'ਬਗੈਰ ਕੁਝ ਕੀਤੇ' 5 ਹਜ਼ਾਰ ਰੁਪਏ ਹਰ ਘੰਟੇ ਕਮਾਉਂਦਾ ਇਹ ਸ਼ਖ਼ਸ, ਤੁਸੀਂ ਵੀ ਪੈਸਾ ਕਮਾਉਣ ਦਾ ਇਹ ਤਰੀਕਾ ਜਾਣ ਕੇ ਰਹਿ ਜਾਓਗੇ ਹੈਰਾਨ
ਸ਼ੋਜੀ ਮੋਰੀਮੋਟੋ ਜਾਪਾਨ ਦੇ ਟੋਕੀਓ 'ਚ ਅਜਿਹੇ ਲੋਕਾਂ ਨਾਲ ਸਮਾਂ ਬਿਤਾਉਂਦੇ ਹਨ ਜੋ ਆਪਣੇ ਆਪ ਨੂੰ ਇਕੱਲੇਪਣ ਦਾ ਸ਼ਿਕਾਰ ਸਮਝਦੇ ਹਨ। ਸ਼ੋਜੀ ਮੋਰੀਮੋਟੋ ਅਜਿਹੇ ਲੋਕਾਂ ਨਾਲ ਸਮਾਂ ਬਿਤਾਉਣ ਦੇ ਹਰ ਘੰਟੇ ਲਈ 10 ਹਜ਼ਾਰ ਯੇਨ ਲੈਂਦਾ ਹੈ।
Meet this Japanese man who gets paid to 'do nothing': ਜਾਪਾਨ ਦੁਨੀਆ ਦਾ ਸਭ ਤੋਂ ਅਨੋਖਾ ਦੇਸ਼ ਹੈ। ਇੱਥੋਂ ਅਜਿਹੀਆਂ ਗੱਲਾਂ ਸਾਹਮਣੇ ਆਉਂਦੀਆਂ ਹਨ, ਜੋ ਦੁਨੀਆ ਨੂੰ ਹੈਰਾਨ ਕਰ ਦਿੰਦੀਆਂ ਹਨ। ਜਾਪਾਨ ਤੋਂ ਹੀ ਇੱਕ ਖ਼ਬਰ ਸਾਹਮਣੇ ਆਈ ਹੈ ਕਿ ਇੱਥੋਂ ਦਾ ਸ਼ੋਜੀ ਮੋਰੀਮੋਟੋ ਬਗੈਰ ਕੁਝ ਕੀਤੇ ਹਰ ਘੰਟੇ 5 ਹਜ਼ਾਰ ਰੁਪਏ ਕਮਾ ਲੈਂਦਾ ਹੈ। ਅਜਿਹਾ ਨਹੀਂ ਹੈ ਕਿ ਸ਼ੋਜੀ ਮੋਰੀਮੋਟੋ ਕੁਝ ਨਹੀਂ ਕਰਦਾ, ਹਾਲਾਂਕਿ ਉਸ ਦਾ ਕੰਮ ਅਜਿਹਾ ਹੈ ਕਿ ਲੋਕ ਇਸ ਨੂੰ ਕੰਮ ਨਹੀਂ ਸਮਝਦੇ।
ਦਰਅਸਲ, ਸ਼ੋਜੀ ਮੋਰੀਮੋਟੋ ਜਾਪਾਨ ਦੇ ਟੋਕੀਓ 'ਚ ਅਜਿਹੇ ਲੋਕਾਂ ਨਾਲ ਸਮਾਂ ਬਿਤਾਉਂਦੇ ਹਨ ਜੋ ਆਪਣੇ ਆਪ ਨੂੰ ਇਕੱਲੇਪਣ ਦਾ ਸ਼ਿਕਾਰ ਸਮਝਦੇ ਹਨ। ਹਾਲਾਂਕਿ ਇਸ ਦੇ ਲਈ ਉਹ ਹਰ ਘੰਟੇ ਚਾਰਜ ਕਰਦਾ ਹੈ। ਸ਼ੋਜੀ ਮੋਰੀਮੋਟੋ ਅਜਿਹੇ ਲੋਕਾਂ ਨਾਲ ਸਮਾਂ ਬਿਤਾਉਣ ਦੇ ਹਰ ਘੰਟੇ ਲਈ 10 ਹਜ਼ਾਰ ਯੇਨ ਲੈਂਦਾ ਹੈ, ਜੇਕਰ ਇਸ ਨੂੰ ਭਾਰਤੀ ਰੁਪਏ 'ਚ ਬਦਲਿਆ ਜਾਵੇ ਤਾਂ ਇਹ ਲਗਭਗ 5633 ਰੁਪਏ ਹੋਵੇਗਾ।
ਰਾਇਟਰਜ਼ 'ਚ ਪ੍ਰਕਾਸ਼ਿਤ ਰਿਪੋਰਟ ਮੁਤਾਬਕ ਸ਼ੋਜੀ ਮੋਰੀਮੋਟੋ ਨੇ ਪਿਛਲੇ 4 ਸਾਲਾਂ 'ਚ ਲਗਭਗ 4 ਹਜ਼ਾਰ ਸੈਸ਼ਨ ਕੀਤੇ ਹਨ। ਆਪਣੇ ਕੰਮ ਬਾਰੇ ਸ਼ੋਜੀ ਮੋਰੀਮੋਟੋ ਦਾ ਕਹਿਣਾ ਹੈ ਕਿ ਜੇਕਰ ਸਹੀ ਤਰੀਕੇ ਨਾਲ ਦੇਖਿਆ ਜਾਵੇ ਤਾਂ ਮੈਂ ਆਪਣੇ ਆਪ ਨੂੰ ਅਜਿਹੇ ਲੋਕਾਂ ਨੂੰ ਕਿਰਾਏ 'ਤੇ ਦਿੰਦਾ ਹਾਂ ਜੋ ਮੇਰੇ ਨਾਲ ਸਮਾਂ ਬਿਤਾਉਣਾ ਚਾਹੁੰਦੇ ਹਨ ਅਤੇ ਆਪਣੇ ਦੁੱਖ-ਦਰਦ ਮੇਰੇ ਨਾਲ ਸਾਂਝੇ ਕਰਨਾ ਚਾਹੁੰਦੇ ਹਨ। ਸ਼ੋਜੀ ਮੋਰੀਮੋਟੋ ਨੇ ਕਿਹਾ ਕਿ ਮੈਨੂੰ ਇੱਕ ਵਿਅਕਤੀ ਵੱਲੋਂ ਕਿਰਾਏ 'ਤੇ ਲਿਆ ਗਿਆ ਸੀ। ਉਸ ਨੇ ਮੈਨੂੰ ਕੁੱਲ 270 ਵਾਰ ਕਿਰਾਏ 'ਤੇ ਲਿਆ।
ਹਾਲਾਂਕਿ ਸ਼ੋਜੀ ਮੋਰੀਮੋਟੋ ਦਾ ਕਹਿਣਾ ਹੈ ਕਿ ਉਹ ਆਪਣੇ ਕੰਮ 'ਚ ਕੁਝ ਨਿਯਮਾਂ ਦੀ ਪਾਲਣਾ ਵੀ ਕਰਦਾ ਹੈ, ਜਿਨ੍ਹਾਂ ਵਿੱਚੋਂ ਇੱਕ ਇਹ ਹੈ ਕਿ ਉਹ ਕਿਸੇ ਨਾਲ ਆਪਣੇ ਸ਼ਹਿਰ ਤੋਂ ਦੂਰ ਨਹੀਂ ਜਾਂਦਾ। ਉਸ ਨੇ ਦੱਸਿਆ ਕਿ ਇਕ ਵਾਰ ਉਸ ਨੂੰ ਕਿਰਾਏ 'ਤੇ ਕੰਬੋਡੀਆ ਜਾਣ ਲਈ ਕਿਹਾ ਗਿਆ, ਪਰ ਉਸ ਨੇ ਇਨਕਾਰ ਕਰ ਦਿੱਤਾ। ਇਸ ਦੇ ਨਾਲ ਹੀ ਸ਼ੋਜੀ ਮੋਰੀਮੋਟੋ ਆਪਣੇ ਕਿਸੇ ਗਾਹਕ ਨਾਲ ਸਰੀਰਕ ਸਬੰਧ ਵੀ ਨਹੀਂ ਬਣਾਉਂਦਾ।
ਸ਼ੋਜੀ ਮੋਰੀਮੋਟੋ ਦੀ ਇੱਕ ਭਾਰਤੀ ਕਸਟਮਰ ਅਰੁਣਾ ਚਿਦਾ, ਜਿਨ੍ਹਾਂ ਦੀ ਉਮਰ 27 ਸਾਲ ਹੈ, ਨੇ ਰੋਇਟਰਜ਼ ਨੂੰ ਦੱਸਿਆ ਕਿ ਉਨ੍ਹਾਂ ਨੂੰ ਜਨਤਕ ਤੌਰ 'ਤੇ ਸਾੜੀ ਪਹਿਨਣ 'ਚ ਮੁਸ਼ਕਲ ਆਉਂਦੀ ਹੈ। ਉਹ ਇਸ ਤੋਂ ਘਬਰਾ ਜਾਂਦੀ ਹੈ। ਅਰੁਣਾ ਕਹਿੰਦੀ ਹੈ ਕਿ ਜਦੋਂ ਉਹ ਸ਼ੋਜੀ ਮੋਰੀਮੋਟੋ ਨਾਲ ਹੁੰਦੀ ਹੈ ਤਾਂ ਉਹ ਬਹੁਤ ਖੁਸ਼ ਹੁੰਦੀ ਹੈ ਅਤੇ ਉਹ ਉਸ ਨਾਲ ਬਹੁਤ ਗੱਪਾਂ ਮਾਰਦੀ ਹੈ। ਇੱਥੋਂ ਤੱਕ ਕਿ ਉਸ ਨੂੰ ਆਪਣੇ ਦੋਸਤਾਂ ਨਾਲ ਇੰਨਾ ਮਜ਼ਾ ਨਹੀਂ ਆਉਂਦਾ।
ਪਹਿਲਾਂ ਕੀ ਕਰਦਾ ਸੀ ਸ਼ੋਜੀ ਮੋਰੀਮੋਟੋ?
ਸ਼ੋਜੀ ਮੋਰੀਮੋਟੋ ਇਹ ਸਭ ਕਰਨ ਤੋਂ ਪਹਿਲਾਂ ਇੱਕ ਪਬਲਿਸ਼ਿੰਗ ਕੰਪਨੀ 'ਚ ਕੰਮ ਕਰਦਾ ਸੀ। ਹਾਲਾਂਕਿ ਇਕ ਵਾਰ ਉਸ ਨੂੰ ਕੰਪਨੀ 'ਚ ਸਹੀ ਤਰੀਕੇ ਨਾਲ ਕੰਮ ਨਾ ਕਰਨ ਲਈ ਬਹੁਤ ਡਾਂਟਿਆ ਗਿਆ ਸੀ, ਜਿਸ ਤੋਂ ਬਾਅਦ ਉਸ ਨੇ ਮਨ ਬਣਾ ਲਿਆ ਕਿ ਉਹ ਕੁਝ ਵੱਖਰਾ ਕਰੇਗਾ। ਸਾਲ 2018 'ਚ ਜਦੋਂ ਸ਼ੋਜੀ ਮੋਰੀਮੋਟੋ ਬੇਰੁਜ਼ਗਾਰ ਸੀ, ਉਸ ਨੇ ਇਹ ਅਜੀਬ ਸੇਵਾ ਸ਼ੁਰੂ ਕੀਤੀ। ਇਸ ਦੇ ਲਈ ਉਸ ਨੇ ਇੱਕ ਟਵਿੱਟਰ ਅਕਾਊਂਟ (@morimotoshoji) ਬਣਾਇਆ ਅਤੇ ਆਪਣੀ ਸੇਵਾ ਦਾ ਨਾਮ ਰੱਖਿਆ - Do Nothing Rent-a-Man
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
