![ABP Premium](https://cdn.abplive.com/imagebank/Premium-ad-Icon.png)
21 ਸਾਲ ਲੋਕਾਂ ਨੂੰ ਸਜਾ ਸੁਣਾਉਂਦਾ ਰਿਹਾ, ਇਹ ਨਕਲੀ ਜੱਜ..
ਜੁਡੀਸ਼ਲ ਸਿਸਟਮ ਵਿੱਚ ਇਕ ਹੈਰਾਨ ਕਰਨ ਵਾਲਾ ਕੇਸ ਸਾਹਮਣੇ ਆਇਆ ਹੈ। ਤਾਮਿਲ ਨਾਡੂ ਵਿੱਚ ਇਕ ਵਿਅਕਤੀ ਲਾਅ ਦੀ ਡਿਗਰੀ ਦੇ ਬਿਨਾਂ ਹੀ ਕਰੀਬ 21 ਸਾਲ ਤੱਕ ਜ਼ੂਡੀਸ਼ਲ ਮੈਜਿਸਟਰੇਟ ਦੇ ਅਹੁਦੇ ਉੱਤੇ ਲੱਗਾ ਰਿਹਾ।
![21 ਸਾਲ ਲੋਕਾਂ ਨੂੰ ਸਜਾ ਸੁਣਾਉਂਦਾ ਰਿਹਾ, ਇਹ ਨਕਲੀ ਜੱਜ.. This fake judge has been sentencing people for 21 years 21 ਸਾਲ ਲੋਕਾਂ ਨੂੰ ਸਜਾ ਸੁਣਾਉਂਦਾ ਰਿਹਾ, ਇਹ ਨਕਲੀ ਜੱਜ..](https://static.abplive.com/wp-content/uploads/sites/5/2017/11/27100031/consumer-court-620x400.jpg?impolicy=abp_cdn&imwidth=1200&height=675)
ਚੇਨਈ- ਜੁਡੀਸ਼ਲ ਸਿਸਟਮ ਵਿੱਚ ਇਕ ਹੈਰਾਨ ਕਰਨ ਵਾਲਾ ਕੇਸ ਸਾਹਮਣੇ ਆਇਆ ਹੈ। ਤਾਮਿਲ ਨਾਡੂ ਵਿੱਚ ਇਕ ਵਿਅਕਤੀ ਲਾਅ ਦੀ ਡਿਗਰੀ ਦੇ ਬਿਨਾਂ ਹੀ ਕਰੀਬ 21 ਸਾਲ ਤੱਕ ਜ਼ੂਡੀਸ਼ਲ ਮੈਜਿਸਟਰੇਟ ਦੇ ਅਹੁਦੇ ਉੱਤੇ ਲੱਗਾ ਰਿਹਾ। ਇਸ ਦਾ ਖੁਲਾਸਾ ਉਦੋਂ ਹੋਇਆ, ਜਦੋਂ ਸ਼ੱਕ ਦੇ ਆਧਾਰ ਉੱਤੇ ਸੁਪਰੀਮ ਕੋਰਟ ਨੇ ਉਸ ਦੋਸ਼ੀ ਮੈਜਿਸਟਰੇਟ ਦੀ ਡਿਗਰੀ ਦੀ ਜਾਂਚ ਕਰਨ ਦੇ ਆਦੇਸ਼ ਦਿੱਤੇ। ਹੁਣ ਬਾਰ ਕੌਂਸਲ ਆਫ ਤਾਮਿਲ ਨਾਡੂ ਨੇ ਇਸ ਦੋਸ਼ੀ ਮਦੁਰੈ ਸ਼ਹਿਰ ਦੇ ਸਾਬਕਾ ਮੈਜਿਸਟਰੇਟ ਪੀ. ਨਟਰਾਜਨ ਦੇ ਖਿਲਾਫ ਜਾਂਚ ਟੀਮ ਬਣਾਈ ਹੈ
ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਦੋਸ਼ੀ ਜੱਜ ਹੁਣ ਰਿਟਾਇਰਮੈਂਟ ਮਗਰੋਂ ਪੈਨਸ਼ਨ ਨਹੀਂ ਲੈ ਰਿਹਾ, ਇਸ ਸਮੇਂ ਵਕੀਲ ਦੇ ਰੂਪ ਵਿੱਚ ਪ੍ਰੈਕਟਿਸ ਕਰ ਰਿਹਾ ਹੈ।ਬਾਰ ਕੌਂਸਲ ਨੇ ਨਟਰਾਜਨ ਨੂੰ ਨੋਟਿਸ ਜਾਰੀ ਕਰ ਕੇ ਜਵਾਬ ਮੰਗਿਆ ਹੈ ਕਿ ਕਿਉਂ ਨਾ ਉਨ੍ਹਾਂ ਦੀ ਵਕਾਲਤ ਦੀ ਰਜਿਸਟਰੇਸ਼ਨ ਰੱਦ ਕਰ ਦਿੱਤੀ ਜਾਵੇ। ਦੂਜੇ ਪਾਸੇ ਪੀ. ਨਟਰਾਜਨ ਨੇ ਨੋਟਿਸ ਦਾ ਜਵਾਬ ਦਿੰਦੇ ਹੋਏ ਕਿਹਾ, ‘ਮੇਰੇ ਨਾਲ ਇਸ ਤਰ੍ਹਾਂ ਦਾ ਵਤੀਰਾ ਕਰਨਾ ਗਲਤ ਹੋਵੇਗਾ। ਖਾਸ ਤੌਰ ਉੱਤੇ ਉਦੋਂ, ਜਦੋਂ ਮੈਂ 20 ਸਾਲ ਜੁਡੀਸ਼ਲ ਸੇਵਾ ਵਿੱਚ ਬਿਤਾਏ ਹਨ।’
ਆਪਣੇ ਜਵਾਬ ਵਿੱਚ ਨਟਰਾਜਨ ਨੇ ਕਿਹਾ ਕਿ ਉਨ੍ਹਾਂ ਨੇ ਮੈਸੂਰ ਯੂਨੀਵਰਸਿਟੀ ਨਾਲ ਜੁੜੇ ਸ਼ਾਰਦਾ ਲਾਅ ਕਾਲਜ ਤੋਂ ਬੀ ਜੀ ਐੱਲ ਦਾ ਕੋਰਸ ਕੀਤਾ ਸੀ। ਇਹ ਕੋਰਸ 2 ਸਾਲ ਦਾ ਸੀ, ਜੋ ਉਨ੍ਹਾਂ ਨੇ ਡਿਸਟੈਂਸ ਨਾਲ ਕੀਤਾ। ਉਨ੍ਹਾਂ ਦੱਸਿਆ ਕਿ ਕਾਨਵੋਕੇਸ਼ਨ ਦੌਰਾਨ ਇਹ ਨਹੀਂ ਦੱਸਿਆ ਗਿਆ ਕਿ ਇਸ ਡਿਗਰੀ ਦੀ ਵਰਤੋਂ ਸਿਰਫ ਅਕਾਦਮਿਕ ਉਦੇਸ਼ਾਂ ਲਈ ਕੀਤੀ ਜਾ ਸਕਦੀ ਹੈ, ਰੋਜ਼ਗਾਰ ਲਈ ਨਹੀਂ ਕੀਤੀ ਜਾ ਸਕਦੀ। ਵਰਨਣ ਯੋਗ ਹੈ ਕਿ ਪੀ. ਨਟਰਾਜਨ ਨੇ ਸਾਲ 1975 ਤੋਂ 1978 ਵਿਚਾਲੇ ਸ਼ਾਰਦਾ ਲਾਅ ਕਾਲਜ ਤੋਂ ਬੈਚਲਰ ਆਫ ਜਨਰਲ ਲਾਅ ਦੀ ਡਿਗਰੀ ਲਈ ਸੀ।
ਇਸ ਦੌਰਾਨ ਉਹ ਸ਼ੁਰੂ ਦੇ 2 ਸਾਲ ਡਿਸਟੈਂਸ ਸਿੱਖਿਆ ਲੈਂਦੇ ਰਹੇ।ਆਖਰੀ ਸਾਲ (ਤੀਜੇ ਸਾਲ) ਵਿੱਚ ਉਨ੍ਹਾਂ ਨੇ ਕਲਾਸਿਜ਼ ਅਟੈਂਡ ਕੀਤੀਆਂ। ਫਿਰ 15 ਫਰਵਰੀ 1982 ਨੂੰ ਜ਼ੂਡੀਸ਼ਲ ਮੈਜਿਸਟਰੇਟ ਚੁਣੇ ਗਏ ਤੇ 21 ਸਾਲ ਤੱਕ ਨੌਕਰੀ ਕਰਨ ਪਿੱਛੋਂ 30 ਜੂਨ 2003 ਨੂੰ ਆਪਣੇ ਅਹੁਦੇ ਤੋਂ ਰਿਟਾਇਰ ਵੀ ਹੋ ਗਏ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)