ਮੋਬਾਈਲ ਨੈਟਵਰਕ ਅਤੇ WiFi ਨਾ ਹੋਣ 'ਤੇ ਵੀ ਭੇਜ ਸਕਦੇ ਮੈਸੇਜ, ਬਹੁਤ ਕੰਮ ਆਵੇਗਾ ਆਹ ਫੀਚਰ, ਹੁਣੇ ਕਰ ਲਓ ਨੋਟ
Satellite Messaging ਇੱਕ ਅਜਿਹਾ ਫੀਚਰ ਹੈ ਜੋ ਤੁਹਾਨੂੰ ਕੋਈ ਮੋਬਾਈਲ ਨੈੱਟਵਰਕ ਜਾਂ ਵਾਈ-ਫਾਈ ਨਾ ਹੋਣ ਦੀ ਸਥਿਤੀ ਵਿੱਚ ਐਮਰਜੈਂਸੀ ਰਿਸਪਾਂਡਰ ਨਾਲ ਕੁਨੈਕਟ ਕਰਨ ਦੀ ਸੁਵਿਧਾ ਦਿੰਦਾ ਹੈ। ਇਹ ਐਮਰਜੈਂਸੀ ਵੇਲੇ ਬਹੁਤ ਕੰਮ ਆਉਂਦਾ ਹੈ।
Satellite Messaging: ਆਈਫੋਨ ਅਤੇ ਗੂਗਲ ਪਿਕਸਲ 9 'ਚ ਇਕ ਅਜਿਹਾ ਫੀਚਰ ਮਿਲਦਾ ਹੈ, ਜੋ ਕੁਦਰਤੀ ਆਫਤਾਂ ਦੌਰਾਨ ਲੋਕਾਂ ਦੀ ਜਾਨ ਬਚਾ ਸਕਦਾ ਹੈ। ਅਸੀਂ ਸੈਟੇਲਾਈਟ ਮੈਸੇਜਿੰਗ ਦੀ ਗੱਲ ਕਰ ਰਹੇ ਹਾਂ, ਜੋ ਮੋਬਾਈਲ ਨੈਟਵਰਕ ਅਤੇ ਵਾਈ-ਫਾਈ ਨਾ ਹੋਣ 'ਤੇ ਵੀ ਮੈਸੇਜ ਭੇਜਣ ਦੀ ਸੁਵਿਧਾ ਦਿੰਦਾ ਹੈ। ਸੈਟੇਲਾਈਟ ਮੈਸੇਜਿੰਗ ਰਾਹੀਂ ਐਮਰਜੈਂਸੀ ਸੇਵਾਵਾਂ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ। ਇਹ ਸਰਵਿਸ ਗੂਗਲ ਪਿਕਸਲ 9 'ਚ ਪਹਿਲਾਂ ਤੋਂ ਇੰਸਟਾਲ ਹੁੰਦੀ ਹੈ, ਜਦਕਿ ਇਹ ਫੀਚਰ ਆਈਫੋਨ 14, 15 ਅਤੇ 16 'ਚ iOS 18 ਅਪਡੇਟ 'ਚ ਵੀ ਆ ਚੁੱਕਾ ਹੈ। ਆਓ ਜਾਣਦੇ ਹਾਂ ਕਿ ਇਸ ਸਰਵਿਸ ਦੀ ਵਰਤੋਂ ਕਿਵੇਂ ਕੀਤੀ ਜਾ ਸਕਦੀ ਹੈ।
ਆਈਫੋਨ 'ਤੇ ਕਿਵੇਂ ਵਰਤ ਸਕਦੇ ਸੈਟੇਲਾਈਟ ਮੈਸੇਜਿੰਗ?
ਸੈਟੇਲਾਈਟ ਮੈਸੇਜਿੰਗ ਦੀ ਵਰਤੋਂ ਕਰਨ ਲਈ, ਪਹਿਲਾਂ ਤੁਹਾਨੂੰ ਸਾਫ਼ ਅਸਮਾਨ ਹੇਠਾਂ ਆਉਣਾ ਪਵੇਗਾ। ਇਹ ਫੀਚਰ ਤੇਜ਼ ਤੂਫਾਨ ਵਰਗੀਆਂ ਸਥਿਤੀਆਂ ਵਿੱਚ ਕੰਮ ਨਹੀਂ ਕਰੇਗਾ। ਸਭ ਤੋਂ ਪਹਿਲਾਂ, ਸਾਫ਼ ਅਸਮਾਨ ਹੇਠ ਆਓ ਅਤੇ ਐਮਰਜੈਂਸੀ ਨੰਬਰਾਂ 'ਤੇ ਸੰਪਰਕ ਕਰੋ। ਜੇਕਰ ਇਹ ਕਾਲ ਆਈਫੋਨ 'ਤੇ ਕਨੈਕਟ ਨਹੀਂ ਹੁੰਦੀ ਹੈ, ਤਾਂ ਸਕ੍ਰੀਨ 'ਤੇ "ਐਮਰਜੈਂਸੀ ਟੈਕਸਟ ਵਾਇਆ ਸੈਟੇਲਾਈਟ" ਲਿਖਿਆ ਆਵੇਗਾ। ਇਸ 'ਤੇ ਟੈਪ ਕਰਨ ਤੋਂ ਬਾਅਦ ਸਕਰੀਨ 'ਤੇ ਕੁਝ ਨਿਰਦੇਸ਼ ਦਿੱਤੇ ਜਾਣਗੇ, ਜਿਨ੍ਹਾਂ ਦਾ ਪਾਲਣ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ, ਸੈਟੇਲਾਈਟ ਰਾਹੀਂ ਐਮਰਜੈਂਸੀ ਰਿਸਪਾਂਡਰ ਦੇ ਨਾਲ ਸੰਪਰਕ ਸਥਾਪਿਤ ਕੀਤਾ ਜਾਵੇਗਾ ਅਤੇ ਮੈਸੇਜ ਰਾਹੀਂ ਇਨ੍ਹਾਂ ਨਾਲ ਗੱਲ ਕੀਤੀ ਜਾ ਸਕਦੀ ਹੈ।
ਗੂਗਲ ਪਿਕਸਲ 9 ਦੇ ਲਈ ਕੀ ਤਰੀਕਾ ਹੈ
ਗੂਗਲ ਪਿਕਸਲ 9 'ਤੇ ਵਾਈ-ਫਾਈ ਅਤੇ ਮੋਬਾਈਲ ਨੈੱਟਵਰਕ ਨਾ ਹੋਣ 'ਤੇ ਸੈਟੇਲਾਈਟ ਰਾਹੀਂ ਮੈਸੇਜ ਕੀਤਾ ਜਾ ਸਕਦਾ ਹੈ। ਇਸ ਦਾ ਤਰੀਕਾ ਬਿਲਕੁਲ ਆਈਫੋਨ ਵਰਗਾ ਹੈ। ਇਸ ਦੇ ਲਈ ਪਹਿਲਾਂ ਐਮਰਜੈਂਸੀ ਨੰਬਰ ਡਾਇਲ ਕਰੋ। ਜੇਕਰ ਇਹ ਕਾਲ ਕਨੈਕਟ ਨਹੀਂ ਹੁੰਦੀ ਹੈ ਤਾਂ ਸਕਰੀਨ 'ਤੇ ਸੈਟੇਲਾਈਟ SOS ਨਜ਼ਰ ਆਵੇਗਾ। ਇਸ 'ਤੇ ਟੈਪ ਕਰੋ ਅਤੇ ਸਟਾਰਟ ਬਟਨ ਦਬਾਓ। ਇਸ ਤੋਂ ਬਾਅਦ ਆਈਫੋਨ ਦੀ ਤਰ੍ਹਾਂ ਸਕ੍ਰੀਨ 'ਤੇ ਕੁਝ ਹਦਾਇਤਾਂ ਨਜ਼ਰ ਆਉਣਗੀਆਂ। ਇਹਨਾਂ ਦੀ ਪਾਲਣਾ ਕਰੋ ਅਤੇ ਜੇਕਰ ਸਭ ਕੁਝ ਠੀਕ ਰਿਹਾ, ਤਾਂ ਸੈਟੇਲਾਈਟ ਰਾਹੀਂ ਐਮਰਜੈਂਸੀ ਰਿਸਪਾਂਡਰ ਨਾਲ ਸੰਪਰਕ ਕੀਤਾ ਜਾਵੇਗਾ। ਧਿਆਨ ਰਹੇ ਕਿ ਤੁਹਾਡਾ ਸੰਪਰਕ ਕਾਲ ਰਾਹੀਂ ਨਾ ਹੋ ਕੇ ਸਗੋਂ ਮੈਸੇਜ ਰਾਹੀਂ ਹੋਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
