ਕੋਰੋਨਾ ਮਹਾਮਾਰੀ ਨੇ ਹੇਮਕੁੰਟ ਯਾਤਰਾ 'ਤੇ ਵੀ ਪਾਇਆ ਅਸਰ

#Hemkundsahib #Coronaimpact #Pilgrim

ਗੁਰਦੁਆਰਾ ਸ਼੍ਰੀ ਹੇਮਕੁੰਟ ਸਾਹਿਬ ਦੀ ਅੱਜ ਤਿੰਨ ਮਹੀਨੇ ਤੋਂ ਬਾਅਦ ਯਾਤਰਾ ਸ਼ੁਰੂ ਹੋ ਗਈ ਤੇ ਕਪਾਟ ਖੋਲ੍ਹ ਦਿੱਤੇ ਗਏ। ਹੇਮਕੁੰਟ ਸਾਹਿਬ ਦੀ ਯਾਤਰਾ ਲਈ ਪਹਿਲਾ ਪੜਾਅ ਗੋਬਿੰਦ ਘਾਟ ਹੁੰਦਾ ਹੈ ਜਿੱਥੋਂ ਦੀ ਜਥਾ ਅਰਦਾਸ ਕਰਕੇ ਗੋਬਿੰਦ ਧਾਮ ਵੱਲ ਰਵਾਨਾ ਹੁੰਦਾ ਹੈ। ਉਸੇ ਮਰਿਆਦਾ ਅਨੁਸਾਰ ਕੱਲ੍ਹ ਜਥਾ ਜੈਕਾਰਿਆਂ ਦੀ ਗੂੰਜ ਨਾਲ ਯਾਤਰਾ 'ਤੇ ਰਵਾਨਾ ਹੋਇਆ। ਪਹਿਲਾਂ ਬੇਸ਼ੱਕ ਇਸ ਯਾਤਰਾ 'ਤੇ ਸ਼ਰਧਾਲੂਆਂ ਦੀ ਗਿਣਤੀ ਹਜ਼ਾਰਾਂ ਬੱਧੀ ਹੁੰਦੀ ਸੀ ਪਰ ਇਸ ਵਾਰ ਇਹ ਗਿਣਤੀ 100 ਦੇ ਕਰੀਬ ਹੀ ਰਹੀ। ਵਿਸ਼ਵਵਿਆਪੀ ਮਹਾਮਾਰੀ ਕੋਰੋਨਾ ਕਾਰਨ ਇਹ ਯਾਤਰਾ ਇਸ ਵਾਰ ਕਰੀਬ 3 ਮਹੀਨੇ ਦੇਰੀ ਨਾਲ ਸ਼ੁਰੂ ਹੋਈ। ਉੱਤਰਾਖੰਡ ਸਰਕਾਰ ਤੇ ਪ੍ਰਸ਼ਾਸਨ ਵੱਲੋਂ ਵੀ ਇਸ ਵਾਰ ਨਿਯਮ ਕਾਫੀ ਸਖਤ ਕੀਤੇ ਗਏ ਹਨ।