ਮੰਗਿਆ ਗਿਆ ਸਟਾਰ ਭਲਵਾਨ

ਸੋਨੀਪਤ - ਓਲੰਪਿਕ ਬਰੌਂਜ਼ ਮੈਡਲਿਸਟ ਭਲਵਾਨ ਯੋਗੇਸ਼ਵਰ ਦੱਤ ਨੇ ਕਾਂਗਰਸ ਨੇਤਾ ਜੈਭਗਵਾਨ ਸ਼ਰਮਾ ਦੀ ਬੇਟੀ ਸ਼ੀਤਲ ਨਾਲ ਮੰਗਣੀ ਕਰ ਲਈ ਹੈ। ਐਤਵਾਰ ਨੂੰ ਯੋਗੇਸ਼ਵਰ ਦੱਤ ਅਤੇ ਸ਼ੀਤਲ ਦੇ ਪਰਿਵਾਰ ਤੋਂ ਅਲਾਵਾ ਕੁਝ ਖਾਸ ਲੋਕਾਂ ਦੀ ਮੌਜੂਦਗੀ 'ਚ ਮੰਗਣੀ ਦੀ ਰਸਮ ਪੂਰੀ ਹੋਈ। 

  

 

ਸ਼ੀਤਲ ਬੀ.ਏ. ਦੀ ਸਟੂਡੈਂਟ ਹੈ ਅਤੇ ਸ਼ੀਤਲ ਦਾ ਯੋਗੇਸ਼ਵਰ ਦੱਤ ਨਾਲ ਵਿਆਹ 16 ਜਨਵਰੀ ਨੂੰ ਹੋਵੇਗਾ। ਮੰਗਣੀ ਦੇ ਮੌਕੇ ਦੁਆਇਆ ਪਰਿਵਾਰਾਂ ਅਤੇ ਰਿਸ਼ਤੇਦਾਰਾਂ ਤੋਂ ਅਲਾਵਾ ਕੇਂਦਰੀ ਮੰਤਰੀ ਮੁਰਲੀ ਮਨੋਹਰ ਜੋਸ਼ੀ, ਸਾਂਸਦ ਭਾਰਤੀ ਰੈਸਲਿੰਗ ਫੈਡਰੇਸ਼ਨ ਦੇ ਪ੍ਰਧਾਨ ਬ੍ਰਿਜਭੂਸ਼ਨ ਸ਼ਰਨ, ਕਾਂਗਰਸ ਨੇਤਾ ਕੁਲਦੀਪ ਬਿਸ਼ਨੋਈ ਅਤੇ ਆਮ ਆਦਮੀ ਪਾਰਟੀ ਦੇ ਸਟੇਟ ਚੀਫ ਨਵੀਂ ਜੈਹਿੰਦ ਵੀ ਮੌਜੂਦ ਸਨ। 

  

 

ਯੋਗੇਸ਼ਵਰ ਦੱਤ ਨੇ ਲੰਡਨ ਓਲੰਪਿਕਸ 'ਚ ਭਾਰਤ ਲਈ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। ਇਸਤੋਂ ਬਾਅਦ ਰੀਓ ਓਲੰਪਿਕਸ 'ਚ ਵੀ ਯੋਗੇਸ਼ਵਰ ਦੱਤ ਨੇ ਦਾਵੇਦਾਰੀ ਪੇਸ਼ ਕੀਤੀ ਪਰ ਰੀਓ 'ਚ ਯੋਗੇਸ਼ਵਰ ਦੱਤ ਮੈਡਲ ਜਿੱਤਣ 'ਚ ਨਾਕਾਮ ਰਹੇ। ਦੱਸਿਆ ਜਾਂਦਾ ਹੈ ਕਿ ਯੋਗੇਸ਼ਵਰ ਦੱਤ ਦੇ ਗੁਰੂ ਮਾਸਟਰ ਸਤਬੀਰ ਨੇ ਸ਼ੀਤਲ ਨਾਲ ਉਨ੍ਹਾਂ ਦਾ ਰਿਸ਼ਤਾ ਕਰਵਾਇਆ ਹੈ। ਸ਼ੀਤਲ ਜੈਭਗਵਾਨ ਸ਼ਰਮਾ ਦੀ ਇਕਲੌਤੀ ਬੇਟੀ ਹੈ।