WhatsApp ਨੇ 65 ਲੱਖ ਇੰਡੀਅਨ ਅਕਾਊਂਟਸ ਨੂੰ ਕੀਤਾ ਬੈਨ, ਨਾ ਕਰਨਾ ਅਜਿਹੀ ਗਲਤੀ

WhatsApp Safety report May: ਨਵੇਂ IT ਨਿਯਮ 2021 ਤੋਂ ਬਾਅਦ ਸਾਰੀਆਂ ਵੱਡੀਆਂ ਸੋਸ਼ਲ ਮੀਡੀਆ ਕੰਪਨੀਆਂ ਨੂੰ ਹਰ ਮਹੀਨੇ ਸੁਰੱਖਿਆ ਰਿਪੋਰਟ ਜਾਰੀ ਕਰਨੀ ਪੈਂਦੀ ਹੈ। ਵਟਸਐਪ ਨੇ ਮਈ ਮਹੀਨੇ ਦੀ

WhatsApp

WhatsApp Safety report May: ਨਵੇਂ IT ਨਿਯਮ 2021 ਤੋਂ ਬਾਅਦ ਸਾਰੀਆਂ ਵੱਡੀਆਂ ਸੋਸ਼ਲ ਮੀਡੀਆ ਕੰਪਨੀਆਂ ਨੂੰ ਹਰ ਮਹੀਨੇ ਸੁਰੱਖਿਆ ਰਿਪੋਰਟ ਜਾਰੀ ਕਰਨੀ ਪੈਂਦੀ ਹੈ। ਵਟਸਐਪ ਨੇ ਮਈ ਮਹੀਨੇ ਦੀ ਰਿਪੋਰਟ ਜਾਰੀ ਕੀਤੀ ਹੈ ਅਤੇ ਕੰਪਨੀ ਨੇ 1 ਮਈ ਤੋਂ 31 ਮਈ ਦਰਮਿਆਨ 65,08,000 ਖਾਤਿਆਂ ਨੂੰ ਬੈਨ ਕਰ ਦਿੱਤਾ ਹੈ। ਇਨ੍ਹਾਂ ਵਿੱਚੋਂ 24,20,700 ਖਾਤਿਆਂ ਨੂੰ ਕੰਪਨੀ ਨੇ ਬਿਨਾਂ ਕਿਸੇ ਸ਼ਿਕਾਇਤ ਦੇ ਖੁਦ ਹੀ ਬੈਨ ਕਰ ਦਿੱਤਾ ਹੈ। ਮਈ ਮਹੀਨੇ 'ਚ ਵਟਸਐਪ ਨੂੰ ਅਕਾਊਂਟ ਬੈਨ ਕਰਨ ਦੀਆਂ 3,912 ਸ਼ਿਕਾਇਤਾਂ ਮਿਲੀਆਂ ਸਨ, ਜਿਨ੍ਹਾਂ 'ਚੋਂ ਕੰਪਨੀ ਨੇ 297 ਖਾਤਿਆਂ 'ਤੇ ਕਾਰਵਾਈ ਕੀਤੀ ਹੈ।

 

ਭਾਰਤ ਵਿੱਚ WhatsApp ਦੇ 50 ਕਰੋੜ ਤੋਂ ਵੱਧ ਐਕਟਿਵ ਯੂਜਰਸ ਹਨ। ਕੰਪਨੀ ਪਲੇਟਫਾਰਮ ਨੂੰ ਸੇਫ ਅਤੇ ਸੁਰੱਖਿਅਤ ਰੱਖਣ ਲਈ ਗਲਤ ਕਿਸਮ ਦੇ ਖਾਤੇ 'ਤੇ ਪਾਬੰਦੀ ਲਗਾ ਕੇ ਹਰ ਮਹੀਨੇ ਸੁਰੱਖਿਆ ਰਿਪੋਰਟ ਜਾਰੀ ਕਰਦੀ ਹੈ। ਅਪ੍ਰੈਲ ਮਹੀਨੇ 'ਚ ਵਟਸਐਪ ਨੇ ਭਾਰਤ 'ਚ 74 ਲੱਖ ਤੋਂ ਜ਼ਿਆਦਾ ਖਾਤਿਆਂ 'ਤੇ ਪਾਬੰਦੀ ਲਗਾ ਦਿੱਤੀ ਸੀ। ਜੇਕਰ ਤੁਸੀਂ ਵੀ WhatsApp 'ਤੇ ਗਲਤ ਚੀਜ਼ਾਂ ਜਿਵੇਂ ਕਿ ਦੁਰਵਿਵਹਾਰ, ਅਸ਼ਲੀਲ ਸਮੱਗਰੀ, ਧੋਖਾਧੜੀ ਜਾਂ ਹੋਰ ਕਿਸੇ ਚੀਜ਼ 'ਚ ਸ਼ਾਮਲ ਹੋ, ਤਾਂ ਕੰਪਨੀ ਤੁਹਾਡੇ ਖਾਤੇ 'ਤੇ ਪਾਬੰਦੀ ਵੀ ਲਗਾ ਸਕਦੀ ਹੈ।

 

ਹਾਲ ਹੀ ਵਿੱਚ ਇਸ ਫੀਚਰ ਨੂੰ ਐਪ ਵਿੱਚ ਜੋੜਿਆ ਗਿਆ 

 

ਵਟਸਐਪ ਨੇ ਯੂਜ਼ਰਸ ਨੂੰ ਚੈਟ ਟਰਾਂਸਫਰ ਕਰਨ ਦਾ ਨਵਾਂ ਆਪਸ਼ਨ ਦਿੱਤਾ ਹੈ, ਜਿਸ ਦੇ ਤਹਿਤ ਉਹ ਗੂਗਲ ਡਰਾਈਵ ਤੋਂ ਬਿਨਾਂ ਇਕ ਫੋਨ ਤੋਂ ਦੂਜੇ ਫੋਨ 'ਤੇ ਚੈਟ ਟ੍ਰਾਂਸਫਰ ਕਰ ਸਕਦੇ ਹਨ। ਇਸ ਦੇ ਲਈ ਉਨ੍ਹਾਂ ਨੂੰ ਨਵੇਂ ਫੋਨ 'ਤੇ ਡਿਸਪਲੇ ਹੋਏ QR ਕੋਡ ਨੂੰ ਸਕੈਨ ਕਰਨਾ ਹੋਵੇਗਾ। ਨਾਲ ਹੀ, ਦੋਵਾਂ ਸਮਾਰਟਫੋਨਸ ਦੀ ਵਾਈਫਾਈ ਅਤੇ ਲੋਕੇਸ਼ਨ ਆਨ ਹੋਣੀ ਚਾਹੀਦੀ ਹੈ। ਕੰਪਨੀ ਨੇ ਕਿਹਾ ਕਿ ਇਹ ਫੀਚਰ ਲੋਕਾਂ ਨੂੰ ਫਾਸਟ ਚੈਟ ਟ੍ਰਾਂਸਫਰ 'ਚ ਮਦਦ ਕਰਦਾ ਹੈ ਅਤੇ ਉਨ੍ਹਾਂ ਦਾ ਸਮਾਂ ਵੀ ਬਚਾਉਂਦਾ ਹੈ।

ਟਵਿਟਰ ਨੇ 11 ਲੱਖ ਅਕਾਊਂਟ ਬੈਨ ਕਰ ਦਿੱਤੇ ਸਨ

ਨਵੇਂ ਆਈਟੀ ਨਿਯਮ ਦੇ ਤਹਿਤ, ਐਲੋਨ ਮਸਕ ਦੀ ਕੰਪਨੀ ਟਵਿੱਟਰ ਨੇ 26 ਅਪ੍ਰੈਲ ਤੋਂ 25 ਮਈ ਦਰਮਿਆਨ 11 ਲੱਖ ਇੰਡੀਅਨ ਅਕਾਊਂਟਸ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਟਵਿੱਟਰ ਨੇ ਦੁਰਵਿਵਹਾਰ/ਪ੍ਰੇਸ਼ਾਨ, ਬਾਲ ਜਿਨਸੀ ਸ਼ੋਸ਼ਣ, ਨਫ਼ਰਤ ਭਰੇ ਆਚਰਣ, ਸੰਵੇਦਨਸ਼ੀਲ ਬਾਲਗ ਸਮੱਗਰੀ, ਮਾਣਹਾਨੀ ਵਰਗੇ ਮੁੱਦਿਆਂ 'ਤੇ ਕਾਰਵਾਈ ਕੀਤੀ। ਕੰਪਨੀ ਨੇ ਇਸ ਦੌਰਾਨ ਅੱਤਵਾਦ ਨਾਲ ਜੁੜੇ ਕੁੱਲ 11,32,228 ਖਾਤਿਆਂ ਅਤੇ 1,843 ਖਾਤਿਆਂ 'ਤੇ ਪਾਬੰਦੀ ਲਗਾਈ ਸੀ।