ਮਾਂ ਦੇ ਨਾਮ ਦੀ ਜਰਸੀ ਪਾ ਖੇਡੀ ਟੀਮ ਇੰਡੀਆ

ਵਿਸ਼ਾਖਾਪਟਨਮ - ਟੀਮ ਇੰਡੀਆ ਦੇ ਖਿਡਾਰੀ ਵਿਸ਼ਾਖਾਪਟਨਮ 'ਚ ਖੇਡੇ ਜਾ ਰਹੇ 5ਵੇਂ ਵਨਡੇ ਮੈਚ 'ਚ ਬਦਲੇ-ਬਦਲੇ ਨਜਰ ਆਏ। ਦਰਅਸਲ ਇਹ ਬਦਲਾਅ ਟੀਮ ਇੰਡੀਆ ਦੇ ਖਿਡਾਰੀਆਂ 'ਚ ਨਹੀਂ ਸਗੋਂ ਉਨ੍ਹਾਂ ਦੀ ਜਰਸੀ 'ਚ ਨਜਰ ਆਇਆ। ਟੀਮ ਇੰਡੀਆ ਦੇ ਖਿਡਾਰੀ ਆਪਣੀਆਂ ਜਰਸੀਜ਼ 'ਤੇ ਆਪਣੇ ਨਹੀਂ ਸਗੋਂ ਆਪਣੀ ਮਾਂ ਦੇ ਨਾਮ ਲਿਖਵਾ ਕੇ ਉਤਰੇ। 

  

 

ਕਪਤਾਨ ਧੋਨੀ ਟਾਸ ਲਈ ਆਏ ਤਾਂ ਸਭ ਹੈਰਾਨ ਸਨ ਕਿ ਉਨ੍ਹਾਂ ਦੀ ਜਰਸੀ 'ਤੇ ਉਨ੍ਹਾਂ ਦਾ ਨਹੀਂ ਸਗੋਂ ਉਨ੍ਹਾਂ ਦੀ ਮਾਂ ਦੇਵਕੀ ਦਾ ਨਾਮ ਲਿਖਿਆ ਸੀ। ਹੁਣ ਇਸਨੂੰ ਚਾਹੇ ਮਸ਼ਹੂਰੀ ਦਾ ਟੋਟਕਾ ਸਮਝਿਆ ਜਾਵੇ ਅਤੇ ਚਾਹੇ ਲਗਾਤਾਰ ਚੱਲੀ ਆ ਰਹੀ ਸੋਚ 'ਚ ਫਰਕ ਸਮਝਿਆ ਜਾਵੇ, ਪਰ ਇਹ ਕ੍ਰਿਕਟ ਫੈਨਸ ਨੂੰ ਬੇਹਦ ਪਸੰਦ ਆਇਆ। 

  

 

ਹਾਲ 'ਚ ਟੀਮ ਇੰਡੀਆ ਦੇ ਖਿਡਾਰੀ ਕਈ ਵਾਰ ਆਪਣੀ ਮਾਂ ਦੇ ਨਾਮ ਨੂੰ ਜਰਸੀ 'ਤੇ ਲਿਖਵਾਕੇ ਮਸ਼ਹੂਰੀ ਕਰਦੇ ਨਜਰ ਆਏ ਸਨ। ਇਸਤੋਂ ਬਾਅਦ ਹੀ ਕਪਤਾਨ ਧੋਨੀ ਦੀ ਮਾਂ ਦਾ ਨਾਮ ਦੇਵਕੀ ਦੇਵੀ, ਵਿਰਾਟ ਕੋਹਲੀ ਦੀ ਮਾਂ ਦਾ ਨਾਮ ਸਰੋਜ ਕੋਹਲੀ ਅਤੇ ਅਜਿੰਕਿਆ ਰਹਾਣੇ ਦੀ ਮਾਂ ਦਾ ਨਾਮ ਸੁਜਾਤਾ ਫੈਨਸ ਦੀ ਜੁਬਾਨ 'ਤੇ ਚੜ੍ਹ ਗਿਆ ਸੀ। ਵਿਸ਼ਾਖਾਪਟਨਮ ਵਨਡੇ ਤੋਂ ਬਾਅਦ ਸਾਰੇ ਫੈਨਸ ਆਪਣੇ ਚਹੇਤੇ ਖਿਡਾਰੀਆਂ ਦੇ ਮਾਂ ਦੇ ਨਾਮ ਨਾਲ ਜਾਣੂ ਜਰੂਰ ਹੋ ਜਾਣਗੇ।