ਬਿਨਾਂ ਕਿਸੇ ਦਰਦ ਦੇ 30 ਸੈਕਿੰਡ 'ਚ ਹੋ ਜਾਵੇਗੀ ਮੌਤ, ਪਹਿਲੀ ਵਾਰ ਵਰਤਿਆ ਜਾ ਰਿਹਾ Death Capsule
Death Capsule for Assisted Suicide: ਸਵਿਟਜ਼ਰਲੈਂਡ ਵਿੱਚ ਇੱਕ ਅਜਿਹਾ ਡੈਥ ਕੈਪਸੂਲ ਬਣਾਇਆ ਗਿਆ ਹੈ ਜੋ ਤੁਹਾਨੂੰ ਬਿਨਾਂ ਕਿਸੇ ਦਰਦ ਦੇ ਮਾਰ ਦੇਵੇਗਾ। ਕੈਪਸੂਲ ਦੀ ਵਰਤੋਂ ਕਰਨ ਲਈ ਵਿਅਕਤੀ ਨੂੰ ਤਿੰਨ ਸਵਾਲਾਂ ਦੇ ਜਵਾਬ ਦੇਣੇ ਹੋਣਗੇ।
Sarco Death Capsule: ਅੱਜ ਦੇ ਸਮੇਂ ਵਿੱਚ ਖੁਦਕੁਸ਼ੀ ਕਰਨ ਵਾਲੇ ਲੋਕਾਂ ਦੀ ਗਿਣਤੀ ਤੇਜ਼ੀ ਨਾਲ ਵੱਧ ਰਹੀ ਹੈ। ਕੁਝ ਆਪਣੀ ਜ਼ਿੰਦਗੀ ਤੋਂ ਖੁਸ਼ ਨਹੀਂ ਹਨ, ਜਦੋਂ ਕਿ ਕੁਝ ਆਪਣੀ ਕਿਸਮਤ ਤੋਂ ਹਾਰ ਗਏ ਹਨ। ਦੁਨੀਆ ਦੇ ਲਗਭਗ ਸਾਰੇ ਦੇਸ਼ਾਂ ਵਿੱਚ ਇੱਛਾ ਮੌਤ 'ਤੇ ਪਾਬੰਦੀ ਹੈ ਅਤੇ ਭਾਰਤ ਵਿੱਚ ਖੁਦਕੁਸ਼ੀ ਅਪਰਾਧ ਦੀ ਸ਼੍ਰੇਣੀ ਵਿਚ ਆਉਂਦੀ ਹੈ ਪਰ ਇੱਕ ਅਜਿਹਾ ਦੇਸ਼ ਵੀ ਹੈ ਜਿੱਥੇ ਲੋਕ ਆਪਣੀ ਮਰਜ਼ੀ ਮੁਤਾਬਕ ਖੁਦਕੁਸ਼ੀ ਕਰ ਸਕਦੇ ਹਨ।
ਸਵਿਟਜ਼ਰਲੈਂਡ ਦੁਨੀਆ ਦਾ ਇਕਲੌਤਾ ਦੇਸ਼ ਹੈ ਜਿੱਥੇ ਲੋਕ ਆਪਣੀ ਮਰਜ਼ੀ ਨਾਲ 'ਸਹਾਇਤਾ ਪ੍ਰਾਪਤ ਖੁਦਕੁਸ਼ੀ' ਕਰ ਸਕਦੇ ਹਨ, ਹਾਲਾਂਕਿ ਇਸ ਬਾਰੇ ਇੱਕ ਸ਼ਰਤ ਹੈ। ਸ਼ਰਤ ਇਹ ਹੈ ਕਿ ਮਰਨ ਦਾ ਚਾਹਵਾਨ ਵਿਅਕਤੀ ਕਿਸੇ ਗੰਭੀਰ ਬਿਮਾਰੀ ਤੋਂ ਪੀੜਤ ਹੋਵੇ।
ਇੰਨਾ ਹੀ ਨਹੀਂ, ਇੱਕ ਡੈਥ ਕੈਪਸੂਲ ਵੀ ਤਿਆਰ ਕੀਤਾ ਗਿਆ ਹੈ ਤਾਂ ਜੋ ਬਿਨਾਂ ਕਿਸੇ ਦਰਦ ਦੇ ਮੌਤ ਹੋ ਸਕੇ। ਸਵਿਸ ਮੀਡੀਆ ਮੁਤਾਬਕ ਇਸ ਡੈੱਥ ਕੈਪਸੂਲ ਦੀ ਪਹਿਲੀ ਵਾਰ ਵਰਤੋਂ ਹੋਣ ਜਾ ਰਹੀ ਹੈ।
ਕਿਸਨੇ ਬਣਾਇਆ ਇਹ ਮੌਤ ਦਾ ਕੈਪਸੂਲ ?
ਐਗਜ਼ਿਟ ਸਵਿਟਜ਼ਰਲੈਂਡ ਦੀ ਇੱਕ ਕੰਪਨੀ ਨੇ ਸਰਕੋ ਡੈਥ ਕੈਪਸੂਲ ਬਣਾਇਆ ਹੈ। ਜਿਸ ਵਿੱਚ ਬੈਠਣ ਦੇ ਕੁਝ ਸਕਿੰਟਾਂ ਵਿੱਚ ਹੀ ਵਿਅਕਤੀ ਦੀ ਮੌਤ ਹੋ ਜਾਂਦੀ ਹੈ। ਡੇਲੀ ਮੇਲ ਨਾਲ ਗੱਲਬਾਤ ਕਰਦੇ ਹੋਏ ਡੈਥ ਕੈਪਸੂਲ ਦੇ ਨਿਰਮਾਤਾ ਡਾਕਟਰ ਫਿਲਿਪ ਨਿਟਸ਼ਕੇ ਨੇ ਇਸ ਕੈਪਸੂਲ ਬਾਰੇ ਦੱਸਿਆ ਹੈ। ਡਾਕਟਰ ਫਿਲਿਪ ਮੁਤਾਬਕ ਇਹ ਕੈਪਸੂਲ ਉਨ੍ਹਾਂ ਲੋਕਾਂ ਦੀ ਮਦਦ ਕਰੇਗਾ ਜੋ ਬਿਨਾਂ ਕਿਸੇ ਦਰਦ ਦੇ ਮਰਨਾ ਚਾਹੁੰਦੇ ਹਨ।
ਸਵਿਸ ਨਿਊਜ਼ ਆਉਟਲੈਟ NZZ ਦੇ ਅਨੁਸਾਰ, ਜੁਲਾਈ ਵਿੱਚ SARCO ਦੀ ਲਾਈਵ ਵਰਤੋਂ ਦੀ ਯੋਜਨਾ ਬਣਾਈ ਗਈ ਹੈ, ਇਸ ਯੋਜਨਾ ਦੇ ਤਹਿਤ ਇੱਕ ਅਜਿਹੇ ਵਿਅਕਤੀ ਨੂੰ ਵੀ ਚੁਣਿਆ ਜਾਵੇਗਾ ਜੋ ਇੱਛਾ ਮੌਤ ਚਾਹੁੰਦਾ ਹੈ ਅਤੇ ਦੇਸ਼ ਦੀ ਯਾਤਰਾ ਕਰ ਚੁੱਕਾ ਹੈ। ਐਗਜ਼ਿਟ ਸਵਿਟਜ਼ਰਲੈਂਡ ਦੀ ਵੈੱਬਸਾਈਟ 'ਤੇ ਕੈਪਸੂਲ ਦੀ ਤਸਵੀਰ ਦੇ ਹੇਠਾਂ ਲਿਖਿਆ ਹੈ ਕਿ 'ਜਲਦੀ ਆ ਰਿਹਾ'।
ਕਿਵੇਂ ਕੰਮ ਕਰੇਗਾ ਡੈਥ ਕੈਪਸੂਲ ?
ਡਾਕਟਰ ਫਿਲਿਪ ਨਿਟਸਕੇ ਦੇ ਅਨੁਸਾਰ, ਜੋ ਵੀ ਇਸ ਮਸ਼ੀਨ 'ਤੇ ਚੜ੍ਹੇਗਾ, ਉਸ ਤੋਂ ਤਿੰਨ ਸਵਾਲ ਪੁੱਛੇ ਜਾਣਗੇ। ਪਹਿਲਾਂ ਤੁਸੀਂ ਕੌਣ ਹੋ? ਦੂਜਾ ਤੁਸੀਂ ਕਿੱਥੇ ਹੋ?' ਅਤੇ ਤੀਜਾ ਕੀ ਤੁਸੀਂ ਜਾਣਦੇ ਹੋ ਕਿ ਜੇਕਰ ਤੁਸੀਂ ਬਟਨ ਦਬਾਉਂਦੇ ਹੋ ਤਾਂ ਕੀ ਹੋਵੇਗਾ? ਇਸ ਤੋਂ ਬਾਅਦ ਵਿਅਕਤੀ ਨੂੰ ਬੋਲ ਕੇ ਜਵਾਬ ਦੇਣਾ ਹੋਵੇਗਾ, ਜਿਵੇਂ ਹੀ ਜਵਾਬ ਦਿੱਤਾ ਜਾਂਦਾ ਹੈ, ਕੈਪਸੂਲ ਵਿਚਲਾ ਸਾਫਟਵੇਅਰ ਪਾਵਰ ਆਨ ਕਰ ਦਿੰਦਾ ਹੈ, ਜਿਸ ਤੋਂ ਬਾਅਦ ਇਸ ਵਿਚਲਾ ਬਟਨ ਐਕਟਿਵ ਹੋ ਜਾਂਦਾ ਹੈ। ਜਿਵੇਂ ਹੀ ਤੁਸੀਂ ਬਟਨ ਦਬਾਓਗੇ ਤੁਸੀਂ ਮਰ ਜਾਓਗੇ।
ਡਾਕਟਰ ਫਿਲਿਪ ਅਨੁਸਾਰ ਜਦੋਂ ਕੋਈ ਵਿਅਕਤੀ ਸਰਕੋ ਵਿੱਚ ਜਾਂਦਾ ਹੈ ਤਾਂ ਉਸ ਦਾ ਆਕਸੀਜਨ ਪੱਧਰ 21 ਫੀਸਦੀ ਹੁੰਦਾ ਹੈ। ਪਰ ਜਿਵੇਂ ਹੀ ਬਟਨ ਦਬਾਇਆ ਜਾਂਦਾ ਹੈ, ਆਕਸੀਜਨ ਨੂੰ ਇੱਕ ਪ੍ਰਤੀਸ਼ਤ ਤੋਂ ਘੱਟ ਹੋਣ ਵਿੱਚ 30 ਸਕਿੰਟ ਲੱਗ ਜਾਂਦੇ ਹਨ।
ਐਗਜ਼ਿਟ ਸਵਿਟਜ਼ਰਲੈਂਡ ਵੱਲੋਂ ਬਣਾਏ ਗਏ ਡੈੱਥ ਕੈਪਸੂਲ ਸਰਕੋ ਨੂੰ ਲੈ ਕੇ ਵੀ ਵਿਰੋਧ ਪ੍ਰਦਰਸ਼ਨ ਸ਼ੁਰੂ ਹੋ ਗਏ ਹਨ। ਪ੍ਰੋ-ਲਾਈਫ ਸਮੂਹਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ 3ਡੀ ਪ੍ਰਿੰਟਰਾਂ ਦੀ ਵਰਤੋਂ ਕਰਕੇ ਬਣਾਏ ਗਏ ਪੌਡ, ਆਤਮ ਹੱਤਿਆ ਨੂੰ ਗਲੈਮਰਾਈਜ਼ ਕਰਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
