Viral Letter: 'ਸਾਬ੍ਹ ਛੁੱਟੀ ਦੇ ਦਿਓ, ਨਾਰਾਜ਼ ਪਤਨੀ ਨੂੰ ਮਨਾਉਣ ਲਈ ਸਹੁਰੇ ਘਰ ਜਾਣਾ ਹੈ' ਬਾਬੂ ਦੀ ਛੁੱਟੀ ਅਰਜ਼ੀ ਵਾਇਰਲ

ਅਰਜ਼ੀ 'ਚ ਬੀਐਸਏ ਤੋਂ ਛੁੱਟੀ ਦੀ ਬੇਨਤੀ ਕੀਤੀ ਗਈ ਹੈ। ਕਲਰਕ ਨੇ ਅਰਜ਼ੀ 'ਚ ਲਿਖਿਆ ਹੈ ਕਿ ਉਸ ਦੀ ਪਤਨੀ ਗੁੱਸੇ 'ਚ ਆਪਣੇ ਪੇਕੇ ਘਰ ਚਲੀ ਗਈ ਹੈ, ਉਸ ਨੂੰ ਵਾਪਸ ਲਿਆਉਣ ਲਈ ਤਿੰਨ ਦਿਨ ਦੀ ਛੁੱਟੀ ਚਾਹੀਦੀ ਹੈ।

Leave Application

Viral Leave Application: ਸੋਸ਼ਲ ਮੀਡੀਆ (Social Media) 'ਤੇ ਆਏ ਦਿਨ ਕੁਝ ਨਾ ਕੁਝ ਵਾਇਰਲ (Viral News) ਹੁੰਦਾ ਰਹਿੰਦਾ ਹੈ। ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਇਕ ਅਰਜ਼ੀ (Funny Leave Application) ਬਹੁਤ ਵਾਇਰਲ ਹੋ ਰਹੀ ਹੈ। ਇਹ ਅਰਜ਼ੀ ਯੂਪੀ ਦੇ ਕਾਨਪੁਰ ਸਥਿੱਤ ਬੀਐਸਏ ਦਫ਼ਤਰ ਦੇ ਕਲਰਕ ਨੇ ਅਧਿਕਾਰੀਆਂ ਨੂੰ ਲਿਖੀ ਹੈ। ਅਰਜ਼ੀ 'ਚ ਬੀਐਸਏ ਤੋਂ ਛੁੱਟੀ ਦੀ ਬੇਨਤੀ ਕੀਤੀ ਗਈ ਹੈ। ਕਲਰਕ ਨੇ ਅਰਜ਼ੀ 'ਚ ਲਿਖਿਆ ਹੈ ਕਿ ਉਸ ਦੀ ਪਤਨੀ ਗੁੱਸੇ 'ਚ ਆਪਣੇ ਪੇਕੇ ਘਰ ਚਲੀ ਗਈ ਹੈ, ਉਸ ਨੂੰ ਵਾਪਸ ਲਿਆਉਣ ਲਈ ਤਿੰਨ ਦਿਨ ਦੀ ਛੁੱਟੀ ਚਾਹੀਦੀ ਹੈ।

ਪਤਨੀ ਗੁੱਸੇ 'ਚ ਆ ਕੇ ਚਲੀ ਗਈ ਘਰ

ਜਾਣਕਾਰੀ ਅਨੁਸਾਰ ਇਹ ਦਿਲਚਸਪ ਚਿੱਠੀ ਕਾਨਪੁਰ ਸਥਿੱਤ ਬੀਐਸਏ ਦਫ਼ਤਰ ਦੇ ਕਲਰਕ ਸ਼ਮਸ਼ਾਦ ਅਹਿਮਦ ਨੇ ਲਿਖੀ ਹੈ। ਤਿੰਨ ਦਿਨ ਦੀ ਛੁੱਟੀ ਦੀ ਮੰਗ ਕਰਦੇ ਚਿੱਠੀ 'ਚ ਕਲਰਕ ਨੇ ਲਿਖਿਆ ਹੈ ਕਿ ਇੱਕ ਸਾਲ ਤੋਂ ਛੁੱਟੀ ਨਾ ਮਿਲਣ ਕਾਰਨ ਪਤਨੀ ਦੀ ਨਾਰਾਜ਼ਗੀ ਹੋਰ ਵੱਧ ਗਈ ਹੈ। ਇਸ ਲਈ ਉਹ ਬੱਚਿਆਂ ਨੂੰ ਲੈ ਕੇ ਘਰ ਚਲੀ ਗਈ ਹੈ। ਕਲਰਕ ਦੀ ਇਹ ਵਿਸ਼ੇਸ਼ ਛੁੱਟੀ ਦੀ ਅਰਜ਼ੀ ਹੁਣ ਪੂਰੇ ਵਿਭਾਗ 'ਚ ਚਰਚਾ ਦਾ ਵਿਸ਼ਾ ਬਣ ਗਈ ਹੈ।

ਚਿੱਠੀ 'ਚ ਲਿਖੀ ਗਈ ਹੈ ਇਹ ਗੱਲ

ਕਲਰਕ ਸ਼ਮਸ਼ਾਦ ਨੇ ਆਪਣੀ ਚਿੱਠੀ 'ਚ ਲਿਖਿਆ, "ਸ੍ਰੀ ਮਾਨ ਜੀ, ਪਤਨੀ ਨੂੰ ਉਸ ਦੇ ਪੇਕੇ ਘਰ ਤੋਂ ਲਿਆਉਣ ਲਈ ਛੁੱਟੀ ਦੀ ਅਰਜ਼ੀ ਦੇ ਸਬੰਧ 'ਚ। ਉਪਰੋਕਤ ਵਿਸ਼ੇ ਦੇ ਸਬੰਧ 'ਚ ਇਹ ਤੁਹਾਡੇ ਧਿਆਨ 'ਚ ਲਿਆਉਣਾ ਹੈ ਕਿ ਪਤਨੀ ਨਾਲ ਪ੍ਰੇਮ ਸਬੰਧਾਂ ਨੂੰ ਲੈ ਕੇ ਕੁਝ ਝਗੜਾ ਚੱਲ ਰਿਹਾ ਸੀ। ਪਤਨੀ ਵੱਡੀ ਧੀ ਅਤੇ 2 ਬੱਚਿਆਂ ਨਾਲ ਪੇਕੇ ਘਰ ਗਈ ਹੋਈ ਹੈ, ਜਿਸ ਕਾਰਨ ਬਿਨੈਕਾਰ ਮਾਨਸਿਕ ਤੌਰ 'ਤੇ ਦੁਖੀ ਹੈ। ਉਸ ਨੂੰ ਆਪਣੇ ਪੇਕੇ ਘਰ ਤੋਂ ਲਿਆਉਣ ਲਈ ਪਿੰਡ ਜਾਣਾ ਪੈ ਰਿਹਾ ਹੈ। ਇਸ ਲਈ ਤੁਹਾਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਕਿਰਪਾ ਕਰਕੇ ਬਿਨੈਕਾਰ ਨੂੰ ਤਿੰਨ ਦਿਨਾਂ ਦੀ ਛੁੱਟੀ ਸਵੀਕਾਰ ਕਰਕੇ ਸਟੇਸ਼ਨ ਛੱਡਣ ਦੀ ਆਗਿਆ ਦਿੱਤੀ ਜਾਵੇ।"

ਪਹਿਲਾਂ ਵੀ ਮੰਗ ਚੁੱਕਾ ਹੈ ਛੁੱਟੀ

ਕਲਰਕ ਦੀ ਛੁੱਟੀ ਦੀ ਅਰਜ਼ੀ ਹੁਣ ਸੋਸ਼ਲ ਮੀਡੀਆ 'ਤੇ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸ਼ਮਸ਼ਾਦ ਪਹਿਲਾਂ ਵੀ ਕਈ ਵਾਰ ਛੁੱਟੀ ਲਈ ਅਪਲਾਈ ਕਰ ਚੁੱਕੀ ਹੈ। ਪਰ ਉਸ ਦੀ ਸੁਣਵਾਈ ਨਹੀਂ ਹੋ ਰਹੀ ਸੀ। ਇਸ ਤੋਂ ਬਾਅਦ ਉਸ ਨੇ ਪ੍ਰੇਸ਼ਾਨ ਹੋ ਕੇ ਇਹ ਚਿੱਠੀ ਲਿਖ ਕੇ ਅਧਿਕਾਰੀਆਂ ਨੂੰ ਸਾਰੀ ਸੱਚਾਈ ਦੱਸ ਦਿੱਤੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਸ਼ਮਸ਼ਾਦ ਅਹਿਮਦ ਨੂੰ ਛੁੱਟੀ ਮਿਲ ਗਈ ਹੈ ਅਤੇ ਉਹ ਆਪਣੀ ਪਤਨੀ ਨੂੰ ਮਨਾਉਣ ਲਈ ਆਪਣੇ ਸਹੁਰੇ ਘਰ ਰਵਾਨਾ ਹੋ ਗਿਆ ਹੈ।