OMG : Airport 'ਤੇ ਕੁੜੀਆਂ ਨੇ ਪਾਏ 6 ਕਿਲੋਂ ਕੱਪੜੇ, ਫਲਾਈਟ 'ਚ ਜਾਂਦੇ ਹੀ ਖੁੱਲ੍ਹ ਗਈ ਪੋਲ, 'ਤੇ ਫਿਰ...
Baggage Fees: ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਕੁੜੀਆਂ ਨੇ ਇਹ ਸਭ ਕੁਝ ਇਸ ਲਈ ਕੀਤਾ ਤਾਂ ਕਿ ਉਹ ਵਾਧੂ ਕੱਪੜਿਆਂ 'ਤੇ ਲਾਏ ਜਾਣ ਵਾਲੇ ਜੁਰਮਾਨੇ ਤੋਂ ਬਚ ਸਕਣ ਪਰ ਆਖਿਰਕਾਰ ਉਨ੍ਹਾਂ ਦੇ ਰਾਜ਼ ਦਾ ਪਰਦਾਫਾਸ਼ ਹੋ ਗਿਆ।
Luggage Check In Airport: ਫਲਾਈਟ 'ਚ ਸਫਰ ਕਰਨ ਲਈ ਕਈ ਨਿਯਮ ਕਾਨੂੰਨ ਬਣਾਏ ਗਏ ਹਨ। ਟਾਈਮ ਟੇਬਲ ਤੋਂ ਲੈ ਕੇ ਸਫ਼ਰ ਦੌਰਾਨ ਭਾਰ ਚੁੱਕਣ ਤੱਕ ਵੀ ਨਿਯਮ ਹਨ। ਜਦੋਂ ਤੁਸੀਂ ਫਲਾਈਟ ਵਿੱਚ ਸਫਰ ਕਰਦੇ ਸਮੇਂ ਜ਼ਿਆਦਾ ਭਾਰ ਲੈ ਕੇ ਜਾਂਦੇ ਹੋਂ ਤਾਂ ਇਹ ਘੱਟ ਕਰ ਦਿੱਤਾ ਜਾਂਦਾ ਹੈ। ਕਈ ਵਾਰ ਲੋਕ ਇਸ ਮਾਮਲੇ ਵਿੱਚ ਬੇਈਮਾਨੀ ਕਰਦੇ ਫੜੇ ਜਾਂਦੇ ਹਨ। ਇਸ ਦੌਰਾਨ ਉਨ੍ਹਾਂ ਨੂੰ ਜੁਰਮਾਨਾ ਲਗਾਇਆ ਜਾਂਦਾ ਹੈ।
ਦਰਅਸਲ, ਅਜਿਹਾ ਹੀ ਇੱਕ ਮਾਮਲਾ ਹਾਲ ਹੀ ਵਿੱਚ ਆਸਟ੍ਰੇਲੀਆ ਦੇ ਮੈਲਬੋਰਨ ਏਅਰਪੋਰਟ ਤੋਂ ਸਾਹਮਣੇ ਆਇਆ ਹੈ। ਇੱਥੇ ਦੋ ਲੜਕੀਆਂ ਨੇ ਧੋਖੇ ਨਾਲ ਯਾਤਰਾ ਵਿੱਚ ਜ਼ਿਆਦਾ ਭਾਰ ਲੈ ਕੇ ਜਾਣ ਦੀ ਯੋਜਨਾ ਬਣਾਈ ਸੀ, ਪਰ ਉਨ੍ਹਾਂ ਦੀ ਯੋਜਨਾ ਉਨ੍ਹਾਂ ਉੱਤੇ ਹੀ ਭਾਰੀ ਪੈ ਗਈ ਅਤੇ ਉਹ ਫੜੀਆਂ ਗਈਆਂ। ਆਸਟ੍ਰੇਲੀਅਨ ਮੀਡੀਆ ਦੀਆਂ ਰਿਪੋਰਟਾਂ ਅਨੁਸਾਰ ਹਵਾਈ ਅੱਡੇ 'ਤੇ ਦੋ ਕੁੜੀਆਂ ਨੇ ਵਾਧੂ ਖਰਚੇ ਤੋਂ ਬਚਣ ਲਈ 6 ਕਿਲੋਗ੍ਰਾਮ ਕੱਪੜੇ ਪਾ ਲਏ।
ਉਹਨਾਂ ਨੇ ਸੋਚਿਆ ਕਿ ਕੋਈ ਉਨ੍ਹਾਂ ਦੀ ਚਾਲ ਨਹੀਂ ਫੜ ਸਕੇਗਾ, ਪਰ ਉਸ ਦਾ ਰਾਜ਼ ਜਲਦ ਹੀ ਖੁੱਲ੍ਹ ਗਿਆ। ਭਾਵੇਂ ਉਹ ਚੰਗੀ ਤਰ੍ਹਾਂ ਜਾਣਦੀਆਂ ਸੀ ਕਿ 7 ਕਿਲੋ ਭਾਰ ਹੈਂਡ ਬੈਗ ਵਿੱਚ ਲਿਜਾਇਆ ਜਾ ਸਕਦਾ ਹੈ, ਫਿਰ ਵੀ ਉਹਨਾਂ ਨੇ ਅਜਿਹਾ ਕੀਤਾ। ਉਨ੍ਹਾਂ ਨੇ ਆਪਣੇ ਨਾਲ ਨਿਰਧਾਰਤ ਵਜ਼ਨ ਤੋਂ ਦੁੱਗਣਾ ਭਾਰ ਚੁੱਕਿਆ ਅਤੇ ਉੱਥੇ ਪਹੁੰਚ ਕੇ ਬਹੁਤ ਸਾਰੇ ਕੱਪੜੇ ਪਾ ਲਏ। ਦੱਸਿਆ ਜਾ ਰਿਹਾ ਹੈ ਕਿ ਉਹਨਾਂ ਨੇ 6 ਕਿਲੋ ਕੱਪੜੇ ਪਹਿਨਣ ਤੋਂ ਬਾਅਦ ਉਹ ਭਾਲੂ ਦੀ ਤਰ੍ਹਾਂ ਦਿਖਣ ਲੱਗੀਆਂ। ਉੱਥੇ ਮੌਜੂਦ ਹਰ ਕੋਈ ਉਸ ਨੂੰ ਦੇਖ ਕੇ ਹੱਸ ਪਿਆ। ਕੁਝ ਲੋਕ ਉਸ ਦੀ ਚਾਲ ਨੂੰ ਸਮਝ ਚੁੱਕੇ ਸਨ ਤੇ ਉਨ੍ਹਾਂ ਦੀ ਯੋਜਨਾ ਨੂੰ ਦੇਖ ਕੇ ਕਾਫ਼ੀ ਗੁੱਸੇ ਵਿਚ ਵੀ ਨਜ਼ਰ ਆ ਰਹੇ ਸਨ।
ਅੰਤ ਵਿੱਚ, ਫਲਾਈਟ ਵਿੱਚ ਸਵਾਰ ਹੋਣ ਤੋਂ ਪਹਿਲਾਂ ਹੀ, ਇੱਕ ਏਅਰਪੋਰਟ ਸਟਾਫ ਨੇ ਉਨ੍ਹਾਂ ਨੂੰ ਦੇਖਿਆ ਅਤੇ ਅਧਿਕਾਰੀਆਂ ਨੂੰ ਤੁਰੰਤ ਸੂਚਿਤ ਕੀਤਾ ਗਿਆ। ਉਹ ਦੋਵੇਂ ਲੜਕੀਆਂ ਫੜੀਆਂ ਗਈਆਂ ਅਤੇ ਉਨ੍ਹਾਂ ਨੂੰ ਫਲਾਈਟ 'ਚ ਸਵਾਰ ਹੋਣ ਤੋਂ ਰੋਕ ਦਿੱਤਾ ਗਿਆ। ਇਸ ਕੰਮ ਲਈ ਉਨ੍ਹਾਂ ਨੂੰ 65 ਡਾਲਰ ਭਾਵ ਕਰੀਬ 5,200 ਰੁਪਏ ਜੁਰਮਾਨਾ ਭਰਨਾ ਪਿਆ। ਦੱਸਿਆ ਗਿਆ ਕਿ ਦੋਵੇਂ ਲੜਕੀਆਂ ਮੈਲਬੌਰਨ ਦੀ ਯਾਤਰਾ ਤੋਂ ਬਾਅਦ ਐਡੀਲੇਡ ਵਾਪਸ ਆ ਰਹੀਆਂ ਸਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
