ਲੌਕਡਾਊਨ 'ਚ ਏਅਰਟੈੱਲ ਦਾ ਪਿੰਡਾਂ ਵਾਲਿਆਂ ਲਈ ਤੋਹਫਾ, 5 ਕਰੋੜ ਗਾਹਕਾਂ ਮਿਲੇਗਾ ਫਾਇਦਾ

ਕੋਰੋਨਾ ਮਹਾਂਮਾਰੀ ਵਿਚਕਾਰ ਆਰਥਿਕ ਸੰਕਟ ਦਾ ਸਾਹਮਣਾ ਕਰ ਰਹੇ ਲੋਕਾਂ ਏਅਰਟੈੱਲ ਨੇ ਕੁਝ ਵਿਸ਼ੇਸ਼ ਆਫ਼ਰਾਂ ਦਾ ਐਲਾਨ ਕੀਤਾ ਹੈ। ਕੰਪਨੀ ਨੇ ਕਿਹਾ ਹੈ ਕਿ ਉਹ ਆਪਣੇ ਘੱਟ ਆਮਦਨੀ ਵਰਗ ਵਾਲੇ ਸਾਢੇ 5 ਕਰੋੜ ਗਾਹਕਾਂ ਨੂੰ ਇਹ ਪੇਸ਼ਕਸ਼ ਦੇਵੇਗੀ।

airtel

ਨਵੀਂ ਦਿੱਲੀ: ਕੋਰੋਨਾ ਮਹਾਂਮਾਰੀ ਵਿਚਕਾਰ ਆਰਥਿਕ ਸੰਕਟ ਦਾ ਸਾਹਮਣਾ ਕਰ ਰਹੇ ਲੋਕਾਂ ਏਅਰਟੈੱਲ ਨੇ ਕੁਝ ਵਿਸ਼ੇਸ਼ ਆਫ਼ਰਾਂ ਦਾ ਐਲਾਨ ਕੀਤਾ ਹੈ। ਕੰਪਨੀ ਨੇ ਕਿਹਾ ਹੈ ਕਿ ਉਹ ਆਪਣੇ ਘੱਟ ਆਮਦਨੀ ਵਰਗ ਵਾਲੇ ਸਾਢੇ 5 ਕਰੋੜ ਗਾਹਕਾਂ ਨੂੰ ਇਹ ਪੇਸ਼ਕਸ਼ ਦੇਵੇਗੀ। ਕੰਪਨੀ ਆਪਣੇ ਪ੍ਰੀ-ਪੇਡ ਗਾਹਕਾਂ ਨੂੰ 49 ਰੁਪਏ ਦਾ ਰਿਚਾਰਜ ਪਲਾਨ ਇੱਕ ਵਾਰ ਲਈ ਮੁਫ਼ਤ ਦੇਵੇਗੀ। ਇਸ ਤੋਂ ਇਲਾਵਾ 79 ਰੁਪਏ ਦੇ ਪਲਾਨ 'ਚ ਕੰਪਨੀ ਆਪਣੇ ਇਨ੍ਹਾਂ ਗਾਹਕਾਂ ਨੂੰ ਦੁੱਗਣੇ ਆਫ਼ਰ ਦੇਵੇਗੀ। ਏਅਰਟੈੱਲ ਅਨੁਸਾਰ ਇਹ ਆਫ਼ਰ ਇਸੇ ਹਫ਼ਤੇ ਤੋਂ ਉਪਲੱਬਧ ਕਰਵਾ ਦਿੱਤੇ ਜਾਣਗੇ ਤੇ ਗਾਹਕਾਂ ਨੂੰ ਇਸ ਤੋਂ ਲਗਪਗ 270 ਕਰੋੜ ਰੁਪਏ ਦੀ ਬਚਤ ਹੋਵੇਗੀ।

ਏਅਰਟੈੱਲ ਨੇ ਕਿਹਾ ਹੈ ਕਿ ਉਨ੍ਹਾਂ ਦੇ ਘੱਟ ਆਮਦਨ ਵਾਲੇ ਗਾਹਕ ਬਗੈਰ ਕਿਸੇ ਅਦਾਇਗੀ ਇਸ ਹਫਤੇ ਤੋਂ 49 ਰੁਪਏ ਦਾ ਰਿਚਾਰਜ ਕਰਵਾ ਸਕਦੇ ਹਨ। ਗਾਹਕ ਇਕ ਵਾਰ ਇਸ ਆਫ਼ਰ ਦਾ ਲਾਭ ਲੈ ਸਕਦੇ ਹਨ। ਇਸ ਪੈਕ 'ਚ 38.52 ਰੁਪਏ ਟਾਕਟਾਈਮ ਤੇ 100 ਐਮਬੀ ਡਾਟਾ ਮਿਲ ਰਿਹਾ ਹੈ। ਇਸ ਦੀ ਵੈਧਤਾ 28 ਦਿਨ ਹੈ। 79 ਰੁਪਏ ਦੇ ਪਲਾਨ 'ਚ ਕੰਪਨੀ ਇਨ੍ਹਾਂ ਗਾਹਕਾਂ ਨੂੰ ਦੁੱਗਣੇ ਆਫ਼ਰ ਦੇਵੇਗੀ। ਇਸ ਪਲਾਨ 'ਚ ਪਹਿਲਾਂ 128 ਰੁਪਏ ਦਾ ਟਾਕਟਾਈਮ ਤੇ 200 ਐਮਬੀ ਡਾਟਾ ਮਿਲਦਾ ਸੀ।

ਪੇਂਡੂ ਗਾਹਕਾਂ 'ਤੇ ਫ਼ੋਕਸ
ਏਅਰਟੈੱਲ ਦੇ ਅਨੁਸਾਰ ਇਸ ਆਫ਼ਰ ਜ਼ਰੀਏ ਉਨ੍ਹਾਂ ਦਾ ਮੁੱਖ ਉਦੇਸ਼ ਮਹਾਂਮਾਰੀ ਦੇ ਇਸ ਪੜਾਅ 'ਚ ਪੇਂਡੂ ਖੇਤਰਾਂ ਨੂੰ ਸੂਚਨਾ ਪ੍ਰਣਾਲੀ ਨਾਲ ਜੋੜਨਾ ਹੈ। ਕੰਪਨੀ ਨੇ ਕਿਹਾ, "ਇਸ ਆਫ਼ਰ ਜ਼ਰੀਏ ਸਾਡਾ ਉਦੇਸ਼ ਆਪਣੇ ਘੱਟ ਆਮਦਨ ਵਾਲੇ ਸਾਢ 5 ਕਰੋੜ ਗਾਹਕਾਂ ਨੂੰ ਮਜ਼ਬੂਤ ਬਣਾਈ ਰੱਖਣਾ ਹੈ। ਸਾਡਾ ਮੁੱਖ ਫ਼ੋਕਸ ਪੇਂਡੂ ਖੇਤਰਾਂ ਦੇ ਖਪਤਕਾਰਾਂ 'ਤੇ ਹੈ। ਉਨ੍ਹਾਂ ਨੂੰ ਇਸ ਮਹਾਂਮਾਰੀ ਸਮੇਂ ਜੋੜੇ ਰੱਖਣ ਅਤੇ ਲੋੜ ਪੈਣ 'ਤੇ ਅਹਿਮ ਜਾਣਕਾਰੀ ਉਨ੍ਹਾਂ ਤਕ ਪਹੁੰਚਾਉਣ ਲਈ ਇਹ ਬਹੁਤ ਜ਼ਰੂਰੀ ਹੈ।"

 

 

 

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :

 

Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ