ਸਭ ਤੋਂ ਸਸਤੇ ਆਈਫੋਨ ਲਈ ਅਜੇ ਹੋਰ ਕਰਨਾ ਪਏਗਾ ਇੰਤਜ਼ਾਰ, ਇਸ ਕਰਕੇ ਹੋਈ ਈਵੈਂਟ 'ਚ ਦੇਰੀ

Apple ਦੇ ਮਾਰਚ 'ਚ ਹੋਣ ਵਾਲੇ ਈਵੈਂਟ 'ਚ ਦੇਰੀ ਹੋ ਸਕਦੀ ਹੈ। ਜਦਕਿ ਈਵੈਂਟ ਨੂੰ ਲੈ ਕੇ ਅਜੇ ਤਕ ਕੋਈ ਆਫੀਸ਼ੀਅਲ ਅਨਾਉਂਸਮੈਂਟ ਨਹੀਂ ਕੀਤੀ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਇਵੈਂਟ 'ਚ ਐਪਲ ਆਪਣਾ ਲੈਟੇਸਟ ਆਈਫੋਨ ਬਾਜ਼ਾਰ 'ਚ ਉਤਾਰੇਗਾ।

ਨਵੀਂ ਦਿੱਲੀ: ਪ੍ਰੀਮੀਅਮ ਸਮਾਰਟਫੋਨ ਬ੍ਰਾਂਡ ਕੰਪਨੀ Apple ਦਾ ਪ੍ਰੋਗਰਾਮ 31 ਮਾਰਚ ਨੂੰ ਦੇਰੀ ਨਾਲ ਹੋ ਸਕਦਾ ਹੈ। ਇਸਦੇ ਪਿੱਛੇ ਕਾਰਨ ਕੋਰੋਨਾ ਵਾਇਰਸ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਕੰਪਨੀ ਇਸ ਈਵੈਂਟ 'ਚ ਆਪਣਾ ਸਸਤਾ iphone ਲਾਂਚ ਕਰ ਸਕਦੀ ਹੈ। ਇੱਕ ਜਰਮਨ ਵੈਬਸਾਈਟ iPhone-ticker.de ਦੀ ਇੱਕ ਰਿਪੋਰਟ ਮੁਤਾਬਕ ਐਪਲ, ਮਾਰਚ ਦੇ ਅਖੀਰ 'ਚ ਇੱਕ ਸਮਾਗਮ ਹੋਣ ਜਾ ਰਿਹਾ ਸੀ। ਹਾਲਾਂਕਿ, ਐਪਲ ਨੇ ਇਸ ਸੰਬੰਧ ਵਿਚ ਅਜੇ ਤੱਕ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ। ਰਿਪੋਰਟ ਦੇ ਅਨੁਸਾਰ, ਕੰਪਨੀ ਆਪਣੇ ਨਵੇਂ ਸਮਾਰਟਫੋਨਾਂ ਦਾ ਨਾਂ iphone-9 ਜਾਂ iphone Se-2 ਰੱਖ ਸਕਦੀ ਹੈ। ਉਸੇ ਸਮੇਂ, GizChina ਦੀ ਇੱਕ ਰਿਪੋਰਟ ਮੁਤਾਬਕ ਆਈਫੋਨ -9 ਜਾਂ ਆਈਫੋਨ ਸੇ -2 ਨੂੰ ਕੋਰੋਨਾ ਵਾਇਰਸ ਕਾਰਨ ਬਾਜ਼ਾਰ ਵਿੱਚ ਲੇਟ ਲਿਆਇਆ ਜਾਵੇਗਾ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਕੋਰੋਨਾ ਵਾਇਰਸ ਕਰਕੇ ਫੋਨ ਦੇ ਉਤਪਾਦਨ ਨੂੰ ਰੋਕਿਆ ਜਾ ਸਕਦਾ ਹੈ। ਜਿਸ ਕਾਰਨ ਈਵੈਂਟ ਨੂੰ ਅਪ੍ਰੈਲ ਤੱਕ ਮੁਲਤਵੀ ਕੀਤਾ ਜਾ ਸਕਦਾ ਹੈ।