Noida ਦੇ Twin Tower 3700 ਕਿਲੋ ਬਾਰੂਦ ਨਾਲ ਹੋਣਗੇ ਤਬਾਹ, ਸਿਰਫ 12 ਤੋਂ 13 ਸਕਿੰਟਾਂ 'ਚ ਢਹਿ-ਢੇਰੀ

Noida ਦੇ Twin Tower 3700 ਕਿਲੋ ਬਾਰੂਦ ਨਾਲ ਹੋਣਗੇ ਤਬਾਹ, ਸਿਰਫ 12 ਤੋਂ 13 ਸਕਿੰਟਾਂ 'ਚ ਢਹਿ-ਢੇਰੀ

Noida Twin Tower: ਅੱਜ 28 ਅਗਸਤ ਨੂੰ ਨੋਇਡਾ ਸਥਿਤ ਟਵਿਨ ਟਾਵਰ ਦੀ 32 ਮੰਜ਼ਿਲਾ ਇਮਾਰਤ ਨੂੰ ਢਾਹ ਦਿੱਤਾ ਜਾਵੇਗਾ ਜਿਸ ਲਈ ਤਿਆਰੀ ਪੂਰੀ ਕਰ ਲਈ ਗਈ ਹੈ। ਕੰਟਰੋਲਡ ਇੰਪਲੋਜ਼ਨ ਤਕਨੀਕ (Controlled Implosion Technique) ਨਾਲ ਇਹ ਟਵਿਨ ਟਾਵਰ ਤਬਾਹ ਕੀਤਾ ਜਾਵੇਗਾ। ਹਾਸਲ ਜਾਣਕਾਰੀ ਮੁਤਾਬਕ ਬਲਾਸਟ ਕਰਨ ਤੋਂ ਬਾਅਦ ਟਵਿਨ ਟਾਵਰ ਨੌਂ ਸਕਿੰਟਾਂ ਦੇ ਅੰਦਰ ਢੇਰੀ ਹੋ ਜਾਵੇਗਾ। ਪ੍ਰਸ਼ਾਸਨ ਨੇ ਸੁਪਰਟੈਕ ਟਵਿਨ ਟਾਵਰ ਨੂੰ ਢਾਹੁਣ ਲਈ ਪੂਰੀ ਤਿਆਰੀ ਕਰ ਲਈ ਹੈ।

ਨੋਇਡਾ ਅਥਾਰਟੀ ਨੇ ਸੁਪਰੀਮ ਕੋਰਟ ਤੋਂ ਮੰਗਿਆ ਸੀ ਸਮਾਂ 
ਦੱਸ ਦੇਈਏ ਕਿ ਇਹ ਸਾਰਾ ਮਾਮਲਾ ਨੋਇਡਾ ਦੇ ਸੁਪਰਟੈਕ ਐਮਰਾਲਡ ਕੋਰਟ ਦੇ 40 ਮੰਜ਼ਿਲਾ ਟਾਵਰ ਦਾ ਹੈ ਜਿਸ ਨੂੰ ਗੈਰ-ਕਾਨੂੰਨੀ ਕਰਾਰ ਦਿੱਤਾ ਗਿਆ ਹੈ। ਸੁਪਰੀਮ ਕੋਰਟ ਨੇ ਹੁਣ ਦੋਵੇਂ ਟਾਵਰਾਂ ਨੂੰ ਢਾਹੁਣ ਲਈ 4 ਸਤੰਬਰ ਤੱਕ ਦਾ ਵਾਧੂ ਸਮਾਂ ਦਿੱਤਾ ਸੀ। 

ਬਿਲਡਿੰਗ ਦੇ ਆਲੇ ਦੁਆਲੇ ਐਂਟਰੀ ਨਹੀਂ 
ਸੁਪਰਟੈੱਕ ਟਵਿਨ ਟਾਵਰਾਂ ਨੂੰ ਗਿਰਾਉਣ ਲਈ ਕੁੱਲ 3700 ਕਿਲੋਗ੍ਰਾਮ ਭਾਰੀ ਵਿਸਫੋਟਕਾਂ ਦੀ ਵਰਤੋਂ ਕੀਤੀ ਜਾਵੇਗੀ। ਇਸ ਦੇ ਨਾਲ ਹੀ ਦੋਵਾਂ ਟਾਵਰਾਂ 'ਚ ਵਿਸਫੋਟਕ ਲਗਾਉਣ ਦੇ 10 ਹਜ਼ਾਰ ਸੁਰਾਗ ਕੀਤੇ ਗਏ ਹਨ। ਜਦੋਂਕਿ ਇਮਾਰਤ ਦੇ ਆਲੇ-ਦੁਆਲੇ ਦੇ ਖੇਤਰ ਵਿੱਚ ਸੀਸੀਟੀਵੀ ਨਿਗਰਾਨੀ ਸਿਸਟਮ ਲਗਾਇਆ ਗਿਆ ਹੈ, ਤਾਂ ਜੋ ਇੱਥੇ ਨਿਗਰਾਨੀ ਰੱਖੀ ਜਾ ਸਕੇ। ਇਸ ਦੇ ਨਾਲ ਹੀ ਟਵਿਨ ਟਾਵਰ ਦੇ ਆਸ-ਪਾਸ ਕਿਸੇ ਵੀ ਵਿਅਕਤੀ ਨੂੰ ਬਿਨਾਂ ਮਨਜ਼ੂਰੀ ਦੇ ਇਮਾਰਤ ਵਿੱਚ ਦਾਖਲ ਹੋਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।