ਸੋਨੇ ਦੀਆਂ ਕੀਮਤਾਂ ਵਧੀਆਂ, ਜਾਣੋ ਅੱਜ ਸੋਨੇ ਦਾ ਭਾਅ

ਸੋਨੇ ਬਾਰੇ ਮਾਹਿਰ ਮੰਨਦੇ ਹਨ ਕਿ ਇਸ ਵਿੱਚ ਨਿਵੇਸ਼ ਕਰਨਾ ਚੰਗਾ ਵਿਕਲਪ ਸਾਬਤ ਹੋ ਸਕਦਾ ਹੈ ਤੇ ਲੋਕ ਸੋਨੇ ਦੀਆਂ ਈਟੀਐਫ ਵੀ ਖਰੀਦ ਸਕਦੇ ਹਨ।

ਸੰਕੇਤਕ ਤਸਵੀਰ

ਨਵੀਂ ਦਿੱਲੀ: ਸੋਨੇ ਬਾਰੇ ਮਾਹਰਾਂ ਦੇ ਵਿਚਾਰ ਇੱਕ ਵਾਰ ਫਿਰ ਤੇਜ਼ੀ ਵੱਲ ਵਧ ਗਏ ਹਨ। ਲਗਾਤਾਰ ਕਈ ਦਿਨਾਂ ਤੋਂ ਸੋਨੇ ਦੀ ਗਿਰਾਵਟ ਨੂੰ ਵੇਖਣ ਤੋਂ ਬਾਅਦ, ਹੁਣ ਇਸ ਦੀ ਕੀਮਤ ਵਾਪਸ ਵਧ ਰਹੀ ਹੈ। ਸੋਨੇ ਦੇ ਸਪਾਟ ਮਾਰਕੀਟ 'ਤੇ ਮੰਗਲਵਾਰ ਨੂੰ ਕਾਰੋਬਾਰ ਬੰਦ ਹੋਇਆ ਸੀ, ਪਰ ਫਿਊਚਰਜ਼ ਮਾਰਕੀਟ ‘ਚ ਕਾਰੋਬਾਰ ਹੋਇਆ ਤੇ ਇਸ ‘ਚ ਚੰਗੀ ਤੇਜ਼ੀ ਦੇਖਣ ਨੂੰ ਮਿਲੀ।

ਭਾਰਤੀ ਬਾਜ਼ਾਰ ‘ਚ ਫਿਰ ਚੜ੍ਹਿਆ ਸੋਨਾ: ਭਾਰਤ ‘ਚ ਸੋਨੇ ਦੀ ਕੀਮਤ ‘ਚ ਭਾਰੀ ਤੇਜ਼ੀ ਆਈ ਹੈ ਤੇ ਜੇ ਤੁਸੀਂ ਅੱਜ ਸਵੇਰੇ ਸੋਨੇ ਦੇ ਐਮਸੀਐਕਸ ਦੀ ਕੀਮਤ ਨੂੰ ਵੇਖਦੇ ਹੋ, ਤਾਂ ਇਹ 40973 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਸੀ ਤੇ ਇਸ ‘ਚ 442 ਰੁਪਏ ਦੀ ਤੇਜ਼ੀ ਦੇਖਣ ਨੂੰ ਮਿਲੀ।

ਅੰਤਰਰਾਸ਼ਟਰੀ ਮਾਰਕੀਟ ‘ਚ ਸੋਨੇ ਦੀ ਕੀਮਤ: ਗਲੋਬਲ ਬਾਜ਼ਾਰ ‘ਚ ਸੋਨੇ ਦੀਆਂ ਕੀਮਤਾਂ ਇੱਕ 1611 ਡਾਲਰ ਤੋਂ ਉਪਰ ਆ ਗਈਆਂ ਹੈ ਤੇ ਅੱਜ ਸੋਨਾ 1611.98 ਡਾਲਰ ਪ੍ਰਤੀ ਔਂਸ 'ਤੇ ਕਾਰੋਬਾਰ ਕਰ ਰਿਹਾ ਹੈ ਅਤੇ ਇਸ ‘ਚ ਵਾਧਾ ਦੇਖਣ ਨੂੰ ਮਿਲਿਆ ਹੈ। ਇਸ ਤੋਂ ਇਲਾਵਾ ਅੱਜ ਚਾਂਦੀ ਦੀਆਂ ਕੀਮਤਾਂ ‘ਚ ਵੀ ਵਾਧਾ ਹੋਇਆ ਹੈ।