ਦੀਵਾਲੀ ਤੋਂ ਪਹਿਲਾਂ BSNL ਦਾ ਧਮਾਕਾ! ਮੋਬਾਈਲ ਡਾਟਾ ਯੂਜ਼ਰਾਂ ਨੂੰ ਸਿਰਫ਼ 1 ਰੁਪਏ ‘ਚ ਮੁਫ਼ਤ 4G ਇੰਟਰਨੈੱਟ ਸਣੇ ਮਿਲਣਗੀਆਂ ਇਹ ਖਾਸ ਸੁਵਿਧਾਵਾਂ
ਦੀਵਾਲੀ ਦੇ ਤਿਉਹਾਰੀ ਮੌਸਮ ‘ਚ ਗ੍ਰਾਹਕਾਂ ਲਈ BSNL ਨੇ ਸ਼ਾਨਦਾਰ ਆਫ਼ਰ ਲੈ ਕੇ ਆਈ ਹੈ। ਸਰਕਾਰੀ ਟੈਲੀਕਾਮ ਕੰਪਨੀ ਹੁਣ ਸਿਰਫ਼ 1 ਰੁਪਏ ‘ਚ ਨਵਾਂ ਸਿਮ ਕਾਰਡ ਦੇ ਰਹੀ ਹੈ। ਇਸ ਨਾਲ ਗ੍ਰਾਹਕਾਂ ਨੂੰ ਅਨਲਿਮਿਟਡ ਕਾਲਿੰਗ..
ਦੀਵਾਲੀ ਦੇ ਤਿਉਹਾਰੀ ਮੌਸਮ ‘ਚ ਗ੍ਰਾਹਕਾਂ ਲਈ ਸਰਕਾਰੀ ਦੂਰਸੰਚਾਰ ਕੰਪਨੀ ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਨੇ ਸ਼ਾਨਦਾਰ ਆਫ਼ਰ ਲੈ ਕੇ ਆਈ ਹੈ। ਸਰਕਾਰੀ ਟੈਲੀਕਾਮ ਕੰਪਨੀ ਹੁਣ ਸਿਰਫ਼ 1 ਰੁਪਏ ‘ਚ ਨਵਾਂ ਸਿਮ ਕਾਰਡ ਦੇ ਰਹੀ ਹੈ। ਇਸ ਨਾਲ ਗ੍ਰਾਹਕਾਂ ਨੂੰ ਅਨਲਿਮਿਟਡ ਕਾਲਿੰਗ, 60GB ਡਾਟਾ ਅਤੇ ਹਰ ਰੋਜ਼ 100 SMS ਵਰਗੀਆਂ ਸੁਵਿਧਾਵਾਂ ਦਾ ਲਾਭ ਮਿਲੇਗਾ।
ਜਾਣੋ ਕਦੋਂ ਤੱਕ ਰਹੇਗਾ ਇਹ ਆਫਰ
ਇਹ ਦੀਵਾਲੀ ਆਫ਼ਰ 15 ਅਕਤੂਬਰ 2025 ਤੋਂ 15 ਨਵੰਬਰ 2025 ਤੱਕ ਰਹੇਗਾ। ਇਸ ਦੌਰਾਨ ਨਵਾਂ ਸਿਮ ਲੈਣ ਵਾਲੇ ਗ੍ਰਾਹਕਾਂ ਨੂੰ ਪਹਿਲੇ 30 ਦਿਨ ਤੱਕ ਸਾਰੀਆਂ ਸੇਵਾਵਾਂ ਮੁਫ਼ਤ ਮਿਲਣਗੀਆਂ। ਅਰਥਾਤ, ਹਰ ਰੋਜ਼ 2GB ਹਾਈ-ਸਪੀਡ ਇੰਟਰਨੈੱਟ, ਅਨਲਿਮਿਟਡ ਵੌਇਸ ਕਾਲਾਂ ਅਤੇ 100 ਮੁਫ਼ਤ SMS ਦਾ ਆਨੰਦ ਲਿਆ ਜਾ ਸਕੇਗਾ।
ਪੂਰੇ ਦੇਸ਼ ‘ਚ ਸਵਦੇਸ਼ੀ 4G ਨੈੱਟਵਰਕ ‘ਤੇ ਕੰਮ ਕੀਤਾ ਜਾ ਰਿਹਾ
ਪਹਿਲੇ ਮਹੀਨੇ ਤੋਂ ਬਾਅਦ ਗ੍ਰਾਹਕ ਆਪਣੀ ਸੁਵਿਧਾ ਅਨੁਸਾਰ ਆਮ ਰੀਚਾਰਜ ਕਰਕੇ ਸੇਵਾਵਾਂ ਜਾਰੀ ਰੱਖ ਸਕਣਗੇ। BSNL ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਏ. ਰੌਬਰਟ ਜੇ. ਰਵੀ ਨੇ ਕਿਹਾ ਕਿ ਕੰਪਨੀ ਹੁਣ ਪੂਰੇ ਦੇਸ਼ ‘ਚ ਸਵਦੇਸ਼ੀ 4G ਨੈੱਟਵਰਕ ‘ਤੇ ਕੰਮ ਕਰ ਰਹੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਭਰੋਸੇਮੰਦ ਨੈੱਟਵਰਕ, ਵਧੀਆ ਕਵਰੇਜ ਅਤੇ ਉੱਚ ਗੁਣਵੱਤਾ ਵਾਲੀਆਂ ਸੇਵਾਵਾਂ ਯੂਜ਼ਰਾਂ ਨੂੰ ਲੰਬੇ ਸਮੇਂ ਤੱਕ ਜੁੜੇ ਰਹਿਣ ਲਈ ਪ੍ਰੇਰਿਤ ਕਰਨਗੀਆਂ।
ਸਿਰਫ਼ 1 ਰੁਪਏ ‘ਚ ਇਨ੍ਹਾਂ ਸੇਵਾਵਾਂ ਦਾ ਲਾਭ ਮਿਲੇਗਾ
ਦੀਵਾਲੀ ‘ਤੇ BSNL ਦਾ ਇਹ ਸਪੈਸ਼ਲ ਆਫ਼ਰ ਗ੍ਰਾਹਕਾਂ ਲਈ ਸਸਤਾ ਅਤੇ ਆਕਰਸ਼ਕ ਸਾਬਤ ਹੋਵੇਗਾ। ਸਿਰਫ਼ 1 ਰੁਪਏ ‘ਚ ਇਨ੍ਹਾਂ ਸੇਵਾਵਾਂ ਦਾ ਲਾਭ ਮਿਲਣਾ ਇਸਨੂੰ ਮੋਬਾਈਲ ਯੂਜ਼ਰਾਂ ਲਈ ਇਸ ਤਿਉਹਾਰੀ ਸੀਜ਼ਨ ਦਾ ਸਭ ਤੋਂ ਵਧੀਆ ਮੌਕਾ ਬਣਾਉਂਦਾ ਹੈ।
BSNL ਅਜਿਹੇ ਆਫਰਾਂ ਦੇ ਨਾਲ ਆਪਣੀ ਪਕੜ ਹੋਰ ਮਜ਼ਬੂਤ ਕਰ ਰਹੀ ਹੈ ਅਤੇ ਨਾਲ ਹੀ ਜੀਓ ਅਤੇ ਏਅਰਟੈੱਲ ਵਰਗੀਆਂ ਕੰਪਨੀਆਂ ਨੂੰ ਟੱਕਰ ਦੇ ਰਹੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
