AC ਦਾ ਤਾਪਮਾਨ 24°C ਰੱਖਣ ਨਾਲ ਕਿੰਨੀ ਬਿਜਲੀ ਬਚਦੀ? ਜਾਣੋ ਹਿਸਾਬ-ਕਿਤਾਬ
AC ਨੂੰ 24°C 'ਤੇ ਚਲਾਉਣ ਨਾਲ ਹਰ ਮਹੀਨੇ 24% ਤੱਕ ਦੀ ਵੱਡੀ ਬਚਤ ਹੋਵੇਗੀ। ਬਿਊਰੋ ਆਫ਼ ਐਨਰਜੀ ਐਫੀਸ਼ੀਐਂਸੀ (BEE) ਦੇ ਇਸ ਸਧਾਰਨ ਗਣਿਤ ਨਾਲ ਸਮਝੋ ਕੰਪ੍ਰੈਸਰ ਦਾ ਪੂਰਾ ਲੋਡ ਅਤੇ ਆਪਣਾ ਫਾਇਦਾ।
ਗਰਮੀਆਂ ਸ਼ੁਰੂ ਹੁੰਦਿਆਂ ਹੀ ਹਰ ਘਰ ਵਿੱਚ ਏਸੀ ਚੱਲਣ ਲੱਗ ਪੈਂਦੇ ਹਨ ਅਤੇ ਬਿਜਲੀ ਦੇ ਬਿੱਲ ਵੀ ਤੇਜ਼ੀ ਨਾਲ ਆਉਣ ਲੱਗ ਜਾਂਦਾ ਹੈ। ਜ਼ਿਆਦਾਤਰ ਲੋਕ ਕਮਰੇ ਨੂੰ ਜਲਦੀ ਠੰਡਾ ਕਰਨ ਲਈ ਆਪਣੇ ਏਸੀ 18 ਤੋਂ 20 ਡਿਗਰੀ ਸੈਲਸੀਅਸ 'ਤੇ ਚਲਾਉਂਦੇ ਹਨ। ਹਾਲਾਂਕਿ, ਮਾਹਰ ਅਤੇ ਸਰਕਾਰੀ ਏਜੰਸੀਆਂ ਲਗਾਤਾਰ ਸਿਫਾਰਸ਼ ਕਰਦੀਆਂ ਹਨ ਕਿ ਏਸੀ 24 ਡਿਗਰੀ ਸੈਲਸੀਅਸ 'ਤੇ ਚਲਾਏ ਜਾਣ। ਸਵਾਲ ਇਹ ਹੈ ਕਿ ਇਸ ਨਾਲ ਬਿਜਲੀ ਦੀ ਬਚਤ ਦਾ ਅਸਲੀ ਹਿਸਾਬ ਕੀ ਹੈ।
ਹਰ 1 ਡਿਗਰੀ ਵਧਣ ਨਾਲ ਕਿੰਨੀ ਬਚਤ ਹੁੰਦੀ?
ਬਿਊਰੋ ਆਫ਼ ਐਨਰਜੀ ਐਫੀਸ਼ੀਐਂਸੀ (BEE) ਦੀ ਖੋਜ ਦੇ ਅਨੁਸਾਰ ਏਸੀ ਦੇ ਤਾਪਮਾਨ ਵਿੱਚ ਹਰ 1 ਡਿਗਰੀ ਦੇ ਵਾਧੇ ਨਾਲ ਬਿਜਲੀ ਦੀ ਖਪਤ ਲਗਭਗ 6 ਪ੍ਰਤੀਸ਼ਤ ਘੱਟ ਸਕਦੀ ਹੈ। ਇਸਦਾ ਮਤਲਬ ਹੈ ਕਿ ਜੇਕਰ ਕੋਈ ਆਪਣਾ ਏਸੀ 18 ਡਿਗਰੀ ਦੀ ਬਜਾਏ 24 ਡਿਗਰੀ 'ਤੇ ਚਲਾਉਂਦਾ ਹੈ, ਤਾਂ 6 ਡਿਗਰੀ ਦਾ ਫਰਕ ਹੈ। ਇਸ ਦਾ ਮਤਲਬ ਹੈ ਕਿ ਬਿਜਲੀ ਦੀ ਖਪਤ ਵਿੱਚ ਲਗਭਗ 30 ਤੋਂ 36 ਪ੍ਰਤੀਸ਼ਤ ਦੀ ਕਮੀਂ ਹੋ ਸਕਦੀ ਹੈ। ਇਹ ਅੰਕੜਾ ਦੱਸਦਾ ਹੈ ਕਿ ਸਿਰਫ ਰਿਮੋਟ 'ਤੇ ਇੱਕ ਬਟਨ ਦਬਾ ਕੇ ਕਿੰਨੀ ਵੱਡੀ ਬਚਤ ਕੀਤੀ ਜਾ ਸਕਦੀ ਹੈ।
ਲੋਕ ਅਕਸਰ ਸੋਚਦੇ ਹਨ ਕਿ ਤਾਪਮਾਨ ਜਿੰਨਾ ਘੱਟ ਹੋਵੇਗਾ, ਕਮਰਾ ਓਨੀ ਹੀ ਤੇਜ਼ੀ ਨਾਲ ਠੰਡਾ ਹੋਵੇਗਾ। ਪਰ ਅਸਲੀਅਤ ਵਿੱਚ ਏਸੀ ਦਾ ਕੰਪ੍ਰੈਸਰ ਲਗਭਗ ਇੱਕੋ ਗਤੀ ਨਾਲ ਕੰਮ ਕਰਦਾ ਹੈ; ਫਰਕ ਸਿਰਫ ਇਹ ਹੈ ਕਿ ਇਹ ਕਿੰਨੀ ਦੇਰ ਤੱਕ ਚੱਲਦਾ ਹੈ। ਜਦੋਂ ਤਾਪਮਾਨ 18 ਜਾਂ 19 ਡਿਗਰੀ 'ਤੇ ਸੈੱਟ ਕੀਤਾ ਜਾਂਦਾ ਹੈ, ਤਾਂ ਕੰਪ੍ਰੈਸਰ ਨੂੰ ਕਮਰੇ ਨੂੰ ਠੰਡਾ ਰੱਖਣ ਲਈ ਜ਼ਿਆਦਾ ਦੇਰ ਅਤੇ ਜ਼ਿਆਦਾ ਜ਼ੋਰ ਨਾਲ ਕੰਮ ਕਰਨਾ ਪੈਂਦਾ ਹੈ। ਇਸ ਨਾਲ ਬਿਜਲੀ ਦੀ ਖਪਤ ਵਧਦੀ ਹੈ, ਜਦੋਂ ਕਿ 24 ਡਿਗਰੀ 'ਤੇ ਕੰਪ੍ਰੈਸਰ ਘੱਟ ਦਬਾਅ ਹੇਠ ਹੁੰਦਾ ਹੈ।
ਸੌਖੇ ਸ਼ਬਦਾਂ ਵਿੱਚ, ਜੇਕਰ ਕਿਸੇ ਘਰ ਦਾ ਏਸੀ ਰੋਜ਼ਾਨਾ 8 ਘੰਟੇ ਚੱਲਦਾ ਹੈ ਅਤੇ ਤਾਪਮਾਨ 18 ਡਿਗਰੀ ਸੈਲਸੀਅਸ ਦੀ ਬਜਾਏ 24 ਡਿਗਰੀ ਸੈਲਸੀਅਸ 'ਤੇ ਸੈੱਟ ਕੀਤਾ ਜਾਂਦਾ ਹੈ, ਤਾਂ ਕੰਪ੍ਰੈਸਰ 'ਤੇ ਘੱਟ ਲੋਡ ਪੈਣ 'ਤੇ ਬਿਜਲੀ ਬਿੱਲ ਵਿੱਚ ਸੈਂਕੜੇ ਰੁਪਏ ਤੱਕ ਦੀ ਮਹੀਨਾਵਾਰ ਕਮੀਂ ਆ ਸਕਦੀ ਹੈ। ਇਹ ਬੱਚਤ ਏਸੀ ਦੀ ਸਟਾਰ ਰੇਟਿੰਗ, ਕਮਰੇ ਦੇ ਸਾਈਜ਼ ਅਤੇ ਬਾਹਰੀ ਤਾਪਮਾਨ 'ਤੇ ਵੀ ਨਿਰਭਰ ਕਰਦੀ ਹੈ, ਪਰ ਇਹ ਰੁਝਾਨ ਲਗਭਗ ਹਰ ਘਰ ਲਈ ਇੱਕੋ ਜਿਹਾ ਰਹਿੰਦਾ ਹੈ।
ਤਾਪਮਾਨ ਨੂੰ 24 ਡਿਗਰੀ 'ਤੇ ਰੱਖਣ ਤੋਂ ਇਲਾਵਾ ਕਈ ਹੋਰ ਆਦਤਾਂ ਵੀ ਬਿਜਲੀ ਬਚਾਉਣ ਵਿੱਚ ਮਦਦ ਕਰਦੀਆਂ ਹਨ। AC ਚਾਲੂ ਹੋਣ 'ਤੇ ਛੱਤ ਵਾਲਾ ਪੱਖਾ ਚਲਾਉਣ ਨਾਲ ਪੂਰੇ ਕਮਰੇ ਵਿੱਚ ਠੰਡੀ ਹਵਾ ਦਾ ਸੰਚਾਰ ਹੁੰਦਾ ਹੈ, ਜਿਸ ਨਾਲ AC 'ਤੇ ਭਾਰ ਘੱਟ ਜਾਂਦਾ ਹੈ। ਦਰਵਾਜ਼ੇ ਅਤੇ ਖਿੜਕੀਆਂ ਨੂੰ ਕੱਸ ਕੇ ਬੰਦ ਰੱਖਣਾ, ਸਮੇਂ-ਸਮੇਂ 'ਤੇ AC ਫਿਲਟਰ ਸਾਫ਼ ਕਰਨਾ, ਅਤੇ ਉੱਚ ਸਟਾਰ ਰੇਟਿੰਗ ਵਾਲਾ AC ਖਰੀਦਣਾ ਤੁਹਾਡੇ ਬਿਜਲੀ ਦੇ ਬਿੱਲ ਨੂੰ ਕਾਫ਼ੀ ਘਟਾ ਸਕਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
