iPhone 18 Pro Max 'ਚ ਆਈ ਵੱਡੀ ਖਰਾਬੀ, Apple ਨੇ ਵੀ ਮੰਨੀ ਗੱਲ
IPhone 18 Pro Max : Apple ਦਾ ਲੇਟੈਸਟ ਅਤੇ ਪ੍ਰੀਮੀਅਮ ਸਮਾਰਟਫੋਨ iPhone 18 Pro Max ਇਨ੍ਹੀਂ ਦਿਨੀਂ ਕਾਫ਼ੀ ਚਰਚਾ ਵਿੱਚ ਹੈ। ਮਹਿੰਗੀ ਕੀਮਤ ਦੇ ਬਾਵਜੂਦ ਇਸ ਨੂੰ ਖਰੀਦਣ ਲਈ ਕਈ ਵੱਡੇ ਸ਼ਹਿਰਾਂ ਵਿੱਚ ਲੋਕਾਂ ਦੀਆਂ ਲੰਬੀਆਂ
IPhone 18 Pro Max : Apple ਦਾ ਲੇਟੈਸਟ ਅਤੇ ਪ੍ਰੀਮੀਅਮ ਸਮਾਰਟਫੋਨ iPhone 18 Pro Max ਇਨ੍ਹੀਂ ਦਿਨੀਂ ਕਾਫ਼ੀ ਚਰਚਾ ਵਿੱਚ ਹੈ। ਮਹਿੰਗੀ ਕੀਮਤ ਦੇ ਬਾਵਜੂਦ ਇਸ ਨੂੰ ਖਰੀਦਣ ਲਈ ਕਈ ਵੱਡੇ ਸ਼ਹਿਰਾਂ ਵਿੱਚ ਲੋਕਾਂ ਦੀਆਂ ਲੰਬੀਆਂ ਲਾਈਨਾਂ ਵੀ ਦੇਖਣ ਨੂੰ ਮਿਲੀਆਂ ਪਰ ਹੁਣ ਇਸ ਫੋਨ ਨੂੰ ਲੈ ਕੇ ਇੱਕ ਅਜਿਹੀ ਖ਼ਬਰ ਸਾਹਮਣੇ ਆਈ ਹੈ, ਜੋ ਨਵੇਂ ਖਰੀਦਦਾਰਾਂ ਦੀ ਚਿੰਤਾ ਵਧਾ ਸਕਦੀ ਹੈ।
ਅਮਰੀਕਾ ਵਿੱਚ AT&T ਨੈੱਟਵਰਕ ਦੀ ਵਰਤੋਂ ਕਰਨ ਵਾਲੇ ਕੁਝ iPhone 18 Pro Max ਯੂਜ਼ਰਜ਼ ਨੂੰ ਮੋਬਾਈਲ ਨੈੱਟਵਰਕ ਨਾਲ ਜੁੜੀ ਸਮੱਸਿਆ ਆ ਰਹੀ ਹੈ। ਕੁਝ ਫੋਨਾਂ ਵਿੱਚ ਅਚਾਨਕ ਨੈੱਟਵਰਕ ਸਿਗਨਲ ਬੰਦ ਹੋ ਗਿਆ। ਇਸ ਕਾਰਨ ਯੂਜ਼ਰ ਨਾ ਤਾਂ ਆਮ ਫੋਨ ਕਾਲ ਕਰ ਸਕਦੇ ਹਨ, ਨਾ ਮੋਬਾਈਲ ਡਾਟਾ ਚਲਾ ਸਕਦੇ ਹਨ ਅਤੇ ਨਾ ਹੀ SMS ਭੇਜ ਜਾਂ ਪ੍ਰਾਪਤ ਕਰ ਸਕਦੇ ਹਨ।
Apple ਨੇ ਇਸ ਸਮੱਸਿਆ ਨੂੰ ਮੰਨਿਆ ਹੈ ਅਤੇ ਇਸ ਨੂੰ ਠੀਕ ਕਰਨ ਲਈ ਸਾਫਟਵੇਅਰ ਅਤੇ ਨੈੱਟਵਰਕ ਸੈਟਿੰਗਜ਼ ਨਾਲ ਜੁੜੇ ਅਪਡੇਟ ਜਾਰੀ ਕੀਤੇ ਹਨ। ਕੰਪਨੀ ਮੁਤਾਬਕ AT&T ਗਾਹਕਾਂ ਦੇ ਫੋਨਾਂ ’ਤੇ ਨੈੱਟਵਰਕ ਸੈਟਿੰਗਜ਼ ਦਾ ਅਪਡੇਟ ਅਗਲੇ ਕੁਝ ਦਿਨਾਂ ਵਿੱਚ ਆਪਣੇ ਆਪ ਵੀ ਪਹੁੰਚ ਸਕਦਾ ਹੈ।
ਯੂਜ਼ਰ ਆਪਣੇ ਫੋਨ ਵਿੱਚ Settings > General > About ’ਚ ਜਾ ਕੇ ਅਪਡੇਟ ਚੈੱਕ ਕਰ ਸਕਦੇ ਹਨ। ਜੇ ਅਪਡੇਟ ਉਪਲਬਧ ਹੋਵੇ ਤਾਂ ਉਸ ਨੂੰ ਇੰਸਟਾਲ ਕਰਨਾ ਚਾਹੀਦਾ ਹੈ। ਹਾਲਾਂਕਿ, ਜਿਨ੍ਹਾਂ ਫੋਨਾਂ ਵਿੱਚ ਨੈੱਟਵਰਕ ਦੀ ਸਮੱਸਿਆ ਪਹਿਲਾਂ ਹੀ ਆ ਚੁੱਕੀ ਹੈ, ਉਨ੍ਹਾਂ ਲਈ ਸਿਰਫ਼ ਅਪਡੇਟ ਕਾਫ਼ੀ ਨਹੀਂ ਹੋ ਸਕਦਾ। ਅਜਿਹੇ ਕੁਝ iPhone 18 Pro Max ਨੂੰ pple ਜਾਂ AT&T ਰਾਹੀਂ ਬਦਲਣ ਦੀ ਲੋੜ ਪੈ ਸਕਦੀ ਹੈ।
ਇਸ ਵੇਲੇ ਇਹ ਸਪੱਸ਼ਟ ਨਹੀਂ ਕੀਤਾ ਗਿਆ ਕਿ ਕੁੱਲ ਕਿੰਨੇ ਯੂਜ਼ਰ ਇਸ ਸਮੱਸਿਆ ਤੋਂ ਪ੍ਰਭਾਵਿਤ ਹੋਏ ਹਨ। ਸਾਹਮਣੇ ਆਏ ਮਾਮਲੇ ਮੁੱਖ ਤੌਰ ’ਤੇ ਅਮਰੀਕਾ ਦੇ AT&T ਨੈੱਟਵਰਕ ਅਤੇ iPhone 18 Pro Max ਨਾਲ ਜੁੜੇ ਹਨ। ਇਸ ਲਈ ਦੂਜੇ ਨੈੱਟਵਰਕ ਜਾਂ ਹੋਰ iPhone ਮਾਡਲ ਵਰਤਣ ਵਾਲਿਆਂ ਨੂੰ ਫਿਲਹਾਲ ਘਬਰਾਉਣ ਦੀ ਲੋੜ ਨਹੀਂ ਹੈ।
ਖ਼ਾਸ ਗੱਲ ਇਹ ਵੀ ਹੈ ਕਿ ਅਮਰੀਕਾ ਵਿੱਚ ਵੇਚੇ ਜਾਣ ਵਾਲੇ iPhone 18 Pro Max ਵਿੱਚ Qualcomm ਮਾਡਮ ਦਿੱਤਾ ਗਿਆ ਹੈ, ਜਦਕਿ iPhone 18 Pro ਵਿੱਚ Apple ਦਾ C2 ਮਾਡਮ ਹੋਣ ਦੀ ਗੱਲ ਸਾਹਮਣੇ ਆਈ ਹੈ। ਹਾਲਾਂਕਿ Apple ਨੇ ਇਹ ਨਹੀਂ ਕਿਹਾ ਕਿ ਮਾਡਮ ਦਾ ਇਹ ਫਰਕ ਹੀ ਨੈੱਟਵਰਕ ਸਮੱਸਿਆ ਦਾ ਕਾਰਨ ਹੈ।
ਜੇ AT&T ਯੂਜ਼ਰ ਦੇ iPhone 18 Pro Max ਵਿੱਚ ਅਪਡੇਟ ਤੋਂ ਬਾਅਦ ਵੀ ਕਾਲ, ਮੋਬਾਈਲ ਡਾਟਾ ਜਾਂ SMS ਕੰਮ ਨਹੀਂ ਕਰ ਰਹੇ, ਤਾਂ Apple ਜਾਂ AT&T ਦੀ ਸਪੋਰਟ ਟੀਮ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
