ਭਾਰਤੀ ਕੁੜੀ ਕਰੇਗੀ ਤਾਰਿਆਂ ਦੀ ਸੈਰ

ਉਸ ਨੇ ਯੂਨੀਵਰਸਿਟੀ ਆਫ ਐਲਬਰਟਾ ਤੋਂ ਨਿਊਰੋ ਸਾਇੰਸ ਵਿੱਚ ਬੀਐਸਸੀ ਤੋਂ ਬਾਅਦ ਇੰਟਰਨੈਸ਼ਨਲ ਸਪੇਸ ਯੂਨੀਵਰਸਿਟੀ ਤੋਂ ਸਪੇਸ ਸਾਇੰਸ ਵਿੱਚ ਐਮਐਸਸੀ ਅਤੇ ਫਿਰ ਮੈਡੀਸਿਨ ਵਿੱਚ ਐਮਡੀ ਕੀਤੀ। ਇਸੇ ਦੌਰਾਨ ਮੈਡੀਕਲ ਸਕੂਲ ਅਤੇ ਸਪੇਸ ਪ੍ਰੋਗਰਾਮ ਲਈ ਅਪਲਾਈ ਵੀ ਕੀਤਾ

ਸ਼ਾਵਨਾ ਦਾ ਜਨਮ ਕੈਨੇਡਾ ਵਿੱਚ ਹੋਇਆ। ਹਾਲਾਂਕਿ ਉਸ ਦਾ ਪਰਿਵਾਰ ਫਿਲਹਾਲ ਮੁੰਬਈ ਵਿੱਚ ਰਹਿੰਦਾ ਹੈ।

ਮੀਡੀਆ ਨਾਲ ਗੱਲਬਾਤ ਦੌਰਾਨ ਸ਼ਾਵਨਾ ਨੇ ਕਿਹਾ ਕਿ ਉਹ ਬਚਪਨ ਤੋਂ ਹੀ ਸੁਪਰ ਹੀਰੋ ਅਤੇ ਪੁਲਾੜ ਯਾਤਰੀ ਬਣਨਾ ਚਾਹੁੰਦੀ ਸੀ। ਉਸ ਦਾ ਕਹਿਣਾ ਹੈ ਕਿ ਸਾਡੇ ਵਿਦਿਆਰਥੀਆਂ ਵਿੱਚ ਕਾਫ਼ੀ ਪ੍ਰਤਿਭਾ ਹੈ, ਪਰ ਇਸ ਨੂੰ ਕਿਵੇਂ ਬਾਹਰ ਲੈ ਕੇ ਆਉਣਾ ਹੈ, ਉਹ ਨਹੀਂ ਜਾਣਦੇ ਹਨ।

ਸ਼ਾਵਨਾ 3200 ਲੋਕਾਂ ਵਿੱਚੋਂ ਚੁਣੇ ਗਏ ਦੋ ਉਮੀਦਵਾਰਾਂ ਵਿੱਚ ਸ਼ਾਮਲ ਹੈ, ਜਿਨ੍ਹਾਂ ਨੂੰ ਸਿਟੀਜ਼ਨ ਸਾਇੰਸ ਐਸਟਰੋਨਾਟ (ਸੀਐਸਏ) ਪ੍ਰੋਗਰਾਮ ਤਹਿਤ ਪੁਲਾੜ ਵਿੱਚ ਜਾਣ ਦਾ ਮੌਕਾ ਮਿਲੇਗਾ।

ਸ਼ਾਵਨਾ ਪਾਂਡੇ ਪੁਲਾੜ ਮਿਸ਼ਨਾਂ ਲਈ ਕਾਫੀ ਸਮੇਂ ਤੋਂ ਤਿਆਰੀ ਕਰ ਰਹੀ ਹੈ।