Iphone 18 Pro : 9 ਸਤੰਬਰ ਨੂੰ ਕਿਹੜੇ-ਕਿਹੜੇ ਗੈਜੇਟ ਲਾਂਚ ਕਰੇਗਾ Apple, ਕੀ ਦੇ ਸਕਦਾ ਹੈ ਸਰਪ੍ਰਾਈਜ਼?
Apple ਦੇ ਨਵੇਂ ਪ੍ਰੋਡਕਟਸ ਨੂੰ ਲੈ ਕੇ ਯੂਜ਼ਰਜ਼ ਵਿਚ ਉਤਸ਼ਾਹ ਵਧ ਗਿਆ ਹੈ। ਕੰਪਨੀ ਨੇ ਆਪਣੇ ਵੱਡੇ ਲਾਂਚ ਇਵੈਂਟ ਦੀ ਤਾਰੀਖ ਤੈਅ ਕਰ ਦਿੱਤੀ ਹੈ, ਜੋ 9 ਸਤੰਬਰ 2026 ਨੂੰ ਅਮਰੀਕਾ ਦੇ ਕੈਲੀਫੋਰਨੀਆ ਸਥਿਤ Apple Park ਦੇ
Apple ਦੇ ਨਵੇਂ ਪ੍ਰੋਡਕਟਸ ਨੂੰ ਲੈ ਕੇ ਯੂਜ਼ਰਜ਼ ਵਿਚ ਉਤਸ਼ਾਹ ਵਧ ਗਿਆ ਹੈ। ਕੰਪਨੀ ਨੇ ਆਪਣੇ ਵੱਡੇ ਲਾਂਚ ਇਵੈਂਟ ਦੀ ਤਾਰੀਖ ਤੈਅ ਕਰ ਦਿੱਤੀ ਹੈ, ਜੋ 9 ਸਤੰਬਰ 2026 ਨੂੰ ਅਮਰੀਕਾ ਦੇ ਕੈਲੀਫੋਰਨੀਆ ਸਥਿਤ Apple Park ਦੇ Steve Jobs Theater ਵਿੱਚ ਕਰਵਾਇਆ ਜਾਵੇਗਾ। ‘Surprise and Shine’ ਟੈਗਲਾਈਨ ਵਾਲੇ ਇਸ ਇਵੈਂਟ ਵਿੱਚ iPhone 18 Pro ਅਤੇ iPhone 18 Pro Max ਵਰਗੇ ਨਵੇਂ ਮਾਡਲ ਪੇਸ਼ ਕੀਤੇ ਜਾਣ ਦੀ ਚਰਚਾ ਹੈ।
ਇਸ ਤੋਂ ਇਲਾਵਾ Apple ਦੇ ਪਹਿਲੇ ਫੋਲਡੇਬਲ iPhone ਦੇ ਲਾਂਚ ਨੂੰ ਲੈ ਕੇ ਵੀ ਕਾਫੀ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ। ਅਜਿਹੇ ਵਿੱਚ ਆਓ ਤੁਹਾਨੂੰ ਦੱਸਦੇ ਹਾਂ ਕਿ 9 ਸਤੰਬਰ ਨੂੰ Apple ਕਿਹੜੇ-ਕਿਹੜੇ ਗੈਜੇਟ ਲਾਂਚ ਕਰ ਸਕਦਾ ਹੈ ਅਤੇ ਕੰਪਨੀ ਵੱਲੋਂ ਕੀ ਵੱਡਾ ਸਰਪ੍ਰਾਈਜ਼ ਮਿਲ ਸਕਦਾ ਹੈ।
9 ਸਤੰਬਰ ਨੂੰ ਹੋਵੇਗਾ Apple ਦਾ ਵੱਡਾ ਇਵੈਂਟ
Apple ਦਾ ਇਹ ਖਾਸ ਇਵੈਂਟ 9 ਸਤੰਬਰ 2026 ਨੂੰ ਅਮਰੀਕਾ ਦੇ ਕੈਲੀਫੋਰਨੀਆ ਸਥਿਤ Apple Park ਦੇ Steve Jobs Theater ਵਿੱਚ ਹੋਵੇਗਾ। ਪ੍ਰੋਗਰਾਮ ਅਮਰੀਕਾ ਵਿੱਚ ਸਵੇਰੇ 10 ਵਜੇ PT ’ਤੇ ਸ਼ੁਰੂ ਹੋਵੇਗਾ, ਜਦਕਿ ਭਾਰਤ ਵਿੱਚ ਇਸ ਨੂੰ ਰਾਤ 10:30 ਵਜੇ ਤੋਂ ਦੇਖਿਆ ਜਾ ਸਕੇਗਾ। Apple ਇਸ ਇਵੈਂਟ ਦੀ ਲਾਈਵ ਸਟ੍ਰੀਮਿੰਗ ਆਪਣੀ ਵੈੱਬਸਾਈਟ, YouTube ਅਤੇ Apple TV ’ਤੇ ਕਰੇਗਾ। ਕੰਪਨੀ ਨੇ ਇਵੈਂਟ ਲਈ ‘Surprise and Shine’ ਟੈਗਲਾਈਨ ਦੇ ਨਾਲ ਇੱਕ ਖਾਸ ਆਰਟਵਰਕ ਵੀ ਜਾਰੀ ਕੀਤਾ ਹੈ, ਜਿਸ ਵਿੱਚ Apple ਦਾ ਲੋਗੋ ਚਮਕਦਾ ਹੋਇਆ ਨਜ਼ਰ ਆ ਰਿਹਾ ਹੈ।
9 ਸਤੰਬਰ ਨੂੰ Apple ਕਿਹੜੇ-ਕਿਹੜੇ ਗੈਜੇਟ ਲਾਂਚ ਕਰੇਗਾ?
9 ਸਤੰਬਰ ਦੇ Apple ਇਵੈਂਟ ਵਿੱਚ iPhone 18 Pro ਅਤੇ iPhone 18 Pro Max ਪੇਸ਼ ਕੀਤੇ ਜਾਣ ਦੀ ਉਮੀਦ ਹੈ। ਰਿਪੋਰਟਾਂ ਮੁਤਾਬਕ, ਦੋਵਾਂ ਮਾਡਲਾਂ ਵਿੱਚ ਨਵੀਂ 2nm A20 Pro ਚਿੱਪ ਮਿਲ ਸਕਦੀ ਹੈ। ਡਿਜ਼ਾਈਨ ਵਿੱਚ ਛੋਟਾ Dynamic Island, ਨਵੇਂ ਕਲਰ ਅਤੇ ਕੈਮਰੇ ਨਾਲ ਜੁੜੇ ਅਪਗ੍ਰੇਡ ਦੇਖਣ ਨੂੰ ਮਿਲ ਸਕਦੇ ਹਨ।
iPhone 18 Pro Max ਵਿੱਚ 48MP ਮੇਨ ਕੈਮਰਾ ਅਤੇ ਵੈਰੀਏਬਲ ਅਪਰਚਰ ਮਿਲਣ ਦੀ ਚਰਚਾ ਹੈ। ਇਸ ਤੋਂ ਇਲਾਵਾ ਅੰਡਰ-ਡਿਸਪਲੇ Face ID ਅਤੇ ਨਵੇਂ C2 ਮੋਡਮ ਨੂੰ ਲੈ ਕੇ ਵੀ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ।
Apple ਦੇ ਪਹਿਲੇ ਫੋਲਡੇਬਲ iPhone ਨੂੰ ਲੈ ਕੇ ਵੀ ਕਾਫੀ ਸਮੇਂ ਤੋਂ ਚਰਚਾ ਚੱਲ ਰਹੀ ਹੈ। ਇਸ ਨੂੰ iPhone Fold ਜਾਂ iPhone Ultra ਨਾਮ ਦਿੱਤਾ ਜਾ ਸਕਦਾ ਹੈ। ਰਿਪੋਰਟਾਂ ਅਨੁਸਾਰ, ਇਸ ਵਿੱਚ ਅੰਦਰਲੀ ਪਾਸੇ ਕਰੀਬ 7.8 ਇੰਚ ਅਤੇ ਬਾਹਰਲੀ ਪਾਸੇ ਲਗਭਗ 5.3 ਇੰਚ ਦੀ ਡਿਸਪਲੇਅ ਮਿਲ ਸਕਦੀ ਹੈ।
ਕੀ ਵੱਡਾ ਸਰਪ੍ਰਾਈਜ਼ ਦੇ ਸਕਦਾ ਹੈ?
iPhone ਤੋਂ ਇਲਾਵਾ Apple Watch Series 12 ਅਤੇ Apple Watch Ultra ਦੇ ਨਵੇਂ ਮਾਡਲ ਵੀ ਲਾਂਚ ਕੀਤੇ ਜਾ ਸਕਦੇ ਹਨ। ਇਨ੍ਹਾਂ ਦੇ ਨਾਲ ਨਵੇਂ ਸਮਾਰਟ ਹੋਮ ਡਿਵਾਈਸ ਅਤੇ AirPods ਨਾਲ ਜੁੜੇ ਅਪਡੇਟ ਵੀ ਦੇਖਣ ਨੂੰ ਮਿਲ ਸਕਦੇ ਹਨ। ਹਾਲਾਂਕਿ, ਕੈਮਰਾ ਵਾਲੇ AirPods ਨੂੰ 2027 ਵਿੱਚ ਲਾਂਚ ਕੀਤੇ ਜਾਣ ਦੀ ਚਰਚਾ ਹੈ।
ਨਵੇਂ CEO ਦੇ ਦੌਰ ਵਿੱਚ ਪਹਿਲਾ ਵੱਡਾ iPhone ਲਾਂਚ
ਇਹ ਇਵੈਂਟ Apple ਲਈ ਲੀਡਰਸ਼ਿਪ ਦੇ ਲਿਹਾਜ਼ ਨਾਲ ਵੀ ਖਾਸ ਹੋਵੇਗਾ। ਰਿਪੋਰਟਾਂ ਮੁਤਾਬਕ John Ternus 1 ਸਤੰਬਰ 2026 ਤੋਂ CEO ਦੀ ਜ਼ਿੰਮੇਵਾਰੀ ਸੰਭਾਲਣਗੇ, ਜਦਕਿ Tim Cook Executive Chairman ਦੀ ਭੂਮਿਕਾ ਵਿੱਚ ਰਹਿਣਗੇ। ਅਜਿਹੇ ਵਿੱਚ ਨਵੇਂ CEO ਦੇ ਕਾਰਜਕਾਲ ਵਿੱਚ ਇਹ ਪਹਿਲਾ ਵੱਡਾ iPhone ਲਾਂਚ ਇਵੈਂਟ ਹੋਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
