ਹਿਮਾਚਲ 'ਚ ਮੌਨਸੂਨ ਨੇ ਮਚਾਈ ਭਾਰੀ ਤਬਾਹੀ,ਮੌਨਸੂਨ ਬਾਰਸ਼ ਕਾਰਨ ਹੁਣ ਤੱਕ 78 ਲੋਕਾਂ ਦੀ ਮੌਤ

ਹਿਮਾਚਲ 'ਚ ਮੌਨਸੂਨ ਨੇ ਮਚਾਈ ਭਾਰੀ ਤਬਾਹੀ,ਮੌਨਸੂਨ ਬਾਰਸ਼ ਕਾਰਨ ਹੁਣ ਤੱਕ 78 ਲੋਕਾਂ ਦੀ ਮੌਤ

ਪਹਾੜੀ ਰਾਜ ਹਿਮਾਚਲ 'ਚ ਮੌਨਸੂਨ ਦੇ ਸ਼ੁਰੂਆਤੀ ਦੌਰ 'ਚ ਜਾਨ-ਮਾਲ ਦਾ ਭਾਰੀ ਨੁਕਸਾਨ ਹੋਇਆ ਹੈ। ਜੁਲਾਈ ਦੇ ਸ਼ੁਰੂ 'ਚ ਹੋਈ ਮੌਨਸੂਨ ਬਾਰਸ਼ ਕਾਰਨ ਹੁਣ ਤੱਕ 78 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ 104 ਲੋਕ ਜ਼ਖਮੀ ਹੋਏ ਹਨ। 150 ਕਰੋੜ ਤੋਂ ਵੱਧ ਦੀ ਜਾਇਦਾਦ ਪਾਣੀ ਨਾਲ ਲੈ ਗਈ ਹੈ। ਸਭ ਤੋਂ ਵੱਧ ਨੁਕਸਾਨ ਲੋਕ ਨਿਰਮਾਣ ਵਿਭਾਗ ਦਾ ਹੋਇਆ ਹੈ। ਇਸ ਦੌਰਾਨ 62 ਪਸ਼ੂ-ਪੰਛੀਆਂ ਦੀ ਵੀ ਮੌਤ ਹੋ ਗਈ। ਮੀਂਹ ਕਾਰਨ 100 ਤੋਂ ਵੱਧ ਘਰਾਂ ਅਤੇ ਦੁਕਾਨਾਂ ਨੂੰ ਨੁਕਸਾਨ ਪੁੱਜਾ ਹੈ। 62 ਗਊਸ਼ਾਲਾ ਰੁੜ੍ਹ ਗਈ। 78 ਮੌਤਾਂ ਵਿੱਚੋਂ ਸਭ ਤੋਂ ਵੱਧ 50 ਮੌਤਾਂ ਵਾਹਨ ਹਾਦਸਿਆਂ ਕਾਰਨ ਹੋਈਆਂ। 8 ਮੌਤਾਂ ਸੱਪ ਦੇ ਡੰਗਣ ਕਾਰਨ, 3 ਮੌਤਾਂ ਬਿਜਲੀ ਦਾ ਕਰੰਟ ਲੱਗਣ ਨਾਲ ਅਤੇ ਬਾਕੀ ਹੜ੍ਹਾਂ ਜਾਂ ਲੈਂਡ ਸਲਾਈਡ ਕਾਰਨ ਹੋਈਆਂ। ਕਈ ਥਾਵਾਂ 'ਤੇ ਮੀਂਹ ਨੇ ਕਹਿਰ ਵਿਖਾਇਆ।