Technology : ਹੁਣ ਨਵਾਂ ਲੈਪਟਾਪ ਖਰੀਦਣ ਦੀ ਲੋੜ ਨਹੀਂ? 8 ਸਾਲ ਪੁਰਾਣਾ ਕੰਪਿਊਟਰ ਵੀ ਬਣੇਗਾ ‘ਸਮਾਰਟ’ , ਜਾਣੋ ਕਿਵੇਂ
JioPC : ਜੇਕਰ ਤੁਹਾਡਾ ਪੁਰਾਣਾ ਲੈਪਟਾਪ ਜਾਂ ਡੈਸਕਟਾਪ ਹੌਲੀ ਚੱਲਣ ਲੱਗਾ ਹੈ ਤਾਂ ਹੁਣ ਤੁਰੰਤ ਨਵਾਂ ਕੰਪਿਊਟਰ ਖਰੀਦਣ ਦੀ ਲੋੜ ਨਹੀਂ ਪਵੇਗੀ। ਰਿਲਾਇੰਸ ਜਿਓ ਨੇ JioPC ਸਰਵਿਸ ਨੂੰ ਹੋਰ ਯੂਜ਼ਰਾਂ ਲਈ ਉਪਲਬਧ ਕਰ ਦਿੱਤਾ
JioPC : ਜੇਕਰ ਤੁਹਾਡਾ ਪੁਰਾਣਾ ਲੈਪਟਾਪ ਜਾਂ ਡੈਸਕਟਾਪ ਹੌਲੀ ਚੱਲਣ ਲੱਗਾ ਹੈ ਤਾਂ ਹੁਣ ਤੁਰੰਤ ਨਵਾਂ ਕੰਪਿਊਟਰ ਖਰੀਦਣ ਦੀ ਲੋੜ ਨਹੀਂ ਪਵੇਗੀ। ਰਿਲਾਇੰਸ ਜਿਓ ਨੇ JioPC ਸਰਵਿਸ ਨੂੰ ਹੋਰ ਯੂਜ਼ਰਾਂ ਲਈ ਉਪਲਬਧ ਕਰ ਦਿੱਤਾ ਹੈ। ਇਸ ਰਾਹੀਂ ਪੁਰਾਣੇ ਕੰਪਿਊਟਰ ਨੂੰ ਕਲਾਊਡ ਦੀ ਮਦਦ ਨਾਲ ਵਧੇਰੇ ਪਾਵਰਫੁੱਲ ਬਣਾਇਆ ਜਾ ਸਕਦਾ ਹੈ।
JioPC ਦੀ ਮਦਦ ਨਾਲ ਯੂਜ਼ਰ ਆਪਣੇ ਮੌਜੂਦਾ ਲੈਪਟਾਪ ਜਾਂ ਡੈਸਕਟਾਪ 'ਤੇ 16GB ਤੱਕ RAM ਅਤੇ 1TB ਤੱਕ ਕਲਾਊਡ ਸਟੋਰੇਜ ਦੀ ਵਰਤੋਂ ਕਰ ਸਕਣਗੇ। ਇਸ ਲਈ ਕੰਪਿਊਟਰ ਵਿੱਚ ਨਵਾਂ ਹਾਰਡਵੇਅਰ ਲਗਾਉਣ ਜਾਂ ਮਹਿੰਗਾ ਅਪਗ੍ਰੇਡ ਕਰਵਾਉਣ ਦੀ ਲੋੜ ਨਹੀਂ ਹੋਵੇਗੀ।
ਖਾਸ ਗੱਲ ਇਹ ਹੈ ਕਿ JioPC ਹੁਣ ਸਿਰਫ਼ ਜਿਓ ਦੇ ਬ੍ਰਾਡਬੈਂਡ ਗਾਹਕਾਂ ਤੱਕ ਸੀਮਿਤ ਨਹੀਂ ਹੈ। ਕਿਸੇ ਵੀ ਟੈਲੀਕਾਮ ਜਾਂ ਬ੍ਰਾਡਬੈਂਡ ਕੰਪਨੀ ਦਾ ਇੰਟਰਨੈੱਟ ਵਰਤਣ ਵਾਲਾ ਯੂਜ਼ਰ ਇਸ ਸਰਵਿਸ ਦਾ ਲਾਭ ਲੈ ਸਕਦਾ ਹੈ। ਕੰਪਨੀ ਮੁਤਾਬਕ ਇਸਨੂੰ 5 ਮਿੰਟ ਤੋਂ ਵੀ ਘੱਟ ਸਮੇਂ ਵਿੱਚ ਐਕਟੀਵੇਟ ਕੀਤਾ ਜਾ ਸਕਦਾ ਹੈ। ਇਸ ਲਈ ਡਾਟਾ ਮਾਈਗ੍ਰੇਸ਼ਨ ਜਾਂ ਨਵਾਂ ਹਾਰਡਵੇਅਰ ਲਗਾਉਣ ਦੀ ਲੋੜ ਨਹੀਂ ਪਵੇਗੀ।
ਪੁਰਾਣਾ ਕੰਪਿਊਟਰ ਵੀ ਬਣੇਗਾ AI-ready
ਜਿਓ ਦਾ ਦਾਅਵਾ ਹੈ ਕਿ JioPC ਦੀ ਕਲਾਊਡ ਕੰਪਿਊਟਿੰਗ ਸਮਰੱਥਾ ਨਾਲ 8 ਸਾਲ ਪੁਰਾਣਾ ਕੰਪਿਊਟਰ ਵੀ AI-ਪਾਵਰਡ ਐਪਸ ਚਲਾਉਣ ਦੇ ਯੋਗ ਹੋ ਸਕਦਾ ਹੈ। ਭਾਰੀ ਕੰਪਿਊਟਿੰਗ ਅਤੇ ਸਟੋਰੇਜ ਨਾਲ ਜੁੜੇ ਕੰਮਾਂ ਦਾ ਵੱਡਾ ਹਿੱਸਾ ਕਲਾਊਡ 'ਤੇ ਕੀਤਾ ਜਾਵੇਗਾ, ਜਿਸ ਨਾਲ ਪੁਰਾਣੇ ਸਿਸਟਮ ਦੀ ਸਮਰੱਥਾ ਵਧ ਸਕਦੀ ਹੈ।
₹1,000 ਤੋਂ ਸ਼ੁਰੂ ਹੋਣਗੇ ਪਲਾਨ
JioPC ਦੇ ਪਲਾਨ ₹1,000 ਤੋਂ ਸ਼ੁਰੂ ਹੋ ਰਹੇ ਹਨ। 8GB RAM ਅਤੇ 500GB ਸਟੋਰੇਜ ਵਾਲਾ 2 ਮਹੀਨਿਆਂ ਦਾ ਪਲਾਨ ₹1,000 ਵਿੱਚ ਮਿਲੇਗਾ। ਇਸ ਤੋਂ ਇਲਾਵਾ 16GB RAM ਅਤੇ 1TB ਸਟੋਰੇਜ ਵਾਲੇ JioPC Ultra ਦੀ ਕੀਮਤ 2 ਮਹੀਨਿਆਂ ਲਈ ₹1,200 ਹੈ।
5 ਮਹੀਨਿਆਂ ਲਈ ਇਹ ਪਲਾਨ ਕ੍ਰਮਵਾਰ ₹2,000 ਅਤੇ ₹2,500 ਦੇ ਹਨ। ਜਦਕਿ 12 ਮਹੀਨਿਆਂ (10+2 ਮਹੀਨੇ) ਦੇ ਪਲਾਨ ਦੀ ਕੀਮਤ ₹4,000 ਅਤੇ ₹5,000 ਰੱਖੀ ਗਈ ਹੈ। ਇਨ੍ਹਾਂ ਸਾਰੀਆਂ ਕੀਮਤਾਂ ਵਿੱਚ GST ਸ਼ਾਮਲ ਹੈ। JioPC ਕਲਾਊਡ 'ਤੇ ਕੰਮ ਕਰਦਾ ਹੈ, ਇਸ ਲਈ ਇਸਨੂੰ ਚਲਾਉਣ ਲਈ ਤੇਜ਼ ਅਤੇ ਸਥਿਰ ਇੰਟਰਨੈੱਟ ਕਨੈਕਸ਼ਨ ਜ਼ਰੂਰੀ ਹੋਵੇਗਾ। ਬ੍ਰਾਡਬੈਂਡ ਤੋਂ ਇਲਾਵਾ ਭਰੋਸੇਮੰਦ 4G ਜਾਂ 5G ਨੈੱਟਵਰਕ ਰਾਹੀਂ ਵੀ JioPC ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
