਥੀ ਮਿਲ ਗਿਆ ਹੈ। ਇਹ ਸਾਥੀ ਹੋਰ ਕੋਈ ਨਹੀਂ ਬਲਕਿ ਉਨ੍ਹਾਂ ਦਾ ਪਾਲਤੂ ਕੁੱਤਾ ਬਰੂਨੋ ਹੈ। ਬਰੂਨੋ ਨੇ ਵੀ ਵਿਰਾਟ ਨਾਲ ਜਿਮ ਜਾਣਾ ਸ਼ੁਰੂ ਕਰ ਦਿੱਤਾ ਹੈ ਅਤੇ ਵਿਰਾਟ ਕੋਹਲੀ ਵੀ ਬਰੂਨੋ ਦਾ ਸਾਥ ਪਸੰਦ ਕਰਦੇ ਹਨ। ਵਿਰਾਟ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਇੱਕ ਵੀਡੀਓ ਪੋਸਟ ਕੀਤੀ ਅਤੇ ਲਿਖਿਆ ਕਿ “Hahahaha this is proper domination. Love this little stud.” 

  

 

ਇੰਜ ਲਗਦਾ ਹੈ ਕਿ ਬਰੂਨੋ ਵੀ ਵਿਰਾਟ ਦੇ ਨਾਲ-ਨਾਲ ਜਿਮ ਪਹੁੰਚ ਗਿਆ ਅਤੇ ਬਰੂਨੋ ਦਾ ਵੀ ਵਰਕਆਊਟ ਦਾ ਮੂਡ ਬਣ ਗਿਆ। ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਵਿਰਾਟ ਨੂੰ ਵਰਕਆਊਟ ਲਈ ਸਾਥ ਮਿਲ ਗਿਆ ਹੈ। ਵਿਰਾਟ ਦਾ ਅਗਲਾ ਟੀਚਾ ਨੂੰ ਭਾਰਤ ਨੂੰ ਨਿਊਜ਼ੀਲੈਂਡ ਖਿਲਾਫ ਘਰੇਲੂ ਸੀਰੀਜ਼ 'ਚ ਜਿੱਤ ਦਵਾਉਣਾ ਹੈ। ਇਹ ਵੀ ਵੇਖਣ ਲਾਇਕ ਰਹੇਗਾ ਕਿ ਬਰੂਨੋ ਵਿਰਾਟ ਦੀ ਬੱਲੇਬਾਜ਼ੀ ਤੋਂ ਪ੍ਰਭਾਵਿਤ ਹੋਕੇ ਬੈਟਿੰਗ ਕਰਨ ਦੀ ਕੋਸ਼ਿਸ਼ ਕਦੋਂ ਕਰਦਾ ਹੈ।