ਠੇਕੇ ਤੋਂ ਬਾਂਦਰ ਪੀਣ ਲੱਗ ਪਿਆ ਸ਼ਰਾਬ, ਨਸ਼ੇ 'ਚ ਟੱਲੀ ਹੋ ਕੇ 4000 ਲੋਕਾਂ ਨੂੰ ਦਿੱਤਾ ਵੱਡ 

Nepal drunk monkey : ਦਰਅਸਲ, ਦੱਸਿਆ ਜਾ ਰਿਹਾ ਹੈ ਕਿ ਲੋਕਾਂ 'ਤੇ ਹਮਲਾ ਕਰਨ ਵਾਲਾ ਬਾਂਦਰ ਨੇੜਲੀਆਂ ਦੁਕਾਨਾਂ 'ਤੇ ਜਾਇਆ ਕਰਦਾ ਸੀ। ਉਥੇ ਸ਼ਰਾਬ ਪੀ ਰਹੇ ਲੋਕਾਂ ਦੇ ਨਾਲ ਉਹ ਵੀ ਪੀਣ ਲੱਗਾ। ਕੁਝ ਲੋਕਾਂ ਨੇ ਸ਼ਰਾਬ ਦਾ ਗਿਲਾਸ ਭਰ ਕੇ ਬਾਂਦਰ

ਸੰਕੇਤਕ ਤਸਵੀਰ

ਬਾਂਦਰਾਂ ਬਾਰੇ ਇਹ ਮੰਨਿਆ ਜਾਂਦਾ ਹੈ ਕਿ ਕਈ ਵਾਰ ਉਹ ਇਨਸਾਨਾਂ ਵਾਂਗ ਵਿਵਹਾਰ ਕਰਨ ਲੱਗ ਪੈਂਦੇ ਹਨ। ਅਸੀਂ ਦੇਖਿਆ ਹੈ ਕਿ ਕਿਵੇਂ ਕੁਝ ਲੋਕ ਸ਼ਰਾਬ ਪੀ ਕੇ ਹੰਗਾਮਾ ਕਰਦੇ ਹਨ। ਸ਼ਰਾਬ ਪੀ ਕੇ ਇਕ ਬਾਂਦਰ ਨੇ ਅਜਿਹਾ ਹੀ ਕੁਝ ਕੀਤਾ ਹੈ। ਨਸ਼ੇ 'ਚ ਧੁੱਤ ਬਾਂਦਰ ਨੇ ਹਜ਼ਾਰਾਂ ਲੋਕਾਂ 'ਤੇ ਹਮਲਾ ਕਰ ਦਿੱਤਾ। ਇਹ ਮਾਮਲਾ ਨੇਪਾਲ ਦੀ ਰਾਜਧਾਨੀ ਕਾਠਮੰਡੂ ਵਿੱਚ ਸਾਹਮਣੇ ਆਇਆ ਹੈ। ਬਾਂਦਰ ਦੇ ਹਮਲੇ ਕਾਰਨ ਲੋਕਾਂ ਨੂੰ ਕਾਫੀ ਸੱਟਾਂ ਵੀ ਲੱਗੀਆਂ ਹਨ।

ਕਾਠਮੰਡੂ ਦੇ ਸ਼ੁਕਰਰਾਜ ਟ੍ਰੋਪਿਕਲ ਐਂਡ ਇਨਫੈਕਸ਼ਨ ਡਿਜ਼ੀਜ਼ ਹਸਪਤਾਲ (STIDH) ਵਿੱਚ, ਬਾਂਦਰ ਦੁਆਰਾ ਹਮਲਾ ਕਰਨ ਵਾਲੇ ਲੋਕਾਂ ਦਾ  ਇਲਾਜ ਕੀਤਾ ਜਾ ਰਿਹਾ ਹੈ। ਹਮਲੇ ਦਾ ਸ਼ਿਕਾਰ ਹੋਏ ਲੋਕਾਂ ਵਿੱਚ ਇੱਕ ਨੌਂ ਸਾਲ ਦਾ ਬੱਚਾ ਵੀ ਸ਼ਾਮਲ ਹੈ। ਕਾਠਮੰਡੂ ਪੋਸਟ ਨਾਲ ਗੱਲਬਾਤ ਕਰਦੇ ਹੋਏ ਹਮਲੇ ਦਾ ਸ਼ਿਕਾਰ ਹੋਏ ਇਕ ਵਿਅਕਤੀ ਦੇ ਪਿਤਾ ਨੇ ਦੱਸਿਆ ਕਿ ਪਿਛਲੇ ਦੋ-ਤਿੰਨ ਮਹੀਨਿਆਂ 'ਚ ਸਿਰਫ ਇਕ ਬਾਂਦਰ ਨੇ 4000 ਲੋਕਾਂ 'ਤੇ ਹਮਲਾ ਕੀਤਾ ਹੈ।

ਦਰਅਸਲ, ਦੱਸਿਆ ਜਾ ਰਿਹਾ ਹੈ ਕਿ ਲੋਕਾਂ 'ਤੇ ਹਮਲਾ ਕਰਨ ਵਾਲਾ ਬਾਂਦਰ ਨੇੜਲੀਆਂ ਦੁਕਾਨਾਂ 'ਤੇ ਜਾਇਆ ਕਰਦਾ ਸੀ। ਉਥੇ ਸ਼ਰਾਬ ਪੀ ਰਹੇ ਲੋਕਾਂ ਦੇ ਨਾਲ ਉਹ ਵੀ ਪੀਣ ਲੱਗਾ। ਕੁਝ ਲੋਕਾਂ ਨੇ ਸ਼ਰਾਬ ਦਾ ਗਿਲਾਸ ਭਰ ਕੇ ਬਾਂਦਰ ਨੂੰ ਦੇਣਾ ਸ਼ੁਰੂ ਕਰ ਦਿੱਤਾ ਅਤੇ ਹੁਣ ਨਤੀਜਾ ਸਭ ਦੇ ਸਾਹਮਣੇ ਹੈ। ਲੋਕਾਂ ਨੇ ਦੱਸਿਆ ਕਿ ਉਹ ਬਹੁਤ ਜ਼ਿਆਦਾ ਸ਼ਰਾਬ ਪੀ ਕੇ ਹਮਲਾਵਰ ਹੋ ਗਿਆ ਸੀ ਅਤੇ ਹੁਣ ਬੱਚਿਆਂ ਨੂੰ ਵੀ ਵੱਢਣ ਲੱਗਾ ਹੈ।

STIDH ਦੇ ਅੰਕੜਿਆਂ ਦੇ ਅਨੁਸਾਰ ਪਿਛਲੇ 14 ਸਾਲਾਂ ਦੇ ਰਿਕਾਰਡ ਦੀ ਜਾਂਚ ਕਰਨ 'ਤੇ ਪਤਾ ਚੱਲਦਾ ਹੈ ਕਿ ਨੇਪਾਲ 'ਚ ਜੁਲਾਈ ਅਤੇ ਅਗਸਤ ਅਜਿਹੇ ਮਹੀਨਿਆਂ 'ਚ ਸ਼ਾਮਲ ਹਨ, ਜਿੱਥੇ ਬਾਂਦਰਾਂ ਦੇ ਕੱਟਣ ਦੇ ਸਭ ਤੋਂ ਵੱਧ ਮਾਮਲੇ ਸਾਹਮਣੇ ਆਉਂਦੇ ਹਨ। ਇਸ ਦਾ ਮਤਲਬ ਹੈ ਕਿ ਇਨ੍ਹਾਂ ਮਹੀਨਿਆਂ ਵਿਚ ਬਾਂਦਰ ਜ਼ਿਆਦਾ ਹਮਲਾਵਰ ਹੋ ਜਾਂਦੇ ਹਨ।

ਬਾਂਦਰਾਂ ਦੇ ਕੱਟਣ ਦੇ ਜ਼ਿਆਦਾਤਰ ਮਾਮਲੇ ਮੰਦਰਾਂ ਦੇ ਬਾਹਰ ਹੁੰਦੇ ਹਨ, ਜਿਸ ਨੂੰ ਉਹ ਆਪਣਾ ਘਰ ਸਮਝਦੇ ਹਨ। ਇਨ੍ਹਾਂ ਮੰਦਰਾਂ 'ਚੋਂ ਇਕ ਹੈ ਬੋਧੀ ਮੰਦਰ ਸਵਯੰਭੂਨਾਥ, ਜਿੱਥੇ ਕਈ ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਡਾਕਟਰਾਂ ਨੂੰ ਡਰ ਹੈ ਕਿ ਇਨ੍ਹਾਂ ਬਾਂਦਰਾਂ ਦੇ ਕੱਟਣ ਨਾਲ ਇਨਫੈਕਸ਼ਨ ਦੇ ਮਾਮਲੇ ਸਾਹਮਣੇ ਆ ਸਕਦੇ ਹਨ। ਇਸ ਦਾ ਕਾਰਨ ਇਹ ਹੈ ਕਿ ਇਹ ਬਾਂਦਰ ਲੋਕਾਂ ਨੂੰ ਰੇਬੀਜ਼ ਦਾ ਮਰੀਜ਼ ਬਣਾ ਸਕਦੇ ਹਨ।