(Source: ECI/ABP News)
ਹਜ਼ਾਰਾਂ ਫੁੱਟ ਜ਼ਮੀਨ ਦੇ ਹੇਠਾਂ ਵੱਸਿਆ ਦੁਨੀਆਂ ਦਾ ਅਨੋਖਾ ਪਿੰਡ, ਬਾਹਰਲੀ ਦੁਨੀਆਂ ਨਾਲ ਨਹੀਂ ਕੋਈ ਰਾਬਤਾ
ਇਹ ਅਦਭੁਤ ਪਿੰਡ ਜ਼ਮੀਨ ਦੀ ਸਤ੍ਹਾ ਤੋਂ ਲਗਪਗ ਸਾਢੇ ਤਿੰਨ ਸੌ ਫੁੱਟ ਹੇਠਾਂ ਸਥਿਤ ਹੈ। ਹੈਰਾਨੀਜਨਕ ਗੱਲ ਇਹ ਹੈ ਕਿ ਇਸ ਪਿੰਡ ਦੇ ਲੋਕ ਜ਼ਮੀਨ ਤੋਂ ਸੈਂਕੜੇ ਫੁੱਟ ਹੇਠਾਂ ਵੀ ਆਮ ਜੀਵਨ ਬਤੀਤ ਕਰ ਰਹੇ ਹਨ।
ਨਵੀਂ ਦਿੱਲੀ: ਦੁਨੀਆ ਵਿੱਚ ਅਜਿਹੀਆਂ ਬਹੁਤ ਸਾਰੀਆਂ ਥਾਵਾਂ ਹਨ ਜਿਨ੍ਹਾਂ ਬਾਰੇ ਸਾਡੇ ਵਿੱਚੋਂ ਬਹੁਤਿਆਂ ਨੂੰ ਅਜੇ ਵੀ ਪਤਾ ਨਹੀਂ। ਇਹ ਸਥਾਨ ਆਪਣੀਆਂ ਖੂਬੀਆਂ ਲਈ ਪੂਰੀ ਦੁਨੀਆ ਵਿੱਚ ਜਾਣੇ ਜਾਂਦੇ ਹਨ। ਇਸ ਕੜੀ ਵਿੱਚ ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੇ ਪਿੰਡ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਜ਼ਮੀਨ 'ਤੇ ਨਹੀਂ ਸਗੋਂ ਜ਼ਮੀਨ ਦੇ ਅੰਦਰ ਸਥਿਤ ਹੈ।
ਜੀ ਹਾਂ, ਤੁਸੀਂ ਸਹੀ ਪੜ੍ਹਿਆ, ਇਹ ਅਦਭੁਤ ਪਿੰਡ ਜ਼ਮੀਨ ਦੀ ਸਤ੍ਹਾ ਤੋਂ ਲਗਪਗ ਸਾਢੇ ਤਿੰਨ ਸੌ ਫੁੱਟ ਹੇਠਾਂ ਸਥਿਤ ਹੈ। ਜੇਕਰ ਇਸ ਨੂੰ ਭੂਮੀਗਤ ਪਿੰਡ ਕਿਹਾ ਜਾਵੇ ਤਾਂ ਇਹ ਗਲਤ ਨਹੀਂ ਹੋਵੇਗਾ। ਹੈਰਾਨੀਜਨਕ ਗੱਲ ਇਹ ਹੈ ਕਿ ਇਸ ਪਿੰਡ ਦੇ ਲੋਕ ਜ਼ਮੀਨ ਤੋਂ ਸੈਂਕੜੇ ਫੁੱਟ ਹੇਠਾਂ ਵੀ ਆਮ ਜੀਵਨ ਬਤੀਤ ਕਰ ਰਹੇ ਹਨ।
ਜਿਸ ਪਿੰਡ ਦੀ ਅਸੀਂ ਗੱਲ ਕਰ ਰਹੇ ਹਾਂ, ਉਹ ਅਮਰੀਕਾ ਵਿੱਚ ਸਥਿਤ ਹੈ, ਜਿਸ ਨੂੰ ਦੁਨੀਆ ਵਿੱਚ ‘ਸੁਪਾਈ ਵਿਲੇਜ’ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਪੂਰੇ ਅਮਰੀਕਾ ਦਾ ਇਹ ਇਕਲੌਤਾ ਪਿੰਡ ਹੈ, ਜਿੱਥੇ ਅੱਜ ਵੀ ਚਿੱਠੀਆਂ ਲਿਆਉਣ ਤੇ ਲਿਜਾਣ ਵਿੱਚ ਬਹੁਤ ਸਮਾਂ ਲੱਗਦਾ ਹੈ। ਹਵਾਸੂ ਕੈਨਿਯਨ ਦੇ ਨੇੜੇ ਇੱਕ ਡੂੰਘੀ ਖੱਡ ਵਿੱਚ ਸਥਿਤ ਇਸ ਪ੍ਰਾਚੀਨ ਪਿੰਡ ਦੀ ਬਹੁਤ ਘੱਟ ਆਬਾਦੀ ਹੈ।
ਕਿਹਾ ਜਾਂਦਾ ਹੈ ਕਿ ਇੱਥੇ ਅਮਰੀਕਾ ਦੇ ਮੂਲ ਨਿਵਾਸੀ ਸਿਰਫ ਰੈੱਡ ਇੰਡੀਅਨ ਰਹਿੰਦੇ ਹਨ। ਇੱਥੋਂ ਦੇ ਵਸਨੀਕਾਂ ਦਾ ਆਧੁਨਿਕਤਾ ਨਾਲ ਕੋਈ ਲੈਣਾ-ਦੇਣਾ ਨਹੀਂ। ਉਨ੍ਹਾਂ ਦੀ ਆਪਣੀ ਵੱਖਰੀ ਦੁਨੀਆ ਹੈ ਜਿੱਥੇ ਉਹ ਖੁਸ਼ੀ ਨਾਲ ਰਹਿੰਦੇ ਹਨ। ਪਿੰਡ ਆਵਾਜਾਈ ਦੇ ਸ਼ੋਰ ਤੋਂ ਪੂਰੀ ਤਰ੍ਹਾਂ ਮੁਕਤ ਹੈ। ਖੱਚਰਾਂ ਤੇ ਘੋੜਿਆਂ ਨੂੰ ਪਿੰਡ ਦੀਆਂ ਗਲੀਆਂ ਤੇ ਮਾਰਗਾਂ 'ਤੇ ਵੇਖਿਆ ਜਾਂਦਾ ਹੈ। ਇਸ ਪਿੰਡ ਵਿੱਚ ਭਾਵੇਂ ਸ਼ਹਿਰਾਂ ਵਰਗੀਆਂ ਸਹੂਲਤਾਂ ਨਾ ਹੋਣ, ਪਰ ਇਸ ਵਿੱਚ ਸੁਖੀ ਜੀਵਨ ਬਤੀਤ ਕਰਨ ਲਈ ਸਾਰੀਆਂ ਸਹੂਲਤਾਂ ਹਨ।
ਇਹ ਪਿੰਡ ਉਨ੍ਹਾਂ ਲੋਕਾਂ ਲਈ ਕਿਸੇ ਸਵਰਗ ਤੋਂ ਘੱਟ ਨਹੀਂ। ਇਸ ਸ਼ੌਕ ਕਾਰਨ ਲਗਪਗ 55 ਲੱਖ ਲੋਕ ਹਰ ਸਾਲ ਅਰੀਜ਼ੋਨਾ ਆਉਂਦੇ ਹਨ। ਹਾਲਾਂਕਿ, ਇੱਥੇ ਆਵਾਜਾਈ ਦੇ ਸਾਧਨ ਬਹੁਤ ਸੀਮਤ ਹਨ। ਪਿੰਡ ਤੱਕ ਪਹੁੰਚਣ ਲਈ, ਕਿਸੇ ਨੂੰ ਭੁੱਬਾਂ ਵਰਗੀ ਖਾਈ, ਹਰਿਆਲੀ ਝਾੜੀਆਂ ਚੋਂ ਲੰਘਣਾ ਪੈਂਦਾ ਹੈ। ਹਰ ਸਾਲ ਤਕਰੀਬਨ ਵੀਹ ਹਜ਼ਾਰ ਲੋਕ ਇੱਥੋਂ ਦੀ ਕੁਦਰਤੀ ਸੁੰਦਰਤਾ ਤੇ ਜੀਵਨ ਨੂੰ ਦੇਖਣ ਲਈ ਪਿੰਡ ਆਉਂਦੇ ਹਨ, ਪਰ ਇੱਥੇ ਪਹੁੰਚਣ ਲਈ, ਸਾਰੇ ਸੈਲਾਨੀਆਂ ਨੂੰ ਹਵਾਸੁਪਾਈ ਦੀ ਕਬਾਇਲੀ ਕੌਂਸਲ ਦੀ ਇਜਾਜ਼ਤ ਲੈਣੀ ਪੈਂਦੀ ਹੈ।
ਇਹ ਵੀ ਪੜ੍ਹੋ: CBSE on Punjabi: ਸੀਬੀਐਸਈ ਨੇ ਕਿਹਾ, 'ਪ੍ਰਬੰਧਕੀ ਉਦੇਸ਼ਾਂ ਲਈ ਖੇਤਰੀ ਭਾਸ਼ਾਵਾਂ ਨੂੰ ਮਾਈਨਰ ਕੈਟਾਗਿਰੀ 'ਚ ਰੱਖਿਆ'
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
