Phone Battery Mistakes : ਇਨ੍ਹਾਂ ਗਲਤੀਆਂ ਕਰਕੇ ਜਲਦੀ ਖਰਾਬ ਹੋ ਜਾਂਦੀ ਹੈ ਫੋਨ ਦੀ ਬੈਟਰੀ, 99 ਫੀਸਦੀ ਲੋਕਾਂ ਨੂੰ ਨਹੀਂ ਪਤਾ
Battery Mistakes To Avoid : ਅੱਜ ਕੱਲ੍ਹ ਜ਼ਿਆਦਾਤਰ ਸਮਾਰਟਫੋਨਾਂ ਵਿੱਚ ਲਿਥੀਅਮ-ਆਇਨ ਬੈਟਰੀ ਵਰਤੀ ਜਾਂਦੀ ਹੈ। ਇਹ ਬੈਟਰੀ ਲੰਬੇ ਸਮੇਂ ਤੱਕ ਚਾਰਜ ਹੋਲਡ ਕਰ ਸਕਦੀ ਹੈ ਅਤੇ ਇਸਦੀ ਲਾਈਫ ਵੀ ਕਾਫ਼ੀ ਵਧੀਆ ਹੁੰਦੀ ਹੈ
Phone Battery Mistakes To Avoid : ਅੱਜ ਕੱਲ੍ਹ ਜ਼ਿਆਦਾਤਰ ਸਮਾਰਟਫੋਨਾਂ ਵਿੱਚ ਲਿਥੀਅਮ-ਆਇਨ ਬੈਟਰੀ ਵਰਤੀ ਜਾਂਦੀ ਹੈ। ਇਹ ਬੈਟਰੀ ਲੰਬੇ ਸਮੇਂ ਤੱਕ ਚਾਰਜ ਹੋਲਡ ਕਰ ਸਕਦੀ ਹੈ ਅਤੇ ਇਸਦੀ ਲਾਈਫ ਵੀ ਕਾਫ਼ੀ ਵਧੀਆ ਹੁੰਦੀ ਹੈ ਪਰ ਕੁਝ ਗਲਤੀਆਂ ਬੈਟਰੀ ਨੂੰ ਜਲਦੀ ਖਰਾਬ ਕਰ ਸਕਦੀਆਂ ਹਨ। ਆਓ ਜਾਣਦੇ ਹਾਂ ਉਹ ਗਲਤੀਆਂ ਜਿਨ੍ਹਾਂ ਤੋਂ ਬਚ ਕੇ ਤੁਸੀਂ ਆਪਣੇ ਫੋਨ ਦੀ ਬੈਟਰੀ ਲਾਈਫ ਵਧਾ ਸਕਦੇ ਹੋ।
ਖਰਾਬ ਕੁਆਲਿਟੀ ਦੇ ਚਾਰਜਰ ਦੀ ਵਰਤੋਂ
ਕਈ ਲੋਕ ਸਸਤਾ ਜਾਂ ਲੋਕਲ ਚਾਰਜਰ ਖਰੀਦ ਲੈਂਦੇ ਹਨ। ਅਜਿਹੇ ਚਾਰਜਰ ਵੋਲਟੇਜ ਨੂੰ ਠੀਕ ਤਰੀਕੇ ਨਾਲ ਕੰਟਰੋਲ ਨਹੀਂ ਕਰਦੇ, ਜਿਸ ਕਾਰਨ ਬੈਟਰੀ ‘ਤੇ ਵੱਧ ਲੋਡ ਪੈਂਦਾ ਹੈ ਅਤੇ ਇਹ ਜਲਦੀ ਖਰਾਬ ਹੋਣ ਲੱਗਦੀ ਹੈ।
ਫੋਨ ਨੂੰ ਜ਼ਿਆਦਾ ਗਰਮ ਹੋਣ ਦੇਣਾ
ਲਿਥੀਅਮ-ਆਇਨ ਬੈਟਰੀਆਂ ਤਾਪਮਾਨ ਲਈ ਬਹੁਤ ਸੰਵੇਦਨਸ਼ੀਲ ਹੁੰਦੀਆਂ ਹਨ। ਚਾਰਜਿੰਗ ਦੌਰਾਨ ਜਾਂ ਤੇਜ਼ ਧੁੱਪ ਵਿੱਚ ਫੋਨ ਵਰਤਣ ਨਾਲ ਓਵਰਹੀਟਿੰਗ ਦਾ ਖਤਰਾ ਵੱਧ ਜਾਂਦਾ ਹੈ। ਜ਼ਿਆਦਾ ਗਰਮੀ ਨਾਲ ਬੈਟਰੀ ਦੇ ਅੰਦਰ ਕੈਮੀਕਲ ਰਿਐਕਸ਼ਨ ਤੇਜ਼ ਹੋ ਜਾਂਦੇ ਹਨ, ਜੋ ਨੁਕਸਾਨ ਪਹੁੰਚਾ ਸਕਦੇ ਹਨ।
ਬੈਟਰੀ ਨੂੰ ਪੂਰੀ ਤਰ੍ਹਾਂ ਡਿਸਚਾਰਜ ਹੋਣ ਦੇਣਾ
ਕਈ ਲੋਕ ਫੋਨ ਬੰਦ ਹੋਣ ਤੱਕ ਚਾਰਜ ਨਹੀਂ ਕਰਦੇ। ਇਹ ਆਦਤ ਬੈਟਰੀ ਲਈ ਨੁਕਸਾਨਦਾਇਕ ਹੈ।ਬਿਲਕੁਲ ਡਿਸਚਾਰਜ ਹੋਣ ਤੋਂ ਬਾਅਦ ਬੈਟਰੀ ਨੂੰ ਮੁੜ ਚਾਰਜ ਕਰਨ ਲਈ ਵੱਧ ਮਿਹਨਤ ਕਰਨੀ ਪੈਂਦੀ ਹੈ, ਜਿਸ ਨਾਲ ਇਸਦੀ ਲਾਈਫ ਘਟਣ ਲੱਗਦੀ ਹੈ।
ਬਹੁਤ ਠੰਢ ਵਿੱਚ ਫੋਨ ਚਾਰਜ ਕਰਨਾ
ਜ਼ਿਆਦਾ ਠੰਢ ਵਿੱਚ ਫੋਨ ਚਾਰਜ ਕਰਨ ਨਾਲ ਬੈਟਰੀ ‘ਤੇ ਬੁਰਾ ਅਸਰ ਪੈਂਦਾ ਹੈ। ਮਾਹਿਰਾਂ ਮੁਤਾਬਕ ਬਹੁਤ ਘੱਟ ਤਾਪਮਾਨ ਵਿੱਚ ਬੈਟਰੀ ਦੇ ਐਨੋਡ ‘ਤੇ ਮੈਟਾਲਿਕ ਲਿਥੀਅਮ ਦੀ ਪਰਤ ਜਮ ਸਕਦੀ ਹੈ, ਜਿਸ ਨਾਲ ਚਾਰਜਿੰਗ ਪ੍ਰਭਾਵਿਤ ਹੁੰਦੀ ਹੈ।
ਸਮਾਰਟ ਚਾਰਜਿੰਗ ਫੀਚਰ ਦੀ ਵਰਤੋਂ ਨਾ ਕਰਨਾ
ਫੋਨ ਨੂੰ ਲੰਬੇ ਸਮੇਂ ਤੱਕ 100% ਚਾਰਜ ‘ਤੇ ਰੱਖਣਾ ਵੀ ਬੈਟਰੀ ਲਈ ਠੀਕ ਨਹੀਂ ਹੁੰਦਾ। ਇਸ ਲਈ ਕਈ ਸਮਾਰਟਫੋਨ ਕੰਪਨੀਆਂ “ਸਮਾਰਟ ਚਾਰਜਿੰਗ” ਜਾਂ “ਆਪਟੀਮਾਈਜ਼ਡ ਚਾਰਜਿੰਗ” ਵਰਗੇ ਫੀਚਰ ਦਿੰਦੀਆਂ ਹਨ, ਜੋ ਬੈਟਰੀ ਨੂੰ ਲੰਬੇ ਸਮੇਂ ਤੱਕ 100% ‘ਤੇ ਨਹੀਂ ਰੱਖਦੇ ਅਤੇ ਇਸਦੀ ਉਮਰ ਵਧਾਉਣ ਵਿੱਚ ਮਦਦ ਕਰਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
