How Earth Rotate: ਦੇਖੋ ਧਰਤੀ ਕਿਵੇਂ ਗੋਲ ਘੁੰਮਦੀ ਹੈ? ਵੀਡੀਓ ਵਿੱਚ ਕੈਦ ਹੋਇਆ ਮਨਮੋਹਕ ਦ੍ਰਿਸ਼
How Earth Rotate: ਤੁਸੀਂ ਜਾਣਦੇ ਹੋ ਕਿ ਧਰਤੀ ਗੋਲ ਘੁੰਮਦੀ ਹੈ। ਪਰ ਕੀ ਤੁਸੀਂ ਕਦੇ ਇਸਨੂੰ ਚਲਦੇ ਦੇਖਿਆ ਹੈ? ਜ਼ਿਆਦਾਤਰ ਲੋਕ ਇਸ ਦਾ ਜਵਾਬ ਨਾਂਹ 'ਚ ਹੀ ਦੇਣਗੇ ਪਰ ਅੱਜ ਅਸੀਂ ਤੁਹਾਨੂੰ ਧਰਤੀ ਨੂੰ ਹਿਲਦੇ ਹੋਏ ਦਿਖਾਵਾਂਗੇ।
How Earth Rotate: ਧਰਤੀ ਗੋਲ ਹੈ। ਤੁਸੀਂ ਇਸ ਬਾਰੇ ਆਪਣੀਆਂ ਕਿਤਾਬਾਂ ਵਿੱਚ ਪੜ੍ਹਿਆ ਹੋਵੇਗਾ। ਤੁਸੀਂ ਪੜ੍ਹਿਆ ਹੋਵੇਗਾ ਕਿ ਧਰਤੀ ਗੋਲ ਘੁੰਮਦੀ ਹੈ। ਪਰ ਅਸੀਂ ਕਿਵੇਂ ਵਿਸ਼ਵਾਸ ਕਰ ਸਕਦੇ ਹਾਂ ਕਿ ਧਰਤੀ ਗੋਲ ਹੈ? ਪੁਲਾੜ 'ਤੇ ਨਜ਼ਰ ਰੱਖਣ ਵਾਲੇ ਵਿਗਿਆਨੀ ਇਸ ਦਾ ਜਵਾਬ ਦੇਣਗੇ, ਪਰ ਆਮ ਆਦਮੀ ਇਸ ਨੂੰ ਕਿਵੇਂ ਸਵੀਕਾਰ ਕਰ ਸਕਦਾ ਹੈ? ਸੋਸ਼ਲ ਮੀਡੀਆ 'ਤੇ ਇੱਕ ਵਿਅਕਤੀ ਨੇ ਅਜਿਹਾ ਵੀਡੀਓ ਅਪਲੋਡ ਕੀਤਾ ਹੈ, ਜਿਸ ਨੂੰ ਦੇਖਣ ਤੋਂ ਬਾਅਦ ਤੁਹਾਨੂੰ ਇਸ ਗੱਲ ਦਾ ਸਬੂਤ ਵੀ ਮਿਲ ਜਾਵੇਗਾ। ਇਸ ਰਾਹੀਂ ਧਰਤੀ ਦੇ ਘੁੰਮਣ-ਫਿਰਨ ਨੂੰ ਦਿਖਾਇਆ ਗਿਆ ਸੀ। ਇਸ ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਧਰਤੀ ਆਪਣੀ ਧੁਰੀ 'ਤੇ ਕਿਵੇਂ ਘੁੰਮਦੀ ਹੈ।
ਇਸ ਵੀਡੀਓ ਰਾਹੀਂ ਲੋਕਾਂ ਨੂੰ ਧਰਤੀ ਦੇ ਘੁੰਮਣ ਬਾਰੇ ਦੱਸਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਅਸਮਾਨ ਦੇ ਟਾਇਮ ਲੈਪਸ ਨੂੰ ਕੈਮਰੇ ਵਿੱਚ ਕੈਦ ਕਰਕੇ ਇਸ ਦਾ ਸਬੂਤ ਦਿੱਤਾ ਗਿਆ। ਇਹ ਵੀਡੀਓ 19 ਜੁਲਾਈ 2020 ਨੂੰ ਕ੍ਰੇਟਰ ਨੈਸ਼ਨਲ ਪਾਰਕ ਵਿਖੇ ਕੈਪਚਰ ਕੀਤਾ ਗਿਆ ਸੀ। ਇਸ ਵਿੱਚ ਇੱਕ ਕੈਮਰੇ ਨਾਲ ਸਟੇਬਲ ਕਰਕੇ ਸਾਰੀ ਘੁੰਮਣਘੇਰੀ ਨੂੰ ਕੈਦ ਕੀਤਾ ਗਿਆ। ਵਿਗਿਆਨ ਵਿੱਚ ਰੁਚੀ ਰੱਖਣ ਵਾਲਿਆਂ ਲਈ ਇਹ ਵੀਡੀਓ ਬਹੁਤ ਖਾਸ ਹੈ। ਭਾਵੇਂ ਤੁਸੀਂ ਵਿਗਿਆਨ ਵਿੱਚ ਜ਼ਿਆਦਾ ਦਿਲਚਸਪੀ ਨਹੀਂ ਰੱਖਦੇ, ਇਹ ਮਨਮੋਹਕ ਦ੍ਰਿਸ਼ ਤੁਹਾਨੂੰ ਖੁਸ਼ ਕਰ ਦੇਵੇਗਾ।
ਹੁਣ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਕੈਮਰੇ ਨੂੰ ਇੱਕ ਥਾਂ 'ਤੇ ਕਿਵੇਂ ਫਿਕਸ ਰੱਖਿਆ ਗਿਆ? ਜਦੋਂ ਧਰਤੀ ਘੁੰਮ ਰਹੀ ਸੀ ਤਾਂ ਇਹ ਕੈਮਰਾ ਵੀ ਇਸਦੇ ਨਾਲ ਹੀ ਘੁੰਮ ਰਿਹਾ ਹੋਵੇਗਾ। ਪਰ ਤੁਹਾਨੂੰ ਦੱਸ ਦੇਈਏ ਕਿ ਇਸ ਵੀਡੀਓ ਨੂੰ ਬਣਾਉਣ ਲਈ ਕੈਮਰੇ ਨੂੰ ਮੋਟਰ ਕੰਟਰੋਲਡ ਰਿਗ 'ਚ ਫਿਕਸ ਕੀਤਾ ਗਿਆ ਸੀ। ਆਕਾਸ਼ਗੰਗਾ ਜਿਸ ਤਰੀਕੇ ਨਾਲ ਘੁੰਮ ਰਿਹਾ ਸੀ, ਉਹ ਇਸ ਕੈਮਰੇ 'ਚ ਕੈਦ ਹੋ ਗਿਆ। ਇਸ ਵਿੱਚ ਤਾਰਿਆਂ ਨੂੰ ਇੱਕ ਥਾਂ 'ਤੇ ਸਥਿਰ ਰੱਖਿਆ ਗਿਆ ਸੀ ਅਤੇ ਸਿਰਫ ਧਰਤੀ ਦੀ ਹਰਕਤ ਨੂੰ ਹੀ ਫੜਿਆ ਗਿਆ ਸੀ।
ਇਹ ਵੀ ਪੜ੍ਹੋ: Ludhiana News: ਸੋਸ਼ਲ ਮੀਡੀਆ 'ਤੇ ਵੀਡੀਓ ਸ਼ੇਅਰ ਕਰਨ ਤੋਂ ਪਹਿਲਾਂ ਸਾਵਧਾਨ! 5 ਸਾਲ ਦੀ ਸਜ਼ਾ ਦੇ 5 ਲੱਖ ਜੁਰਮਾਨਾ...
ਵੀਡੀਓ ਨੂੰ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ ਗਿਆ ਹੈ। ਇਸ ਨੂੰ ਹੁਣ ਤੱਕ ਲੱਖਾਂ ਵਾਰ ਦੇਖਿਆ ਜਾ ਚੁੱਕਾ ਹੈ। ਵੀਡੀਓ ਦੇਖ ਕੇ ਕਈ ਲੋਕਾਂ ਨੇ ਹੈਰਾਨੀ ਜਤਾਈ। ਇੱਕ ਵਿਅਕਤੀ ਨੇ ਲਿਖਿਆ ਕਿ ਇਹ ਵੀਡੀਓ ਵਾਕਈ ਅਦਭੁਤ ਹੈ। ਮੈਂ ਪੜ੍ਹਿਆ ਸੀ ਕਿ ਧਰਤੀ ਕਿਵੇਂ ਘੁੰਮਦੀ ਹੈ। ਪਰ ਪਹਿਲੀ ਵਾਰ ਦੇਖਣ ਦਾ ਮੌਕਾ ਮਿਲਿਆ। ਇਸ ਦੇ ਨਾਲ ਹੀ ਕਈ ਲੋਕਾਂ ਨੇ ਵੀਡੀਓ ਦੇਖਣ ਤੋਂ ਬਾਅਦ ਪੁੱਛਿਆ ਕਿ ਕੈਮਰਾ ਕਿਵੇਂ ਨਹੀਂ ਚੱਲ ਰਿਹਾ? ਹਾਲਾਂਕਿ ਜਿਨ੍ਹਾਂ ਲੋਕਾਂ ਨੇ ਇਸ ਵੀਡੀਓ ਨੂੰ ਫਰਜ਼ੀ ਦੱਸਿਆ, ਉਨ੍ਹਾਂ ਨੂੰ ਕਈ ਲੋਕਾਂ ਨੇ ਕਮੈਂਟਸ 'ਚ ਸਾਇੰਸ ਪੜ੍ਹ ਕੇ ਬੇਸਿਕ ਜਾਣਨ ਦਾ ਸੁਝਾਅ ਦਿੱਤਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
