ਵਿਰਾਟ ਦੇ ਦੋਹਰੇ ਸੈਂਕੜੇ ਨਾਲ ਟੀਮ ਇੰਡੀਆ ਮਜ਼ਬੂਤ

ਵਿਰਾਟ ਕੋਹਲੀ 204 ਰਨ ਬਣਾ ਕੇ ਆਊਟ ਹੋਏ।

ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਹੈਦਰਾਬਾਦ 'ਚ ਖੇਡੇ ਜਾ ਰਹੇ ਟੈਸਟ ਮੈਚ 'ਚ ਦੂਜੇ ਦਿਨ ਦਾ ਪਹਿਲਾ ਸੈਸ਼ਨ ਖਤਮ ਹੋਣ ਤਕ ਭਾਰਤੀ ਟੀਮ ਨੇ 4 ਵਿਕਟ ਗਵਾ ਕੇ 477 ਰਨ ਬਣਾ ਲਏ ਸਨ।

ਹਾਲਾਂਕਿ ਦੋਹਰਾ ਸੈਂਕੜਾ ਪੂਰਾ ਕਰਨ ਤੋਂ ਠੀਕ ਬਾਅਦ ਓਹ ਆਪਣਾ ਵਿਕਟ ਗਵਾ ਬੈਠੇ। ਵਿਰਾਟ ਕੋਹਲੀ ਨੇ 246 ਗੇਂਦਾਂ 'ਤੇ 24 ਚੌਕਿਆਂ ਦੀ ਮਦਦ ਨਾਲ 204 ਰਨ ਦੀ ਪਾਰੀ ਖੇਡੀ।

ਟੀਮ ਇੰਡੀਆ ਦੇ ਕਪਤਾਨ ਵਿਰਾਟ ਕੋਹਲੀ ਦੇ ਜਬਰਦਸਤ ਫਾਰਮ ਜਾਰੀ ਹੈ। ਵਿਰਾਟ ਨੇ ਬੰਗਲਾਦੇਸ਼ ਖਿਲਾਫ ਹੈਦਰਾਬਾਦ ਦੇ ਮੈਦਾਨ 'ਤੇ ਦੋਹਰਾ ਸੈਂਕੜਾ ਠੋਕਿਆ।

ਵਿਰਾਟ ਕੋਹਲੀ ਦੋਹਰੇ ਸੈਂਕੜੇ ਦੇ ਨੇੜੇ ਪਹੁੰਚ ਗਏ ਸਨ ਅਤੇ 191 ਰਨ ਬਣਾ ਕੇ ਮੈਦਾਨ 'ਤੇ ਟਿਕੇ ਹੋਏ ਸਨ। ਲੰਚ ਤੋਂ ਠੀਕ ਬਾਅਦ ਵਿਰਾਟ ਨੇ ਆਪਣਾ ਦੋਹਰਾ ਸੈਂਕੜਾ ਪੂਰਾ ਕੀਤਾ।

ਦੂਜੇ ਦਿਨ ਟੀਮ ਇੰਡੀਆ ਨੇ 3 ਵਿਕਟ 'ਤੇ 356 ਰਨ ਤੋਂ ਪਾਰੀ ਨੂੰ ਅੱਗੇ ਵਧਾਇਆ। ਵਿਰਾਟ ਕੋਹਲੀ ਅਤੇ ਰਹਾਣੇ ਨੇ ਕਿਸੇ ਵੀ ਬੰਗਲਾਦੇਸ਼ੀ ਗੇਂਦਬਾਜ਼ ਨੂੰ ਟਿਕਣ ਦਾ ਮੌਕਾ ਨਹੀਂ ਦਿੱਤਾ ਅਤੇ ਲਗਾਤਾਰ ਭਾਰਤੀ ਬੱਲੇਬਾਜ ਰਨ ਬਣਾਉਂਦੇ ਰਹੇ।

ਭਾਰਤ ਨੂੰ ਦੂਜੇ ਦਿਨ ਪਹਿਲੇ ਸੈਸ਼ਨ ਦੇ ਦੌਰਾਨ ਪਹਿਲਾ ਝਟਕਾ 456 ਰਨ ਦੇ ਸਕੋਰ 'ਤੇ ਲੱਗਾ।

ਰਹਾਣੇ 82 ਰਨ ਬਣਾ ਕੇ ਆਊਟ ਹੋਏ। ਵਿਰਾਟ ਕੋਹਲੀ ਅਤੇ ਅਜਿੰਕਿਆ ਰਹਾਣੇ ਵਿਚਾਲੇ 222 ਰਨ ਦੀ ਪਾਰਟਨਰਸ਼ਿਪ ਹੋਈ।