ਬੂਟਾਂ ਦਾ ਭਾਅ ਜਾਣ ਹੱਕੇ-ਬੱਕੇ ਹੋਏ ਰਿਸ਼ੀ ਕਪੂਰ, ਕਿਹਾ 'ਕੀ ਪਾਗਲਪਣ ਹੈ?'

ਉਨ੍ਹਾਂ ਲਿਖਿਆ ਇਨ੍ਹਾਂ ਜੁੱਤੀਆਂ ਦੀ ਕੀਮਤ ਵੱਲ ਧਿਆਨ ਦਿਓ। ਇਸ ਨੂੰ ਵੇਖ ਕਹਾਵਤ ਯਾਦ ਆ ਗਈ, 'ਜੁੱਤੀ ਚਾਂਦੀ ਦੀ ਹੋਏ ਜਾਂ ਸੋਨੇ ਦੀ, ਪਾਉਣੀ ਤਾਂ ਪੈਰਾਂ ਵਿੱਚ ਹੀ ਹੈ।' ਉਨ੍ਹਾਂ ਕਿਹਾ ਕਿ ਇਹ ਪਾਗਲਪਣ ਹੈ। ਦਰਅਸਲ ਸਟੋਰ ਵਿੱਚ ਜੁੱਤੀਆਂ ਦੀ ਕੀਮਤ 17 ਲੱਖ ਤੋਂ ਲੈ ਕੇ 27 ਲੱਖ ਹੈ।

ਚੰਡੀਗੜ੍ਹ: ਬਾਲੀਵੁੱਡ ਅਦਾਕਾਰ ਰਿਸ਼ੀ ਕਪੂਰ ਕੈਂਸਰ ਦਾ ਇਲਾਜ ਕਰਵਾਉਣ ਲਈ ਨਿਊਯਾਰਕ ਵਿੱਚ ਰਹਿ ਰਹੇ ਹਨ। ਉਨ੍ਹਾਂ ਦਾ ਇਲਾਜ ਪੂਰਾ ਹੋ ਗਿਆ ਹੈ ਤੇ ਜਲਦ ਹੀ ਉਹ ਭਾਰਤ ਵਾਪਸ ਆ ਜਾਣਗੇ। ਇਲਾਜ ਦੌਰਾਨ ਉਨ੍ਹਾਂ ਦੇ ਮਜ਼ੇਦਾਰ ਟਵੀਟਸ ਸੁਰਖੀਆਂ ਖੱਟ ਰਹੇ ਹਨ। ਨਿਊਯਾਰਕ ਸ਼ਹਿਰ ਵਿੱਚ ਘੁੰਮਣ ਨਿਕਲੇ ਰਿਸ਼ੀ ਇੱਕ ਜੁੱਤੀਆਂ ਵਾਲੇ ਸਟੋਰ ਪਹੁੰਚੇ। ਇੱਥੇ ਉਹ ਇੱਕ ਜੋੜੀ ਜੁੱਤੀ ਦੀ ਕੀਮਤ ਵੇਖ ਹੈਰਾਨ ਰਹਿ ਗਏ ਜੋ 27 ਲੱਖ ਰੁਪਏ ਸੀ। ਇਹ ਜਾਣ ਉਨ੍ਹਾਂ ਮਜ਼ੇਦਾਰ ਟਵੀਟ ਕੀਤਾ।

Biggest sneaker store I have seen with more than 12,000 styles and models in NY. Shocked to see sneakers sell for $40,000/$27,000/$25,000/$20,000 etc...Most sell for$5,000 and above. pic.twitter.com/a3nY8SLvbB

— Rishi Kapoor (@chintskap) June 27, 2019

ਰਿਸ਼ੀ ਨਿਊਯਾਰਕ ਦੇ ਸਭ ਤੋਂ ਵੱਡੇ ਜੁੱਤੀਆਂ ਦੇ ਸਟੋਰ ਪਹੁੰਚੇ ਸਨ। ਇੱਥੇ 12 ਹਜ਼ਾਰ ਤੋਂ ਵੱਧ ਜੁੱਤੀਆਂ ਦੀਆਂ ਕਿਸਮਾਂ ਸਨ। ਪਰ ਰਿਸ਼ੀ ਦਾ ਧਿਆਨ ਸਿਰਫ ਇਨ੍ਹਾਂ ਦੀ ਕੀਮਤ ਵੱਲ ਗਿਆ। ਉਨ੍ਹਾਂ ਸਟੋਰ ਦੀ ਤਸਵੀਰ ਸਾਂਝੀ ਕਰ ਕੇ ਲਿਖਿਆ ਕਿ ਮੈਂ ਹੈਰਾਨ ਹਾਂ ਕਿ ਜੁੱਤੀਆਂ ਦੀ ਕੀਮਤ 27 ਲੱਖ, 18 ਲੱਖ, 17 ਲੱਖ, 13 ਲੱਖ ਤੇ 3 ਲੱਖ ਹੈ। ਇਸੇ ਤਰ੍ਹਾਂ ਉਨ੍ਹਾਂ ਇੱਕ ਹੋਰ ਟਵੀਟ ਕੀਤਾ। ਉਨ੍ਹਾਂ ਲਿਖਿਆ ਇਨ੍ਹਾਂ ਜੁੱਤੀਆਂ ਦੀ ਕੀਮਤ ਵੱਲ ਧਿਆਨ ਦਿਓ। ਇਸ ਨੂੰ ਵੇਖ ਕਹਾਵਤ ਯਾਦ ਆ ਗਈ, 'ਜੁੱਤੀ ਚਾਂਦੀ ਦੀ ਹੋਏ ਜਾਂ ਸੋਨੇ ਦੀ, ਪਾਉਣੀ ਤਾਂ ਪੈਰਾਂ ਵਿੱਚ ਹੀ ਹੈ।' ਉਨ੍ਹਾਂ ਕਿਹਾ ਕਿ ਇਹ ਪਾਗਲਪਣ ਹੈ। ਦਰਅਸਲ ਸਟੋਰ ਵਿੱਚ ਜੁੱਤੀਆਂ ਦੀ ਕੀਮਤ 17 ਲੱਖ ਤੋਂ ਲੈ ਕੇ 27 ਲੱਖ ਹੈ।

Zoom on to the prices below and see it. Reminded of the saying. “Joota sone ka ho ya chaandi ka-pehna toh jaata hai paon mein” Crazy! pic.twitter.com/6NjemHFtzE

— Rishi Kapoor (@chintskap) June 27, 2019