Virat Kohli ਨੇ RCB ਟੀਮ ਕੈਂਪ ਕੀਤਾ ਜੁਆਇਨ, ਕਪਤਾਨ ਦੇ ਗਲੇ ਲਗ ਭਾਵੁਕ ਹੋਏ ਡਿਵਿਲੀਅਰਸ
ਇੰਡੀਅਨ ਪ੍ਰੀਮੀਅਰ ਲੀਗ ਸੀਜ਼ਨ 14 ਦਾ ਦੂਜਾ ਭਾਗ 19 ਸਤੰਬਰ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। ਆਈਪੀਐਲ 14 ਦੀ ਸ਼ੁਰੂਆਤ ਤੋਂ ਪਹਿਲਾਂ, ਆਰਸੀਬੀ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਆਪਣੀ ਕੁਆਰੰਟੀਨ ਮਿਆਦ ਪੂਰੀ ਕਰ ਲਈ ਹੈ।
IPL 2021: ਇੰਡੀਅਨ ਪ੍ਰੀਮੀਅਰ ਲੀਗ ਸੀਜ਼ਨ 14 ਦਾ ਦੂਜਾ ਭਾਗ 19 ਸਤੰਬਰ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। ਆਈਪੀਐਲ 14 ਦੀ ਸ਼ੁਰੂਆਤ ਤੋਂ ਪਹਿਲਾਂ, ਆਰਸੀਬੀ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਆਪਣੀ ਕੁਆਰੰਟੀਨ ਮਿਆਦ ਪੂਰੀ ਕਰ ਲਈ ਹੈ। ਆਰਸੀਬੀ ਦੁਆਰਾ ਜਾਣਕਾਰੀ ਦਿੱਤੀ ਗਈ ਹੈ ਕਿ ਕਪਤਾਨ ਵਿਰਾਟ ਕੋਹਲੀ ਨੇ ਸ਼ੁੱਕਰਵਾਰ ਨੂੰ ਟੀਮ ਦੇ ਨਾਲ ਪ੍ਰੈਕਟਿਸ ਸੈਸ਼ਨ ਵਿੱਚ ਹਿੱਸਾ ਲਿਆ। ਕੋਹਲੀ ਨੂੰ ਮਿਲਣ ਤੋਂ ਬਾਅਦ ਡਿਵਿਲੀਅਰਸ ਭਾਵੁਕ ਨਜ਼ਰ ਆਏ।
ਵਿਰਾਟ ਕੋਹਲੀ ਨੂੰ ਇੰਗਲੈਂਡ ਤੋਂ ਪਰਤਣ ਤੋਂ ਬਾਅਦ ਛੇ ਦਿਨਾਂ ਦੀ ਇਕਾਂਤਵਾਸ ਵਿੱਚੋਂ ਗੁਜ਼ਰਨਾ ਪਿਆ ਸੀ। ਕੋਹਲੀ ਅਤੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਆਈਪੀਐਲ 2021 ਦੇ ਦੂਜੇ ਪੜਾਅ ਲਈ ਲੰਡਨ ਤੋਂ ਚਾਰਟਰ ਪਲੇਨ ਰਾਹੀਂ 12 ਸਤੰਬਰ ਨੂੰ ਯੂਏਈ ਪਹੁੰਚੇ ਸਨ। ਆਰਸੀਬੀ ਨੇ ਤਿੰਨ ਮਿੰਟ ਦਾ ਵੀਡੀਓ ਪੋਸਟ ਕੀਤਾ ਅਤੇ ਟਵੀਟ ਕੀਤਾ, "ਕੋਹਲੀ ਕੁਆਰੰਟੀਨ ਪੂਰੀ ਕਰਨ ਤੋਂ ਬਾਅਦ ਆਰਸੀਬੀ ਟੀਮ ਵਿੱਚ ਸ਼ਾਮਲ ਹੋਏ। ਟੀਮ ਕੈਂਪ ਵਿੱਚ ਇੱਥੇ ਆ ਕੇ ਖੁਸ਼ੀ ਹੋਈ ਕਿਉਂਕਿ ਕੋਹਲੀ, ਸਿਰਾਜ ਅਤੇ ਸਾਡੇ ਕੁਝ ਵਿਦੇਸ਼ੀ ਖਿਡਾਰੀ ਪਹਿਲੇ ਨੈੱਟ ਸੀਜ਼ਨ ਵਿੱਚ ਸ਼ਾਮਲ ਹੋਏ।"
ਵੀਡੀਓ ਵਿੱਚ ਵੇਖਿਆ ਜਾ ਸਕਦਾ ਹੈ ਕਿ ਕੋਹਲੀ ਅਤੇ ਕੁਝ ਹੋਰ ਖਿਡਾਰੀ ਜਿਨ੍ਹਾਂ ਨੇ ਆਪਣਾ ਕੁਆਰੰਟੀਨ ਪੂਰਾ ਕਰ ਲਿਆ ਹੈ, ਨੂੰ ਸਿਖਲਾਈ ਦੇ ਮੈਦਾਨ ਵਿੱਚ ਉਨ੍ਹਾਂ ਦੇ ਆਪਣੇ ਕਿੱਟ ਬੈਗਾਂ ਦੇ ਨਾਲ ਵੇਖਿਆ ਗਿਆ ਜਿੱਥੇ ਏਬੀ ਡਿਵੀਲੀਅਰਸ ਸਮੇਤ ਖਿਡਾਰੀਆਂ ਅਤੇ ਕੋਚਿੰਗ ਸਟਾਫ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਸਿਰਾਜ ਨੇ ਵੀਡੀਓ ਵਿੱਚ ਕਿਹਾ, "ਸਾਰੇ ਬੱਲੇਬਾਜ਼ ਚੰਗੇ ਫਾਰਮ ਵਿੱਚ ਨਜ਼ਰ ਆ ਰਹੇ ਹਨ। ਟੀਮ ਲਈ ਇਹ ਚੰਗਾ ਹੈ ਕਿ ਗਲੇਨ ਮੈਕਸਵੈਲ, ਕੋਹਲੀ ਭਰਾ ਅਤੇ ਡਿਵਿਲੀਅਰਸ ਸਰ ਸਾਰੇ ਚੰਗੇ ਫਾਰਮ ਵਿੱਚ ਹਨ।"
ਆਰਸੀਬੀ ਦੇ ਕ੍ਰਿਕੇਟ ਸੰਚਾਲਨ ਦੇ ਨਿਰਦੇਸ਼ਕ ਮਾਈਕ ਹੇਸਨ ਨੇ ਕਿਹਾ, "ਦੂਰੋਂ ਰਣਨੀਤੀ 'ਤੇ ਵਿਚਾਰ ਕਰਨ ਦੀ ਬਜਾਏ ਕਪਤਾਨ ਨਾਲ ਆਹਮੋ-ਸਾਹਮਣੇ ਹੋਣਾ ਹਮੇਸ਼ਾਂ ਬਿਹਤਰ ਹੁੰਦਾ ਹੈ। ਛੇ ਦਿਨਾਂ ਦੇ ਕੁਆਰੰਟੀਨ ਨੇ ਕੋਹਲੀ ਨੂੰ ਤਾਜ਼ਗੀ ਦੇਣ ਦਾ ਮੌਕਾ ਦਿੱਤਾ ਹੈ। ਹੁਣ ਇਹ ਸੁਨਿਸ਼ਚਿਤ ਕਰਨ 'ਤੇ ਕੰਮ ਕਰ ਰਹੇ ਹਨ ਕਿ ਅਸੀਂ ਸਾਰੇ ਇੱਕੋ ਪੰਨੇ 'ਤੇ ਹਾਂ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
