ਸਾਡੇ ਦੇਸ਼ ਵਿੱਚ ਬਾਲਗ ਸਮੱਗਰੀ (Adult Content) 'ਤੇ ਪਾਬੰਦੀ ਹੈ ਪਰ ਇਸ ਦੇ ਬਾਵਜੂਦ ਅਜਿਹੀ ਸਮੱਗਰੀ ਇੰਟਰਨੈੱਟ 'ਤੇ ਉਪਲਬਧ ਹੈ ਤੇ ਬਹੁਤ ਸਾਰੇ ਲੋਕ ਅਜਿਹੀ ਸਮੱਗਰੀ ਨੂੰ ਲੁਕ-ਛਿਪ ਕੇ ਦੇਖਦੇ ਹਨ। ਬਹੁਤ ਸਾਰੇ ਲੋਕ ਬ੍ਰਾਊਜ਼ਰ ਦੇ ਪ੍ਰਾਈਵੇਟ ਮੋਡ ਵਿੱਚ ਬਾਲਗ ਸਮੱਗਰੀ ਨੂੰ ਦੇਖਦੇ ਹਨ ਅਤੇ ਸੋਚਦੇ ਹਨ ਕਿ ਕੋਈ ਵੀ ਉਨ੍ਹਾਂ ਨੂੰ ਅਜਿਹਾ ਕਰਦੇ ਹੋਏ ਨਹੀਂ ਦੇਖ ਰਿਹਾ ਹੈ, ਪਰ ਸੱਚਾਈ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ।
ਦਰਅਸਲ, ਜਦੋਂ ਤੁਸੀਂ ਬਾਲਗ ਸਮੱਗਰੀ ਦੇਖ ਰਹੇ ਹੁੰਦੇ ਹੋ, ਹਜ਼ਾਰਾਂ AI ਬੋਟ ਤੁਹਾਡੇ 'ਤੇ ਨਜ਼ਰ ਰੱਖ ਰਹੇ ਹੁੰਦੇ ਹਨ। ਜਦੋਂ ਵੀ ਤੁਸੀਂ ਆਪਣੇ ਮੋਬਾਈਲ 'ਤੇ ਬਾਲਗ ਸਮੱਗਰੀ ਦੇਖਦੇ ਹੋ, ਇਸ ਬਾਰੇ ਸਭ ਤੋਂ ਪਹਿਲਾਂ ਜਾਣਕਾਰੀ ਤੁਹਾਡੇ ਮੋਬਾਈਲ ਸੇਵਾ ਆਪਰੇਟਰ ਨੂੰ ਆਉਂਦੀ ਹੈ। ਇਸ ਦੇ ਨਾਲ ਹੀ ਤੁਹਾਡੇ ਫੋਨ 'ਚ ਮੌਜੂਦ ਐਪਸ ਵੀ ਤੁਹਾਡੇ 'ਤੇ ਨਜ਼ਰ ਰੱਖ ਰਹੇ ਹਨ। ਇਸ ਤਰ੍ਹਾਂ ਦੀ ਸਮੱਗਰੀ ਨੂੰ ਦੇਖਦੇ ਹੋਏ ਤੁਹਾਡੇ ਫੋਨ 'ਤੇ ਐਪਸ ਕਿਸੇ ਖੁਫੀਆ ਏਜੰਸੀ ਵਾਂਗ ਤੁਹਾਡੇ 'ਤੇ ਨਜ਼ਰ ਰੱਖਦੀਆਂ ਹਨ, ਭਾਵ ਉਸ ਸਮੇਂ ਤੁਹਾਡੀ ਪੂਰੀ ਬ੍ਰਾਊਜ਼ਿੰਗ ਹਿਸਟਰੀ ਟ੍ਰੈਕ ਕੀਤੀ ਜਾ ਰਹੀ ਹੈ।
ਰਿਪੋਰਟ ਮੁਤਾਬਕ ਤੁਹਾਡੀ ਟ੍ਰੈਕਿੰਗ ਤੁਹਾਡੇ ਬ੍ਰਾਊਜ਼ਿੰਗ ਪੈਟਰਨ ਦੇ ਹਿਸਾਬ ਨਾਲ ਕੀਤੀ ਜਾਂਦੀ ਹੈ। ਤੁਹਾਡੇ ਸੋਸ਼ਲ ਮੀਡੀਆ ਪ੍ਰੋਫਾਈਲ ਦੀ ਵੀ ਜਾਂਚ ਕੀਤੀ ਜਾਂਦੀ ਹੈ। ਤੁਸੀਂ ਕਈ ਵਾਰ ਦੇਖਿਆ ਹੋਵੇਗਾ ਕਿ ਤੁਸੀਂ ਇੰਟਰਨੈੱਟ 'ਤੇ ਜੋ ਵੀ ਸਮੱਗਰੀ ਦੇਖ ਰਹੇ ਹੋ, ਤੁਹਾਨੂੰ ਉਸੇ ਤਰ੍ਹਾਂ ਦੇ ਇਸ਼ਤਿਹਾਰ ਦੇਖਣੇ ਸ਼ੁਰੂ ਹੋ ਜਾਂਦੇ ਹਨ। ਅਜਿਹੀ ਸਥਿਤੀ ਵਿੱਚ, ਤੁਹਾਡਾ ਬ੍ਰਾਊਜ਼ਿੰਗ ਪੈਟਰਨ ਇਹ ਤੈਅ ਕਰਦਾ ਹੈ ਕਿ ਤੁਹਾਨੂੰ ਕਿਹੜਾ ਇਸ਼ਤਿਹਾਰ ਦਿਖਾਇਆ ਜਾਵੇ। ਜੇਕਰ ਕੋਈ ਬਾਲਗ ਸਮਗਰੀ ਦਾ ਆਦੀ ਹੈ ਤਾਂ ਸਿਰਫ ਉਸ ਨਾਲ ਸਬੰਧਤ ਇਸ਼ਤਿਹਾਰ ਦਿਖਾਏ ਜਾਂਦੇ ਹਨ। ਜਿਹੜੇ ਲੋਕ ਅਜਿਹੀ ਸਮੱਗਰੀ ਨੂੰ ਦੇਖਣ ਲਈ ਅਦਾਇਗੀ ਸੇਵਾਵਾਂ ਲੈਂਦੇ ਹਨ ਉਹ ਪਹਿਲੇ ਨਿਸ਼ਾਨੇ 'ਤੇ ਹਨ। ਅਜਿਹੇ ਲੋਕਾਂ ਤੋਂ ਉਨ੍ਹਾਂ ਦੇ ਬੈਂਕ ਖਾਤੇ ਦੇ ਵੇਰਵੇ ਉਸੇ ਸਮੇਂ ਲਏ ਜਾਂਦੇ ਹਨ ਜਦੋਂ ਉਹ ਭੁਗਤਾਨ ਕਰ ਰਹੇ ਹੁੰਦੇ ਹਨ। ਅਜਿਹੇ 'ਚ ਉਨ੍ਹਾਂ ਦੇ ਕ੍ਰੈਡਿਟ ਜਾਂ ਡੈਬਿਟ ਕਾਰਡ ਦੀ ਦੁਰਵਰਤੋਂ ਵੀ ਹੋ ਸਕਦੀ ਹੈ।
ਜੇ ਤੁਸੀਂ ਆਪਣੇ ਮੋਬਾਈਲ 'ਤੇ ਬਾਲਗ ਸਮੱਗਰੀ ਦੇਖ ਰਹੇ ਹੋ ਜਾਂ ਡਾਊਨਲੋਡ ਕਰ ਰਹੇ ਹੋ, ਤਾਂ ਅਜਿਹੀ ਸਮੱਗਰੀ ਰਾਹੀਂ ਮਾਲਵੇਅਰ ਜਾਂ ਵਾਇਰਸ ਵੀ ਤੁਹਾਡੇ ਮੋਬਾਈਲ 'ਚ ਆ ਸਕਦੇ ਹਨ। ਇਸ ਮਾਲਵੇਅਰ ਦੇ ਜ਼ਰੀਏ, ਬਾਅਦ ਵਿੱਚ ਤੁਹਾਡੀ ਜਾਸੂਸੀ ਕੀਤੀ ਜਾ ਸਕਦੀ ਹੈ ਅਤੇ ਤੁਹਾਡੀਆਂ ਨਿੱਜੀ ਫੋਟੋਆਂ ਨੂੰ ਜਨਤਕ ਕਰਨ ਦੀ ਧਮਕੀ ਦੇ ਕੇ ਤੁਹਾਨੂੰ ਬਲੈਕਮੇਲ ਕੀਤਾ ਜਾ ਸਕਦਾ ਹੈ। ਕੈਸਪਰਸਕੀ ਲੈਬ ਦੀ ਸਾਲ 2018 ਦੀ ਰਿਪੋਰਟ ਦੇ ਅਨੁਸਾਰ, ਲਗਭਗ 12 ਲੱਖ ਐਂਡਰਾਇਡ ਉਪਭੋਗਤਾ ਬਾਲਗ ਸਮੱਗਰੀ ਦੇਖਣ ਕਾਰਨ ਮਾਲਵੇਅਰ ਤੋਂ ਪ੍ਰਭਾਵਿਤ ਹੋਏ ਸਨ।