ਪੰਜਾਬ ਸਰਕਾਰ ਦੇ ਬੰਪਰ ਝੋਨੇ ਦੇ ਦਾਅਵਿਆਂ 'ਤੇ ਖੜੇ ਹੋਏ ਸਵਾਲ

ਇਸ ਸਾਲ ਕਿਸਾਨਾਂ ਨੇ ਕਮਾਲ ਕਰ ਦਿੱਤੀ ਹੈ। ਇਸ ਵਾਰ ਝੋਨੇ ਦੀ ਬਿਜਾਈ ਤਾਂ ਘੱਟ ਹੋਈ ਪਰ ਫਸਲ ਪਿਛਲੇ ਸਾਲ ਨਾਲੋਂ ਵੀ ਵੱਧ। ਕਿਸਾਨਾਂ ਨੇ ਇਸ ਸਾਲ ਤਕਰੀਬਨ 2 ਲੱਖ ਹੈਕਟੇਅਰ ਘੱਟ ਜ਼ਮੀਨ ਤੇ ਝੋਨੇ ਦੀ ਬਿਜਾਈ ਕੀਤੀ ਪਰ ਫਸਲ ਦਾ ਝਾੜ ਇਸ ਵਾਰ ਪਿਛਲੇ ਸਾਲ ਦੇ ਮੁਕਾਬਲੇ 26 ਫੀਸਦ ਜ਼ਿਆਦਾ ਹੈ। ਇਸ ਦੌਰਾਨ ਵਿਰੋਧੀ ਪਾਰਟੀਆਂ ਤੇ ਕਿਸਾਨ ਕੈਪਟਨ ਸਰਕਾਰ ਨੂੰ ਘੇਰ ਰਹੀਆਂ ਹਨ। ਉਨ੍ਹਾਂ ਦਾ ਇਲਜ਼ਾਮ ਹੈ ਕਿ ਪੰਜਾਬ ਦੀਆਂ ਮੰਡੀਆਂ ਵਿੱਚ ਦੂਜੇ ਰਾਜਾਂ ਤੋਂ ਲਿਆਂਦਾ ਗਿਆ ਸਸਤਾ ਝੋਨਾ ਮਹਿੰਗੇ ਭਾਅ ਤੇ ਵੇਚਿਆ ਗਿਆ ਹੈ।