Viral News: ਦੁਨੀਆ ਦੀ ਅਜਿਹੀ ਥਾਂ ਜਿੱਥੇ ਕੋਈ ਨਿਯਮ-ਕਾਨੂੰਨ ਕੰਮ ਨਹੀਂ ਕਰਦਾ, ਨਾ ਹੀ ਇੱਥੇ ਸਰਕਾਰ ਨਾਂ ਦੀ ਕੋਈ ਚੀਜ਼
Where There Is No Laws: ਕਿਹਾ ਜਾਂਦਾ ਹੈ ਕਿ ਦੁਨੀਆ ਕਾਨੂੰਨ ਨਾਲ ਹੀ ਚੱਲ਼ਦੀ ਹੈ। ਇਹ ਵੀ ਕਿਹਾ ਜਾਂਦਾ ਹੈ ਕਿ ਹਰ ਜਗ੍ਹਾ ਕਾਨੂੰਨ ਦੋ ਤਰ੍ਹਾਂ ਦੇ ਹੁੰਦੇ ਹਨ, ਇੱਕ ਅਮੀਰਾਂ ਲਈ ਤੇ ਇੱਕ ਗਰੀਬਾਂ ਲਈ। ਚਾਹੇ ਕੁਝ ਵੀ ਹੋਏ ਪਰ ਦੁਨੀਆ ਦੇ ਹਰ...
Where There Is No Laws: ਕਿਹਾ ਜਾਂਦਾ ਹੈ ਕਿ ਦੁਨੀਆ ਕਾਨੂੰਨ ਨਾਲ ਹੀ ਚੱਲ਼ਦੀ ਹੈ। ਇਹ ਵੀ ਕਿਹਾ ਜਾਂਦਾ ਹੈ ਕਿ ਹਰ ਜਗ੍ਹਾ ਕਾਨੂੰਨ ਦੋ ਤਰ੍ਹਾਂ ਦੇ ਹੁੰਦੇ ਹਨ, ਇੱਕ ਅਮੀਰਾਂ ਲਈ ਤੇ ਇੱਕ ਗਰੀਬਾਂ ਲਈ। ਚਾਹੇ ਕੁਝ ਵੀ ਹੋਏ ਪਰ ਦੁਨੀਆ ਦੇ ਹਰ ਦੇਸ਼ ਵਿੱਚ ਆਪਣੇ-ਆਪਣੇ ਕਾਨੂੰਨ ਹਨ।
ਇੱਥੋਂ ਤੱਕ ਕਿ ਕੁਝ ਕੌਮਾਂਤਰੀ ਕਾਨੂੰਨ ਵੀ ਹਨ ਪਰ ਕਦੇ ਤੁਸੀਂ ਸੋਚਿਆ ਅਜਿਹੀ ਥਾਂ ਵੀ ਹੈ ਜਿੱਥੇ ਕੋਈ ਕਾਨੂੰਨ ਲਾਗੂ ਨਹੀਂ ਹੁੰਦਾ। ਜੀ ਹਾਂ ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੀ ਥਾਂ ਦੇ ਬਾਰੇ ਦੱਸਣ ਜਾ ਰਹੇ ਹਾਂ ਜਿੱਥੇ ਕੋਈ ਵੀ ਨਿਯਮ ਜਾਂ ਕਾਨੂੰਨ ਨਹੀਂ। ਧਰਤੀ ਦੇ ਇਸ ਸ਼ਹਿਰ 'ਚ ਰਹਿਣ ਵਾਲੇ ਲੋਕ ਕਿਸੇ ਵੀ ਤਰ੍ਹਾਂ ਦੇ ਬੰਧਨ 'ਚ ਨਹੀਂ ਹਨ, ਉਹ ਪੂਰੀ ਤਰ੍ਹਾਂ ਆਜ਼ਾਦ ਹਨ।
ਦੱਸ ਦੇਈਏ ਕਿ ਇਸ ਥਾਂ ਦਾ ਨਾਂ ਸਲੈਬ ਸਿਟੀ ਹੈ ਤੇ ਚੈਨਲ-5 ਲਈ ਡਾਕੂਮੈਂਟਰੀ ਬਣਾ ਰਹੇ ਬੈਨ ਫੋਗਲੇ ਟੀਵੀ ਚੈਨਲ ਦੇ ਹੋਸਟ ਨੇ ਆਪਣੇ ਪ੍ਰੋਗਰਾਮ 'ਚ ਇਸ ਜਗ੍ਹਾ ਬਾਰੇ ਦੱਸਿਆ। ਅਮਰੀਕਾ ਦੇ ਕੈਲੀਫ਼ੋਰਨੀਆ 'ਚ ਇਸ ਥਾਂ 'ਤੇ ਕੋਈ ਨਿਯਮ-ਕਾਨੂੰਨ ਕੰਮ ਨਹੀਂ ਕਰਦਾ ਹੈ ਤੇ ਨਾ ਹੀ ਸਰਕਾਰ ਨਾਂ ਦੀ ਕੋਈ ਚੀਜ਼ ਹੈ। ਨਾਲ ਹੀ ਮਾਰੂਥਲ ਖੇਤਰ 'ਚ ਬਣੇ ਇਸ ਸ਼ਹਿਰ 'ਚ ਨਾ ਤਾਂ ਪਾਣੀ ਦਾ ਕੋਈ ਪ੍ਰਬੰਧ ਹੈ ਤੇ ਨਾ ਹੀ ਗੈਸ ਜਾਂ ਬਿਜਲੀ ਦਾ। ਇੱਥੇ ਬੰਦੂਕਾਂ ਤੇ ਨਸ਼ਾ ਆਮ ਗੱਲ ਹੈ, ਕਿਉਂਕਿ ਇਨ੍ਹਾਂ ਨੂੰ ਰੋਕਣ ਵਾਲਾ ਕੋਈ ਨਹੀਂ ਹੈ। ਇੱਥੇ ਮੌਜੂਦ ਜ਼ਿਆਦਾਤਰ ਲੋਕ ਜਾਂ ਤਾਂ ਕਾਨੂੰਨ ਦੇ ਭਗੌੜੇ ਹਨ ਜਾਂ ਉਹ ਕਿਸੇ ਨਾ ਕਿਸੇ ਮਾਨਸਿਕ ਸਮੱਸਿਆ ਤੋਂ ਪੀੜ੍ਹਤ ਹਨ।
ਜਾਣਕਾਰੀ ਅਨੁਸਾਰ ਦੂਜੇ ਵਿਸ਼ਵ ਯੁੱਧ ਦੌਰਾਨ ਅਮਰੀਕੀ ਸੈਨਿਕਾਂ ਵੱਲੋਂ ਟ੍ਰੇਨਿੰਗ ਲਈ ਬਣਾਈ ਗਈ ਇਸ ਜਗ੍ਹਾ ਨੂੰ ਸਾਲ 1956 'ਚ ਢਾਹ ਦਿੱਤਾ ਗਿਆ ਸੀ, ਜਿਸ ਕਾਰਨ ਇਹ ਮਲਬੇ 'ਚ ਤਬਦੀਲ ਹੋ ਗਈ ਸੀ। ਇਸ ਥਾਂ ਨੂੰ ਹੌਲੀ-ਹੌਲੀ ਘੁਮੱਕੜਾਂ ਤੇ ਸਾਬਕਾ ਫ਼ੌਜੀਆਂ ਨੇ ਆਪਣਾ ਅੱਡਾ ਬਣ ਲਿਆ। ਬੇਨ ਫੋਗਲੇ ਅਨੁਸਾਰ ਇਸ ਥਾਂ ਦੇ ਲੋਕਾਂ ਨੂੰ ਦੁਨੀਆਂ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਉਨ੍ਹਾਂ ਕੋਲ ਨਾ ਤਾਂ ਕੋਈ ਘੜੀ ਹੈ, ਜਿਸ ਨਾਲ ਉਹ ਸਮਾਂ ਦੇਖ ਸਕਣ ਤੇ ਨਾ ਹੀ ਕੋਈ ਕੈਲੰਡਰ ਜਿਸ ਨਾਲ ਉਹ ਦਿਨ, ਸਾਲ ਜਾਂ ਮਹੀਨਾ ਜਾਣ ਸਕਣ।
ਇਹ ਵੀ ਪੜ੍ਹੋ: Weird News: ਦੁਨੀਆਂ ਦੇ ਰਹੱਸਮਈ ਪਿੰਡ 'ਚ ਹਰ ਕੋਈ ਅੰਨ੍ਹਾ, ਇਨਸਾਨ ਤੋਂ ਲੈ ਕੇ ਜਾਨਵਰਾਂ ਤੱਕ ਕੁਝ ਨਹੀਂ ਵੇਖ ਸਕਦੇ
ਉਨ੍ਹਾਂ ਕੋਲ ਟੀਵੀ ਵੀ ਨਹੀਂ, ਜਿਸ ਨਾਲ ਉਹ ਦੁਨੀਆਂ ਦੀਆਂ ਖ਼ਬਰਾਂ ਲੈ ਸਕਣ। ਉਹ ਆਪਣੀ ਮਰਜ਼ੀ ਅਨੁਸਾਰ ਘੁੰਮਦੇ ਹਨ। ਕਈ ਲੋਕ ਅਜੀਬ ਕੱਪੜੇ ਪਹਿਨਦੇ ਰਹਿੰਦੇ ਹਨ। ਇੱਥੇ ਬਹੁਤ ਸਾਰੇ ਲੋਕ ਹਨ ਜੋ ਜੁਰਮ ਕਰਨ ਤੋਂ ਬਾਅਦ ਭੱਜ ਕੇ ਆਏ ਹਨ, ਇਸ ਲਈ ਕੁਝ ਲੋਕ ਇੱਥੇ ਉਹ ਕੰਮ ਕਰਨ ਆਉਂਦੇ ਹਨ ਜੋ ਉਹ ਆਮ ਦੁਨੀਆਂ 'ਚ ਨਹੀਂ ਕਰ ਸਕਦੇ। ਕੁੱਲ ਮਿਲਾ ਕੇ ਉਨ੍ਹਾਂ ਦੀ ਦੁਨੀਆਂ ਆਜ਼ਾਦ ਹੈ, ਪਰ ਇੱਥੇ ਕਾਨੂੰਨ ਦਾ ਨਾ ਹੋਣਾ ਸਭ ਤੋਂ ਵੱਡੀ ਕਮੀ ਹੈ।
ਇਹ ਵੀ ਪੜ੍ਹੋ: Chandigarh News: ਚੰਡੀਗੜ੍ਹ ਵਿੱਚ ਮੁੜ ਕਰੋਨਾ ਦੀ ਐਂਟਰੀ, ਐਡਵਾਈਜ਼ਰੀ ਜਾਰੀ ਕਰਕੇ ਕੀਤਾ ਅਲਰਟ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
