ਟਾਟਾ ਸਕਾਈ ਨੇ ਦਿੱਤਾ ਗਾਹਕਾਂ ਨੂੰ ਵੱਡਾ ਝੱਟਕਾ, ਕੀਮਤਾਂ 'ਚ ਕੀਤਾ ਇੰਨਾ ਵਾਧਾ

ਟੈਲੀਕਾਮ ਅਥਾਰਟੀ ਆਫ ਇੰਡੀਆ ਨੇ ਡੀਟੀਐਚ ਸੰਚਾਲਕਾਂ ਨੂੰ ਨੈੱਟਵਰਕ ਸਮਰੱਥਾ ਫੀਸਾਂ ਘਟਾਉਣ ਦੇ ਆਦੇਸ਼ ਦਿੱਤੇ ਹਨ।

ਨਵੀਂ ਦਿੱਲੀ: ਟੈਲੀਕਾਮ ਅਥਾਰਟੀ ਆਫ ਇੰਡੀਆ ਨੇ ਡੀਟੀਐਚ ਸੰਚਾਲਕਾਂ ਨੂੰ ਨੈੱਟਵਰਕ ਸਮਰੱਥਾ ਫੀਸਾਂ ਘਟਾਉਣ ਦੇ ਆਦੇਸ਼ ਦਿੱਤੇ ਹਨ। ਦੇਸ਼ ਦੇ ਸਭ ਤੋਂ ਵੱਡੇ ਡੀਟੀਐਚ ਓਪਰੇਟਰ ਟਾਟਾ ਸਕਾਈ ਨੇ 29 ਫਰਵਰੀ ਤੋਂ ਐਨਸੀਐਫ ਨੂੰ ਘਟਾਉਣ ਦੇ ਟ੍ਰਾਈ ਦੇ ਫੈਸਲੇ ਨੂੰ ਲਾਗੂ ਕੀਤਾ ਹੈ ਪਰ ਇਸ ਦੇ ਨਾਲ ਹੀ ਟਾਟਾ ਸਕਾਈ ਨੇ ਆਪਣੇ ਨਵੇਂ ਉਪਭੋਗਤਾਵਾਂ ਨੂੰ ਵੱਡਾ ਝਟਕਾ ਵੀ ਦਿੱਤਾ ਹੈ। ਟਾਟਾ ਸਕਾਈ ਨੇ ਆਪਣੇ ਨਵੇਂ ਕਨੈਕਸ਼ਨ ਤੇ ਮਲਟੀ ਕਨੈਕਸ਼ਨ ਦੀਆਂ ਕੀਮਤਾਂ ਵਿੱਚ ਵਾਧਾ ਕੀਤਾ ਹੈ। ਪਹਿਲਾਂ ਟਾਟਾ ਸਕਾਈ ਆਪਣੇ ਉਪਭੋਗਤਾਵਾਂ ਨੂੰ 1,399 ਰੁਪਏ ਵਿੱਚ ਐਚਡੀ ਸੈਟਅਪ ਬਾਕਸ ਕਨੈਕਸ਼ਨ ਪ੍ਰਦਾਨ ਕਰਦਾ ਸੀ। ਹੁਣ ਕੰਪਨੀ ਨੇ ਨਵੇਂ ਕੁਨੈਕਸ਼ਨਾਂ ਦੀ ਕੀਮਤ 7.2 ਪ੍ਰਤੀਸ਼ਤ ਵਧ ਕੇ 1,499 ਕਰ ਦਿੱਤੀ ਹੈ। ਇਸ ਦਾ ਮਤਲਬ ਹੈ ਕਿ ਨਵਾਂ ਕੁਨੈਕਸ਼ਨ ਲੈਣ ਨਾਲ ਉਪਭੋਗਤਾਵਾਂ ਨੂੰ ਪਹਿਲਾਂ ਨਾਲੋਂ 100 ਰੁਪਏ ਵਧੇਰੇ ਦੇਣੇ ਪੈਣਗੇ। ਇਸ ਦੇ ਨਾਲ ਹੀ, ਕੰਪਨੀ ਨੇ ਮਲਟੀ ਕੁਨੈਕਸ਼ਨ ਦੀ ਦਰ ਵਿੱਚ ਵੀ ਵਾਧਾ ਕੀਤਾ ਹੈ। ਪਹਿਲਾਂ, ਉਪਭੋਗਤਾਵਾਂ ਨੂੰ ਇੱਕ ਕੁਨੈਕਸ਼ਨ ਨਾਲ ਦੂਜਾ ਕੁਨੈਕਸ਼ਨ ਲੈਣ ਲਈ 999 ਰੁਪਏ ਦੇਣੇ ਪੈਂਦੇ ਸਨ। ਪਰ ਹੁਣ ਕੰਪਨੀ ਇਸ ਲਈ ਤੁਹਾਨੂੰ 1,199 ਰੁਪਏ ਦੇਣੇ ਪੈਣਗੇ।