BSNL ਯੂਜ਼ਰਾਂ ਲਈ ਖ਼ੁਸ਼ਖ਼ਬਰੀ! ਹੁਣ ਬਿਨਾਂ ਨੈੱਟਵਰਕ ਵੀ ਕਰ ਸਕਣਗੇ ਕਾਲ, ਸ਼ੁਰੂ ਹੋਈ ਨਵੀਂ ਸਰਵਿਸ
BSNL ਦਾ ਵੱਡਾ ਧਮਾਕਾ ਕਰ ਦਿੱਤਾ ਹੈ। ਜਿਸ ਨਾਲ ਯੂਜ਼ਰਸ ਦੀਆਂ ਮੌਜਾਂ ਲੱਗ ਗਈਆਂ ਹਨ। ਇਹ ਵਾਲੀ ਸੇਵਾ ਸ਼ੁਰੂ ਕਰਨ ਨਾਲ ਹੁਣ BSNL, Jio-Airtel ਨੂੰ ਟੱਕਰ ਦੇਏਗਾ। ਆਓ ਜਾਂਦਾ ਹਾਂ ਕਿਵੇਂ ਤੁਸੀਂ ਇਸ ਸੇਵਾ ਦਾ ਲਾਭ ਲੈ ਸਕਦੇ ਹੋ।
BSNL VoWiFi: ਜਿਵੇਂ ਕਿ ਸਭ ਜਾਣਦੇ ਹੀ ਨੇ ਤਿਉਹਾਰਾਂ ਦੇ ਸੀਜ਼ਨ ਚੱਲ ਰਿਹਾ ਹੈ। ਇਸ ਕੰਪਨੀਆਂ ਆਪਣੇ ਗਾਹਕਾਂ ਨੂੰ ਖੁਸ਼ ਕਰਨ ਦੇ ਲਈ ਵੱਖਰੇ ਅਤੇ ਖਾਸ ਉਪਰਾਲੇ ਕਰਦੀਆਂ ਹਨ। ਦੱਸ ਦਈਏ BSNL ਨੇ ਵੀ ਕੁੱਝ ਅਜਿਹਾ ਕੀਤਾ ਹੈ ਕਿ ਜਿਸ ਨਾਲ BSNL ਯੂਜ਼ਰ ਨੂੰ ਲਾਭ ਮਿਲੇਗਾ। ਸਰਕਾਰੀ ਟੈਲੀਕਾਮ ਕੰਪਨੀ ਭਾਰਤ ਸੰਚਾਰ ਨਿਗਮ ਲਿਮਿਟੇਡ (BSNL) ਨੇ ਆਪਣੇ ਯੂਜ਼ਰਾਂ ਲਈ ਵੱਡਾ ਤੋਹਫ਼ਾ ਦਿੱਤਾ ਹੈ। ਹੁਣ ਕੰਪਨੀ ਦੇ ਗਾਹਕ ਬਿਨਾਂ ਮੋਬਾਈਲ ਨੈੱਟਵਰਕ ਦੇ ਵੀ ਵੌਇਸ ਕਾਲ (Voice Call) ਕਰ ਸਕਣਗੇ। BSNL ਨੇ ਆਪਣੀ ਨਵੀਂ VoWiFi (Voice over Wi-Fi) ਸੇਵਾ ਸ਼ੁਰੂ ਕੀਤੀ ਹੈ, ਜਿਸ ਨਾਲ ਯੂਜ਼ਰ ਮੋਬਾਈਲ ਨੈੱਟਵਰਕ ਦੀ ਥਾਂ Wi-Fi ਕਨੈਕਸ਼ਨ ਰਾਹੀਂ ਕਾਲ ਕਰ ਸਕਣਗੇ। ਇਸ ਕਦਮ ਨਾਲ BSNL ਹੁਣ Jio, Airtel ਅਤੇ Vodafone-Idea ਵਰਗੀਆਂ ਪ੍ਰਾਈਵੇਟ ਕੰਪਨੀਆਂ ਦੇ ਨਾਲ ਬਰਾਬਰੀ 'ਚ ਆ ਗਿਆ ਹੈ, ਜੋ ਪਹਿਲਾਂ ਤੋਂ ਇਹ ਸੇਵਾ ਦਿੰਦੇ ਆ ਰਹੇ ਹਨ।
BSNL ਦਾ ਨੈੱਟਵਰਕ ਵਿਆਪਨ
BSNL ਨੇ ਹਾਲ ਹੀ ਵਿੱਚ ਦੇਸ਼ ਭਰ ਵਿੱਚ 1 ਲੱਖ ਤੋਂ ਵੱਧ ਮੋਬਾਈਲ ਟਾਵਰ ਲਾ ਕੇ ਆਪਣੀ 4G ਸੇਵਾ ਦਾ ਵਿਆਪਨ ਕੀਤਾ ਹੈ। ਕੰਪਨੀ ਆਉਣ ਵਾਲੇ ਸਮੇਂ ਵਿੱਚ ਕਰੀਬ 97,500 ਹੋਰ ਟਾਵਰ ਲਗਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਇਸ ਦੌਰਾਨ, VoWiFi ਸੇਵਾ ਦੀ ਸ਼ੁਰੂਆਤ BSNL ਦੇ 25 ਸਾਲ ਪੂਰੇ ਹੋਣ ਦੇ ਮੌਕੇ ਤੇ ਇੱਕ ਹੋਰ ਵੱਡੀ ਉਪਲਬਧੀ ਮੰਨੀ ਜਾ ਰਹੀ ਹੈ।
ਇਸ ਸੇਵਾ ਦਾ ਸੌਫਟ ਲਾਂਚ 2 ਅਕਤੂਬਰ ਨੂੰ ਦੂਰਸੰਚਾਰ ਵਿਭਾਗ (DoT) ਦੇ ਸਕੱਤਰ ਨੀਰਜ ਮਿੱਤਲ ਵੱਲੋਂ ਕੀਤਾ ਗਿਆ। ਇਸ ਵੇਲੇ ਇਹ ਸੇਵਾ ਦੱਖਣ ਅਤੇ ਪੱਛਮੀ ਸਰਕਲ ਵਿੱਚ ਸ਼ੁਰੂ ਕੀਤੀ ਗਈ ਹੈ ਪਰ ਜਲਦੀ ਹੀ ਇਸਨੂੰ ਦੇਸ਼ ਭਰ ਵਿੱਚ ਉਪਲਬਧ ਕਰਵਾਇਆ ਜਾਵੇਗਾ। ਨਾਲ ਹੀ, BSNL ਨੇ ਹਾਲ ਹੀ ਵਿੱਚ ਮੁੰਬਈ ਵਿੱਚ 4G ਅਤੇ eSIM ਸੇਵਾ ਵੀ ਸ਼ੁਰੂ ਕੀਤੀ ਹੈ ਜੋ ਪਹਿਲਾਂ ਤਮਿਲਨਾਡੁ ਵਿੱਚ ਲਾਂਚ ਕੀਤੀ ਜਾ ਚੁੱਕੀ ਸੀ।
BSNL ਦੀ VoWiFi ਸੇਵਾ ਕਿਵੇਂ ਕੰਮ ਕਰੇਗੀ?
ਇਹ ਸੇਵਾ ਉਹਨਾਂ ਖੇਤਰਾਂ ਲਈ ਖਾਸ ਤੌਰ 'ਤੇ ਫਾਇਦੇਮੰਦ ਹੋਵੇਗੀ ਜਿੱਥੇ ਮੋਬਾਈਲ ਨੈੱਟਵਰਕ ਕਮਜ਼ੋਰ ਹੁੰਦਾ ਹੈ। ਯੂਜ਼ਰ ਆਪਣੇ ਘਰ ਦੇ Wi-Fi ਜਾਂ ਬ੍ਰਾਡਬੈਂਡ ਕਨੈਕਸ਼ਨ ਰਾਹੀਂ ਬਿਨਾਂ ਕਿਸੇ ਰੁਕਾਵਟ ਦੇ ਸਾਫ਼ ਅਤੇ ਸਥਿਰ ਕਾਲ ਕਰ ਸਕਣਗੇ। ਹਾਲਾਂਕਿ, ਇਸ ਲਈ ਯੂਜ਼ਰ ਕੋਲ ਅਜਿਹਾ ਸਮਾਰਟਫੋਨ ਹੋਣਾ ਚਾਹੀਦਾ ਹੈ ਜੋ VoWiFi ਸਪੋਰਟ ਕਰਦਾ ਹੋਵੇ। ਅੱਜਕੱਲ੍ਹ ਜ਼ਿਆਦਾਤਰ ਨਵੇਂ ਐਂਡਰਾਇਡ ਅਤੇ ਆਈਫੋਨ ਮਾਡਲਾਂ ਵਿੱਚ ਇਹ ਵਿਕਲਪ ਸੈਟਿੰਗਜ਼ ਵਿੱਚ ਪਹਿਲਾਂ ਹੀ ਮੌਜੂਦ ਹੁੰਦਾ ਹੈ।
ਸਾਰੇ BSNL ਗਾਹਕਾਂ ਲਈ ਮੁਫ਼ਤ ਸੇਵਾ
BSNL ਨੇ ਪੁਸ਼ਟੀ ਕੀਤੀ ਹੈ ਕਿ ਇਹ ਨਵੀਂ VoWiFi ਸੇਵਾ ਪੂਰੀ ਤਰ੍ਹਾਂ ਮੁਫ਼ਤ ਹੋਵੇਗੀ। ਕਾਲ ਕਰਨ ਲਈ ਯੂਜ਼ਰਾਂ ਨੂੰ ਕੋਈ ਵਾਧੂ ਸ਼ੁਲਕ ਨਹੀਂ ਦੇਣਾ ਪਵੇਗਾ। ਕੰਪਨੀ ਨੇ ਆਪਣੇ ਅਧਿਕਾਰਿਕ X (ਪਹਿਲਾਂ Twitter) ਅਕਾਊਂਟ ਰਾਹੀਂ ਜਾਣਕਾਰੀ ਦਿੱਤੀ ਕਿ ਇਹ ਸੇਵਾ ਗਾਹਕਾਂ ਨੂੰ ਬਿਹਤਰ ਕਨੈਕਟਿਵਿਟੀ ਅਤੇ ਨਿਰੰਤਰ ਕਾਲਿੰਗ ਦਾ ਅਨੁਭਵ ਮੁਹੱਈਆ ਕਰਵਾਏਗੀ, ਉਹ ਵੀ ਬਿਨਾਂ ਕਿਸੇ ਵਾਧੂ ਖ਼ਰਚ ਦੇ।
ਪ੍ਰਾਈਵੇਟ ਕੰਪਨੀਆਂ ਨੂੰ ਮੁਕਾਬਲਾ ਦੇਵੇਗਾ BSNL
BSNL ਦਾ ਇਹ ਕਦਮ ਹੁਣ ਇਸਨੂੰ Jio, Airtel ਅਤੇ Vi ਵਰਗੀਆਂ ਵੱਡੀਆਂ ਟੈਲੀਕਾਮ ਕੰਪਨੀਆਂ ਨਾਲ ਸਿੱਧੇ ਮੁਕਾਬਲੇ ਵਿੱਚ ਖੜਾ ਕਰਦਾ ਹੈ। ਪਹਿਲਾਂ ਜਿੱਥੇ ਇਹ ਪ੍ਰਾਈਵੇਟ ਕੰਪਨੀਆਂ ਹੀ Wi-Fi ਕਾਲਿੰਗ ਸੇਵਾ ਦਿੰਦੀਆਂ ਸਨ, ਹੁਣ BSNL ਵੀ ਉਸੇ ਕਤਾਰ ਵਿੱਚ ਸ਼ਾਮਿਲ ਹੋ ਗਿਆ ਹੈ। ਇਹ ਪਹਿਲ BSNL ਲਈ ਭਾਰਤੀ ਟੈਲੀਕਾਮ ਮਾਰਕੀਟ ਵਿੱਚ ਆਪਣੀ ਪਕੜ ਮਜ਼ਬੂਤ ਕਰਨ ਅਤੇ ਨੈੱਟਵਰਕ ਨੂੰ ਆਧੁਨਿਕ ਰੂਪ ਦੇਣ ਵੱਲ ਇੱਕ ਮਹੱਤਵਪੂਰਨ ਕਦਮ ਸਾਬਿਤ ਹੋ ਸਕਦੀ ਹੈ।
Before You Go
iPhone 17 ਦੀ ਸੇਲ ਹੋਈ ਸ਼ੁਰੂ, ਦੇਖੋ, ਨਵੇਂ ਆਈਫੋਨ 17 ਦਾ ਕਮਾਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
