RIP: ਕਿਸੇ ਦੀ ਮੌਤ ਤੋਂ ਬਾਅਦ ਕਿਉਂ ਕਿਹਾ ਜਾਂਦਾ RIP? ਇਸ ਸ਼ਬਦ ਨੂੰ ਲੈ ਕੇ ਲੋਕ ਅਕਸਰ ਕਰਦੇ ਗਲਤੀ!

RIP ਇੱਕ ਸੰਖੇਪ ਰੂਪ ਹੈ, ਜਿਸ ਦਾ ਪੂਰਾ ਰੂਪ 'Rest In Peace' ਹੈ। ਅਸੀਂ ਤੁਹਾਨੂੰ ਦੱਸਦੇ ਹਾਂ, ਅਸਲ 'ਚ Rest In Peace ਸ਼ਬਦ ਦੀ ਉਤਪੱਤੀ ਲਾਤੀਨੀ ਵਾਕਾਂਸ਼ Requiescat In Pace ਤੋਂ ਹੋਈ ਹੈ।

RIP

RIP: ਜਦੋਂ ਕਿਸੇ ਦੀ ਮੌਤ ਹੋ ਜਾਂਦੀ ਹੈ ਤਾਂ ਤੁਸੀਂ ਲੋਕਾਂ ਨੂੰ RIP ਸ਼ਬਦ ਦੀ ਵਰਤੋਂ ਕਰਦੇ ਹੋਏ ਦੇਖਿਆ ਹੋਵੇਗਾ ਅਤੇ ਤੁਸੀਂ ਸ਼ਾਇਦ ਇਸ ਦੀ ਵਰਤੋਂ ਵੀ ਕੀਤੀ ਹੋਵੇਗੀ। ਅਸੀਂ ਜਾਣਦੇ ਹਾਂ ਕਿ ਕਿਸੇ ਦੀ ਮੌਤ ਤੋਂ ਬਾਅਦ RIP ਕਿਹਾ ਜਾਂਦਾ ਹੈ। ਜੇਕਰ ਦੇਖਿਆ ਜਾਵੇ ਤਾਂ RIP ਅਸਲ 'ਚ ਇੱਕ ਸ਼ਾਰਟਫਾਰਮ ਹੈ, ਪਰ ਅੱਜਕੱਲ੍ਹ ਲੋਕ ਇਸ ਨੂੰ ਇੱਕ ਸ਼ਬਦ ਦੇ ਰੂਪ 'ਚ ਵਰਤਣ ਲੱਗ ਪਏ ਹਨ। ਸਾਡੇ ਵਿੱਚੋਂ ਬਹੁਤ ਸਾਰੇ ਅਜਿਹੇ ਹਨ ਜਿਨ੍ਹਾਂ ਨੂੰ ਇਸ ਸ਼ਬਦ ਦਾ ਸਹੀ ਅਰਥ ਵੀ ਨਹੀਂ ਪਤਾ। ਲੋਕ ਇਸ ਸ਼ਬਦ ਦਾ ਸਹੀ ਮਤਲਬ ਜਾਣੇ ਬਗੈਰ ਵੀ ਆਪਣਾ ਦੁੱਖ ਪ੍ਰਗਟ ਕਰਨ ਲਈ ਵਰਤਦੇ ਹਨ। ਜੇਕਰ ਤੁਸੀਂ ਵੀ ਇਸ ਦੇ ਅਸਲੀ ਮਤਲਬ ਨਹੀਂ ਜਾਣਦੇ ਤਾਂ ਅੱਜ ਅਸੀਂ ਤੁਹਾਨੂੰ RIP ਸ਼ਬਦ ਦਾ ਅਸਲੀ ਮਤਲਬ ਦੱਸਣ ਜਾ ਰਹੇ ਹਾਂ।

ਇਹ ਹੈ RIP ਦਾ ਮਤਲਬ

ਸ਼ਾਇਦ ਕੁਝ ਲੋਕ ਇਸ ਦਾ ਮਤਲਬ ਜਾਣਦੇ ਹੋਣ, ਪਰ ਜ਼ਿਆਦਾਤਰ ਲੋਕ ਇਸ ਸ਼ਬਦ ਦੇ ਮਤਲਬ ਤੋਂ ਅਣਜਾਣ ਹਨ। ਲੋਕ ਇਸ ਸ਼ਬਦ ਦੀ ਵਰਤੋਂ ਕਰਦੇ ਹਨ, ਪਰ ਇਸ ਦਾ ਪੂਰਾ ਮਤਲਬ ਨਹੀਂ ਜਾਣਦੇ। ਅੱਜ ਅਸੀਂ ਤੁਹਾਨੂੰ ਇਸ ਸ਼ਬਦ ਦਾ ਸਹੀ ਮਤਲਬ ਦੱਸਾਂਗੇ। ਤੁਸੀਂ ਦੇਖਿਆ ਹੋਵੇਗਾ ਲੋਕ RIP ਨੂੰ 'Rip' ਲਿਖਦੇ ਹਨ। ਰਿਪ ਦਾ ਮਤਲਬ ਹੈ ਕੱਟਣਾ। ਅਜਿਹੇ 'ਚ ਲੋਕ ਅਣਜਾਣੇ 'ਚ ਆਪਣਾ ਦੁੱਖ ਪ੍ਰਗਟ ਕਰਨ ਲਈ ਇਸ ਨੂੰ ਕੱਟਣਾ ਲਈ ਲਿਖ ਦਿੰਦੇ ਹਨ। ਆਓ ਜਾਣਦੇ ਹਾਂ ਇਸ ਨੂੰ ਲਿਖਣ ਦਾ ਸਹੀ ਤਰੀਕਾ ਕੀ ਹੈ ਅਤੇ ਇਸ ਦਾ ਕੀ ਮਤਲਬ ਹੈ?

ਇੱਥੋਂ ਆਇਆ ਹੈ RIP ਸ਼ਬਦ

RIP ਇੱਕ ਸੰਖੇਪ ਰੂਪ ਹੈ, ਜਿਸ ਦਾ ਪੂਰਾ ਰੂਪ 'Rest In Peace' ਹੈ। ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇਹ ਵੀ ਸਭ ਨੂੰ ਪਤਾ ਹੈ, ਫਿਰ ਇਸ 'ਚ ਵੱਖਰਾ ਕੀ ਹੈ? ਅਸੀਂ ਤੁਹਾਨੂੰ ਦੱਸਦੇ ਹਾਂ, ਅਸਲ 'ਚ Rest In Peace ਸ਼ਬਦ ਦੀ ਉਤਪੱਤੀ ਲਾਤੀਨੀ ਵਾਕਾਂਸ਼ Requiescat In Pace ਤੋਂ ਹੋਈ ਹੈ। Requiescat In Pace ਦਾ ਮਤਲਬ ਹੈ - ਸ਼ਾਂਤੀ ਨਾਲ ਸੌਣਾ। ਹਿੰਦੀ 'ਚ ਇਹ ਆਤਮਾ ਦੀ ਸ਼ਾਂਤੀ ਨੂੰ ਦਰਸਾਉਂਦਾ ਹੈ। ਈਸਾਈ ਧਰਮ 'ਚ ਇਹ ਮੰਨਿਆ ਜਾਂਦਾ ਹੈ ਕਿ ਮੌਤ ਤੋਂ ਬਾਅਦ ਆਤਮਾ ਅਤੇ ਸਰੀਰ ਵੱਖ ਹੋ ਜਾਂਦੇ ਹਨ ਅਤੇ ਨਿਆਂ ਦੇ ਦਿਨ ਦੋਵੇਂ ਦੁਬਾਰਾ ਇਕੱਠੇ ਹੋ ਜਾਣਗੇ।

18ਵੀਂ ਸਦੀ ਤੋਂ ਹੋਈ ਸ਼ੁਰੂਆਤ

18ਵੀਂ ਸਦੀ 'ਚ ਇਹ ਮੰਨਿਆ ਜਾਂਦਾ ਸੀ ਕਿ ਜੇਕਰ ਕਿਸੇ ਦੀ ਮੌਤ ਚਰਚ ਦੀ ਸ਼ਾਂਤੀ 'ਚ ਹੁੰਦੀ ਹੈ ਤਾਂ ਉਸ ਦੀ ਆਤਮਾ ਯਿਸੂ ਮਸੀਹ ਨਾਲ ਜੁੜ ਜਾਂਦੀ ਹੈ। ਉਸ ਸਮੇਂ ਅਜਿਹੀ ਸਥਿਤੀ 'ਚ Requiescat In Pace ਸ਼ਬਦ ਦੀ ਵਰਤੋਂ ਕੀਤੀ ਜਾਂਦੀ ਹੈ। RIP ਸ਼ਬਦ ਦੀ ਵਰਤੋਂ 18ਵੀਂ ਸਦੀ ਤੋਂ ਮੰਨੀ ਜਾਂਦੀ ਹੈ। Requiescat In Pace ਸ਼ਬਦ 5ਵੀਂ ਸਦੀ 'ਚ ਮਰਨ ਤੋਂ ਬਾਅਦ ਲੋਕਾਂ ਦੀਆਂ ਕਬਰਾਂ ਉੱਤੇ ਲਿਖੇ ਹੋਏ ਪਾਏ ਗਏ ਹਨ। ਪਹਿਲਾਂ ਈਸਾਈ ਧਰਮ 'ਚ ਇਸ ਸ਼ਬਦ ਦਾ ਪ੍ਰਚਲਨ ਵਧਿਆ ਅਤੇ ਬਾਅਦ 'ਚ ਇਹ ਸ਼ਬਦ ਵਿਸ਼ਵਪੱਧਰੀ ਬਣ ਗਿਆ। ਹੁਣ ਦੁਨੀਆ ਭਰ ਦੇ ਲੋਕ ਇਸ ਸ਼ਬਦ ਦੀ ਵਰਤੋਂ ਕਿਸੇ ਦੀ ਮੌਤ ਹੋਣ 'ਤੇ ਕਰਦੇ ਹਨ।