Battlegrounds Mobile India: ਗੇਮ ਦਾ ਬੀਟਾ ਵਰਸ਼ਨ ਉਪਲਬਧ, ਜਾਣੋ ਕੌਣ-ਕੌਣ ਸਕਦਾ ਖੇਡ

ਗੇਮ ਭਾਰਤ ਵਿੱਚ ਡਾਊਨਲੋਡਿੰਗ ਲਈ ਉਪਲਬਧ ਹੈ। ਹਾਲਾਂਕਿ, ਹਾਲੇ ਇਸ ਦਾ ਬੀਟਾ ਵਰਸ਼ਨ ਹੀ ਡਾਊਨਲੋਡ ਕੀਤਾ ਜਾ ਰਿਹਾ ਹੈ। ਯਾਨੀ ਕਿ ਇਸ ਗੇਮ ਨੂੰ ਸੀਮਤ ਸੰਖਿਆ ਵਿੱਚ ਹੀ ਗੂਗਲ ਪਲੇਅ ਸਟੋਰ ਤੋਂ ਡਾਊਨਲੋਡ ਕੀਤਾ ਜਾ ਸਕਦਾ ਹੈ।

Battlegrounds Mobile India: ਦੇਸ਼ ਵਿੱਚ PUBG ਦੇ ਭਾਰਤੀ ਵਰਤਨ Battlegrounds Mobile India ਗੇਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ। ਇਸ਼ ਲਈ ਫੈਨਜ਼ ਨੂੰ ਗੇਮ ਦੀ ਲਾਂਚਿੰਗ ਪ੍ਰਤੀ ਉਤਸ਼ਾਹ ਵਧਦਾ ਜਾ ਰਿਹਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਗੇਮ ਲਾਂਚ ਦੇ ਬੇਹੱਦ ਕਰੀਬ ਹੈ ਪਰ ਹੁਣ ਇਸ ਬਾਰੇ ਵੱਡੀ ਅਪਡੇਟ ਆਈ ਹੈ।

ਤਾਜ਼ਾ ਜਾਣਕਾਰੀ ਮੁਤਾਬਕ ਇਹ ਗੇਮ ਭਾਰਤ ਵਿੱਚ ਡਾਊਨਲੋਡਿੰਗ ਲਈ ਉਪਲਬਧ ਹੈ। ਹਾਲਾਂਕਿ, ਹਾਲੇ ਇਸ ਦਾ ਬੀਟਾ ਵਰਸ਼ਨ ਹੀ ਡਾਊਨਲੋਡ ਕੀਤਾ ਜਾ ਰਿਹਾ ਹੈ। ਯਾਨੀ ਕਿ ਇਸ ਗੇਮ ਨੂੰ ਸੀਮਤ ਸੰਖਿਆ ਵਿੱਚ ਹੀ ਗੂਗਲ ਪਲੇਅ ਸਟੋਰ ਤੋਂ ਡਾਊਨਲੋਡ ਕੀਤਾ ਜਾ ਸਕਦਾ ਹੈ। ਬੀਟਾ ਵਰਸ਼ਨ ਤੋਂ ਬਾਅਦ ਇਸ ਗੇਮ ਦੇ ਪੂਰਨ ਰੂਪ ਵਿੱਚ ਡਾਊਨਲੋਡ ਹੋਣ ਦੀ ਆਸ ਹੈ।

ਚੋਣਵੇਂ ਯੂਜ਼ਰ ਨੂੰ ਹੀ ਮਿਲੇਗਾ ਮੌਕਾ

ਬੀਟੀ ਵਰਸ਼ਨ ਨੂੰ ਅਜ਼ਮਾਉਣ ਦਾ ਮੌਕਾ ਕਾਫੀ ਘੱਟ ਲੋਕਾਂ ਨੂੰ ਮਿਲਦਾ ਹੈ। ਗੂਗਲ ਪਲੇਅ ਸਟੋਰ ਮੁਤਾਬਕ ਬੀਟਾ ਵਰਸ਼ਨ ਯੂਜ਼ਰਸ ਦੀ ਗਿਣਤੀ ਪੂਰੀ ਹੋ ਚੁੱਕੀ ਹੈ। ਇਸ ਤੋਂ ਬਾਅਦ Battlegrounds Mobile India ਦੇ ਬੀਟਾ ਵਰਸ਼ਨ ਦੀ ਟੈਸਟਿੰਗ ਬੇਨਤੀ ਬੰਦ ਕਰ ਦਿੱਤੀ ਗਈ ਹੈ। ਇਸ ਦਾ ਮਤਲਬ ਕਿ ਹੁਣ ਇਹ ਗੇਮ ਲੋਕਾਂ ਲਈ ਉਪਲਬਧ ਨਹੀਂ ਹੈ। 

ਗੇਮ ਖੇਡਣ ਲਈ ਇਹ ਹੋਣਗੀਆਂ ਸ਼ਰਤਾਂ-

• Battlegrounds Mobile India ਨੂੰ ਖੇਡਣ ਲਈ OTP ਰਾਹੀਂ ਲਾਗ-ਇਨ ਕੀਤਾ ਜਾ ਸਕਦਾ ਹੈ।
• OTP ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਹੀ ਗੇਮ ਖੇਡੀ ਜਾ ਸਕੇਗੀ।
• ਪਲੇਅਰਜ਼ ਵੈਰੀਫਾਈਡ ਕੋਡ ਨੂੰ ਤਿੰਨ ਵਾਰ ਹੀ ਵਰਤ ਸਕਣਗੇ। ਇਸ ਤੋਂ ਬਾਅਦ ਇਹ ਇਨਵੈਲਿਡ ਹੋ ਜਾਵੇਗਾ।
• ਇੱਕ ਵੈਰੀਫਿਕੇਸ਼ਨ ਕੋਡ ਸਿਰਫ ਪੰਜ ਮਿੰਟਾਂ ਤੱਕ ਵਰਤਣਯੋਗ ਰਹੇਗਾ, ਇਸ ਉਪਰੰਤ ਇਹ ਐਕਸਪਾਇਰ ਹੋ ਜਾਵੇਗਾ।
• ਲਾਗ-ਇਨ ਲਈ ਪਲੇਅਰ 10 ਵਾਰ OTP ਰਿਕੁਐਸਟ ਕਰ ਸਕਣਗੇ। ਇਸ ਤੋਂ ਵੱਧ ਵਾਰ ਬੇਨਤੀ ਕਰਨ ਵਾਲੇ ਨੂੰ 24 ਘੰਟਿਆਂ ਲਈ ਬੈਨ ਕਰ ਦਿੱਤਾ ਜਾਵੇਗਾ।
• ਪਲੇਅਰ ਇੱਕ ਮੋਬਾਈਲ ਨੰਬਰ ਤੋਂ ਵੱਧ ਤੋਂ ਵੱਧ 10 ਅਕਾਊਂਟ ‘ਤੇ ਰਜਿਸਟਰ ਕਰ ਸਕਦੇ ਹਨ।