Whatsapp New Feature: ਹੁਣ ਬਿਨਾ ਇੰਟਰਨੈੱਟ ਵੀ WhatsApp ‘ਤੇ ਸ਼ੇਅਰ ਕਰ ਸਕੋਗੇ ਫਾਈਲ, ਆ ਰਿਹਾ ਹੈ ਇਹ ਨਵਾਂ ਫੀਚਰ
Whatsapp Latest Update: Meta ਇਕ ਨਵੇਂ ਫੀਚਰ ‘ਤੇ ਕੰਮ ਕਰ ਰਹੀ ਹੈ। ਇਸ ਤਹਿਤ ਵਟਸਐਪ ਯੂਜ਼ਰਸ ਨੂੰ ਇਕ-ਦੂਜੇ ਵਿਚਾਲੇ ਫਾਈਲਾਂ ਟ੍ਰਾਂਸਫਰ ਕਰਨ ਲਈ ਇੰਟਰਨੈੱਟ ਦੀ ਲੋੜ ਨਹੀਂ ਪਵੇਗੀ।
WhatsApp New Feature: ਕਈ ਵਾਰ ਸਾਨੂੰ ਇੱਕ ਦੂਜੇ ਨਾਲ ਫਾਈਲਾਂ ਸਾਂਝੀਆਂ ਕਰਨ ਦੀ ਲੋੜ ਹੁੰਦੀ ਹੈ। ਇਸਦੇ ਲਈ ਲੋਕ ਕਈ ਤਰ੍ਹਾਂ ਦੇ ਸ਼ੇਅਰਿੰਗ ਐਪਸ ਦੀ ਵਰਤੋਂ ਕਰਦੇ ਹਨ। ਅਸੀਂ WhatsApp ਰਾਹੀਂ ਵੀ ਇੱਕ ਦੂਜੇ ਨੂੰ ਫਾਈਲਾਂ ਭੇਜ ਸਕਦੇ ਹਾਂ, ਪਰ ਇਸ ਲਈ ਡੇਟਾ ਦੀ ਲੋੜ ਹੁੰਦੀ ਹੈ। ਪਰ ਹੁਣ ਤੁਸੀਂ ਇੰਟਰਨੈਟ ਤੋਂ ਬਿਨਾਂ ਵੀ WhatsApp ਰਾਹੀਂ ਫਾਈਲਾਂ ਸ਼ੇਅਰ ਕਰ ਸਕੋਗੇ। Meta ਇਕ ਨਵੇਂ ਫੀਚਰ ‘ਤੇ ਕੰਮ ਕਰ ਰਹੀ ਹੈ। ਇਸ ਤਹਿਤ ਵਟਸਐਪ ਯੂਜ਼ਰਸ ਨੂੰ ਇਕ-ਦੂਜੇ ਵਿਚਾਲੇ ਫਾਈਲਾਂ ਟ੍ਰਾਂਸਫਰ ਕਰਨ ਲਈ ਇੰਟਰਨੈੱਟ ਦੀ ਲੋੜ ਨਹੀਂ ਪਵੇਗੀ।
ਹਾਲ ਹੀ ਵਿੱਚ, WhatsApp ਦੇ ਲੈਟੇਸਟ Android ਬੀਟਾ ਵਰਜ਼ਨ’ਤੇ ਇੱਕ ਨਵਾਂ ਫੀਚਰ People Nearby ਦੇਖਿਆ ਗਿਆ ਹੈ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਇਹ ਫੀਚਰ ਬਿਨਾਂ ਇੰਟਰਨੈਟ ਦੇ ਦੋ WhatsApp ਅਕਾਉਂਟਸ ਵਿਚਕਾਰ ਫਾਈਲਾਂ ਨੂੰ ਟ੍ਰਾਂਸਫਰ ਕਰਨ ਦੀ ਸਹੁਲਤ ਦਿੰਦਾ ਹੈ। ਬਿਨਾਂ ਡੇਟਾ ਦੇ ਫਾਈਲਾਂ ਨੂੰ ਸਾਂਝਾ ਕਰਨ ਲਈ, ਤੁਹਾਨੂੰ WhatsApp ਵਿੱਚ ਕੁਝ ਸੈਟਿੰਗਸ ਕਰਨੀਆਂ ਹੋਣਗੀਆਂ, ਜਿਸ ਤੋਂ ਬਾਅਦ ਫਾਈਲ ਨੂੰ ਆਸਾਨੀ ਨਾਲ ਸ਼ੇਅਰ ਕੀਤਾ ਜਾ ਸਕਦਾ ਹੈ।
ਬਗੈਰ ਇੰਟਰਨੈਟ ਡੇਟਾ ਫਾਈਲ ਟ੍ਰਾਂਸਫਰ ਦਾ ਫੀਚਰ
ਵਟਸਐਪ ਅਪਡੇਟਸ ਅਤੇ ਨਵੇਂ ਫੀਚਰਸ ‘ਤੇ ਨਜ਼ਰ ਰੱਖਣ ਵਾਲੇ ਪੋਰਟਲ WABetaInfo ਦੇ ਮੁਤਾਬਕ, ਇਹ ਫੀਚਰ ਵਟਸਐਪ ਐਂਡ੍ਰਾਇਡ ਬੀਟਾ ਵਰਜ਼ਨ 2.24.9.22 ‘ਤੇ ਉਪਲਬਧ ਹੋਵੇਗਾ। ਇੱਥੋਂ ਬਿਨਾਂ ਇੰਟਰਨੈਟ ਕਨੈਕਸ਼ਨ ਦੇ ਫੋਟੋਆਂ, ਵੀਡੀਓ, ਦਸਤਾਵੇਜ਼ ਜਾਂ ਹੋਰ ਫਾਈਲਾਂ ਨੂੰ ਸ਼ੇਅਰ ਕਰਨਾ ਸੰਭਵ ਹੋਵੇਗਾ।
ਹਾਲਾਂਕਿ, ਇਹ ਫੀਚਰ ਉਦੋਂ ਹੀ ਕੰਮ ਕਰੇਗਾ ਜਦੋਂ ਤੁਸੀਂ ਵਟਸਐਪ ਨੂੰ ਜ਼ਰੂਰੀ ਪਰਮਿਸ਼ਨ ਦੇਵੋਗੇ। ਇਸ ਵਿੱਚ ਉਹ ਪਰਮਿਸ਼ਨ ਵੀ ਸ਼ਾਮਲ ਹੈ ਜਿਸ ਦੇ ਤਹਿਤ ਨਜ਼ਦੀਕੀ WhatsApp ਡਿਵਾਈਸ ਤੁਹਾਡੇ WhatsApp ਫੋਨ ਨੂੰ ਲੱਭ ਸਕੋਗੇ।
ਫਾਈਲ ਟ੍ਰਾਂਸਫਰ ਵਿੱਚ ਐਂਡ-ਟੂ-ਐਂਡ ਐਨਕ੍ਰਿਪਸ਼ਨ
ਨਵੇਂ ਫੀਚਰ ‘ਚ ਤੁਹਾਨੂੰ ਮੀਡੀਆ ਫਾਈਲਾਂ, ਲੋਕੇਸ਼ਨ ਅਤੇ ਡਿਵਾਈਸ ਆਦਿ ਨੂੰ ਕਨੈਕਟ ਕਰਨ ਦੀ ਇਜਾਜ਼ਤ ਵੀ ਦੇਣੀ ਹੋਵੇਗੀ। ਯੂਜ਼ਰਸ ਨੂੰ ਇਹ ਸਹੂਲਤ ਹੋਵੇਗੀ ਕਿ ਉਹ ਜਦੋਂ ਚਾਹੁਣ ਤਾਂ ਇਨ੍ਹਾਂ ਪਰਮਿਸ਼ਨਸ ਨੂੰ ਰੱਦ ਕਰ ਸਕਦੇ ਹਨ। ਖਾਸ ਗੱਲ ਇਹ ਹੈ ਕਿ ਪੀਪਲਜ਼ ਨਿਅਰਬਾਈ ਫੀਚਰ ਦੇ ਤਹਿਤ ਟਰਾਂਸਫਰ ਕੀਤੀਆਂ ਗਈਆਂ ਫਾਈਲਾਂ ਐਂਡ-ਟੂ-ਐਂਡ ਐਨਕ੍ਰਿਪਟਡ ਰਹਿਣਗੀਆਂ। ਮਤਲਬ WhatsApp ਤੁਹਾਡੀ ਨਿੱਜਤਾ ਦਾ ਪੂਰਾ ਧਿਆਨ ਰੱਖੇਗਾ।
ਨਹੀਂ ਨਜ਼ਰ ਆਵੇਗਾ ਫੋਨ ਨੰਬਰ
ਵਟਸਐਪ ਫਾਈਲ ਸ਼ੇਅਰਿੰਗ ਦੌਰਾਨ ਫੋਨ ਨੰਬਰ ਲੁਕਿਆ ਰਹੇਗਾ, ਕਿਸੇ ਨੂੰ ਦਿਖਾਈ ਨਹੀਂ ਦੇਵੇਗਾ। ਇਹ ਫੀਚਰ ਕਵਿੱਕ ਸ਼ੇਅਰ ਦੀ ਤਰ੍ਹਾਂ ਹੀ ਕੰਮ ਕਰੇਗਾ। ਵਰਤਮਾਨ ਵਿੱਚ, ਇਹ ਵਿਸ਼ੇਸ਼ਤਾ ਟੈਸਟਿੰਗ ਪੜਾਅ ਵਿੱਚ ਹੈ, ਅਤੇ ਸਿਰਫ ਚੁਣੇ ਹੋਏ ਲੋਕ ਹੀ ਇਸਦੀ ਵਰਤੋਂ ਕਰ ਸਕਦੇ ਹਨ। ਟੈਸਟਿੰਗ ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ, WhatsApp ਆਮ ਯੂਜ਼ਰਸ ਲਈ ਇਸ ਫੀਚਰ ਨੂੰ ਜਾਰੀ ਕਰ ਸਕਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
