ਮੇਰੇ ਘਰ ਅਤੇ ਬੈਂਕ ਲਾਕਰ ਚੋਂ ਕੁਝ ਨਹੀਂ ਮਿਲਿਆ- Sisodia

Manish Sisodia ਨੇ CBI ਦੀ ਛਾਪੇਮਾਰੀ 'ਤੇ ਸਵਾਲ ਉਠਾਉਂਦੇ ਹੋਏ ਕਿਹਾ ਕਿ ਫਿਰ ਐਫਆਈਆਰ 'ਚ ਲਿਖਿਆ ਸੀ ਕਿ ਕਿਸੇ ਕੰਪਨੀ ਨੂੰ ਪੈਸੇ ਦਿੱਤੇ, ਇਹ ਪੈਸਾ ਮਨੀਸ਼ ਸਿਸੋਦੀਆ ਦਾ ਕਿਵੇਂ ਹੋ ਗਿਆ? ਉਨ੍ਹਾਂ (BJP) ਦੇ ਸਾਰੇ ਸਵਾਲ ਮਨਘੜਤ ਹਨ। ਮੈਂ ਆਪਣੇ ਘਰ ਸੀਬੀਆਈ ਦਾ ਸਵਾਗਤ ਕੀਤਾ। ਮੇਰੇ ਘਰ 'ਤੇ 14 ਘੰਟੇ ਤੱਕ ਸੀਬੀਆਈ ਦੀ ਛਾਪੇਮਾਰੀ ਹੋਈ, ਜਿਸ ਦੌਰਾਨ ਉਨ੍ਹਾਂ ਨੇ ਜੋ ਕੁਝ ਪੁੱਛਿਆ, ਮੈਂ ਸਭ ਕੁਝ ਦੱਸ ਦਿੱਤਾ। ਜੇਪੀ ਨੱਡਾ ਜੇਕਰ ਤੁਸੀਂ ਮੇਰੀ ਗੱਲ ਨਹੀਂ ਸਮਝਦੇ ਤਾਂ ਤੁਸੀਂ CBI ਨੂੰ ਪੁੱਛ ਲਿਓ। ਤੁਸੀਂ ਆਪਣੀ ਸੀਬੀਆਈ 'ਤੇ ਵੀ ਭਰੋਸਾ ਨਹੀਂ ਕਰ ਰਹੇ? ਸੀਬੀਆਈ ਵਾਲੇ ਇਹ ਵੀ ਕਹਿ ਰਹੇ ਹਨ ਕਿ ਉਨ੍ਹਾਂ ਨੇ ਪੂਰੇ ਘਰ ਦੀ ਤਲਾਸ਼ੀ ਲਈ, ਕੁੱਲ ਮਿਲਾ ਕੇ ਘਰ 'ਚੋਂ ਛੋਟੇ ਬੱਚੇ ਦੇ ਪੈਸੇ ਮਿਲੇ, ਪਤਨੀ ਦੇ ਗਹਿਣੇ ਮਿਲੇ। ਕੁੱਲ ਮਿਲਾ ਕੇ 70-80 ਹਜ਼ਾਰ ਦਾ ਸਾਮਾਨ ਮਿਲਿਆ ਹੈ। ਮੈਨੂੰ ਕਲੀਨ ਚਿੱਟ ਮਿਲ ਗਈ ਹੈ।