(Source: ECI/ABP News)
Viral Video: ਫੋਨ ‘ਚ Busy ਹੋਈ ਮਾਂ ਨੇ ਸਬਜ਼ੀ ਦੀ ਥਾਂ ਬੱਚੇ ਨੂੰ ਫਰਿੱਜ ‘ਚ ਕਰ ਦਿੱਤਾ ਬੰਦ
ਅਜਿਹਾ ਹੀ ਇਕ ਵਾਕਾ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਇਕ ਵੀਡੀਓ ‘ਚ ਦੇਖਣ ਨੂੰ ਮਿਲ ਰਿਹਾ ਹੈ, ਜਿਸ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਇਕ ਔਰਤ ਫੋਨ ‘ਤੇ ਇੰਨੀ ਰੁੱਝੀ ਹੋਈ ਹੈ ਕਿ ਸਬਜ਼ੀ ਫਰਿੱਜ ‘ਚ ਰੱਖਣ ਦੀ ਬਜਾਏ ਆਪਣੇ ਮਾਸੂਮ ਬੱਚੇ ਨੂੰ ਫਰਿੱਜ ‘ਚ ਰੱਖ ਰਹੀ ਹੈ।
ਸਮਾਰਟਫੋਨਾਂ ਨੇ ਲੋਕਾਂ ਨੂੰ ਆਪਣਾ ਗੁਲਾਮ ਬਣਾ ਲਿਆ ਹੈ। ਪਿਛਲੇ ਕੁਝ ਸਾਲਾਂ ਵਿੱਚ ਇਸ ਦਾ ਚਲਨ ਬਹੁਤ ਤੇਜ਼ੀ ਨਾਲ ਵਧਿਆ ਅਤੇ ਕੋਵਿਡ-19 ਕਾਰਨ ਲੱਗੇ ਲਾਕਡਾਊਨ ਨੇ ਸਮਾਰਟਫੋਨਾਂ ਦੀ ਲੱਤ ਨੂੰ ਆਪਣੇ ਚਰਮ ਉਤੇ ਪਹੁੰਚਾ ਦਿੱਤਾ। ਕਈ ਲੋਕ ਸਮਾਰਟ ਫੋਨ ਦੇ ਇੰਨੇ ਦੀਵਾਨੇ ਹੋ ਜਾਂਦੇ ਹਨ ਕਿ ਉਨ੍ਹਾਂ ਨੂੰ ਖੁਦ ਹੀ ਪਤਾ ਨਹੀਂ ਹੁੰਦਾ ਕਿ ਉਹ ਕੀ ਕਰ ਰਹੇ ਹਨ। ਬਹੁਤ ਸਾਰੇ ਲੋਕ ਸਮਾਰਟ ਫੋਨ ਦੀ ਲਤ ਕਾਰਨ ਬਹੁਤ ਜ਼ਿਆਦਾ ਨੁਕਸਾਨ ਕਰ ਬੈਠਦੇ ਹਨ ਅਤੇ ਉਨ੍ਹਾਂ ਨੂੰ ਇਸ ਦਾ ਅਹਿਸਾਸ ਵੀ ਨਹੀਂ ਹੁੰਦਾ। ਅਜਿਹਾ ਹੀ ਇਕ ਵਾਕਾ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਇਕ ਵੀਡੀਓ ‘ਚ ਦੇਖਣ ਨੂੰ ਮਿਲ ਰਿਹਾ ਹੈ, ਜਿਸ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਇਕ ਔਰਤ ਫੋਨ ‘ਤੇ ਇੰਨੀ ਰੁੱਝੀ ਹੋਈ ਹੈ ਕਿ ਸਬਜ਼ੀ ਫਰਿੱਜ ‘ਚ ਰੱਖਣ ਦੀ ਬਜਾਏ ਆਪਣੇ ਮਾਸੂਮ ਬੱਚੇ ਨੂੰ ਫਰਿੱਜ ‘ਚ ਰੱਖ ਰਹੀ ਹੈ।
ਅਸਲ ‘ਚ ਵਾਇਰਲ ਹੋ ਰਹੀ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਕਿਵੇਂ ਇਕ ਔਰਤ ਫੋਨ ਦੀ ਵਰਤੋਂ ਕਰਦੇ ਹੋਏ ਘਰ ਦੇ ਕੰਮ ‘ਚ ਲੱਗੀ ਹੋਈ ਹੈ। ਇਸ ਦੌਰਾਨ ਉਸ ਦਾ ਛੋਟਾ ਬੱਚਾ ਵੀ ਉਸ ਦੇ ਨੇੜੇ ਖੇਡ ਰਿਹਾ ਹੈ। ਔਰਤ ਸਬਜ਼ੀ ਕੱਟ ਰਹੀ ਹੈ ਅਤੇ ਬੱਚੇ ਦੇ ਕੋਲ ਬੈਠ ਕੇ ਫ਼ੋਨ ‘ਤੇ ਗੱਲ ਕਰ ਰਹੀ ਹੈ। ਫੋਨ ‘ਤੇ ਗੱਲ ਕਰਦੇ ਸਮੇਂ ਔਰਤ ਆਪਣੇ ਬੱਚੇ ਨੂੰ ਚੁੱਕ ਕੇ ਸਬਜ਼ੀ ਦੀ ਬਜਾਏ ਫਰਿੱਜ ‘ਚ ਰੱਖ ਦਿੰਦੀ ਹੈ।
ਇਸ ਤੋਂ ਬਾਅਦ ਵੀ ਉਸ ਨੂੰ ਇਸ ਗੱਲ ਦਾ ਅਹਿਸਾਸ ਨਹੀਂ ਹੋਇਆ ਅਤੇ ਉਹ ਫੋਨ ‘ਤੇ ਗੱਲ ਕਰਦੀ ਰਹੀ। ਵੀਡੀਓ ‘ਚ ਔਰਤ ਦਾ ਪਤੀ ਨਜ਼ਰ ਆ ਰਿਹਾ ਹੈ, ਜਿਸ ਨੂੰ ਬੱਚੇ ਦੇ ਰੋਣ ਦੀ ਆਵਾਜ਼ ਸੁਣ ਕੇ ਸ਼ੱਕ ਹੋ ਗਿਆ। ਹਰ ਪਾਸੇ ਭਾਲ ਕਰਨ ਤੋਂ ਬਾਅਦ, ਆਖਰਕਾਰ ਉਨ੍ਹਾਂ ਨੇ ਆਪਣੇ ਬੱਚੇ ਨੂੰ ਫਰਿੱਜ ਵਿੱਚੋਂ ਬਾਹਰ ਕੱਢਿਆ। ਇਹ ਵੀਡੀਓ ਹੁਣ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਹਾਲਾਂਕਿ ਇਹ ਵੀਡੀਓ ਜਾਗਰੂਕਤਾ ਫੈਲਾਉਣ ਦੇ ਲਿਹਾਜ਼ ਨਾਲ ਬਣਾਈ ਗਈ ਜਾਪਦੀ ਹੈ।
ਲੋਕਾਂ ਦੇ ਪ੍ਰਤੀਕਰਮ
ਵੀਡੀਓ ਨੂੰ ਪ੍ਰੋ ਚੀਮਸ ਓਮ ਨਾਮ ਦੇ ਟਵਿਟਰ ਅਕਾਊਂਟ ਤੋਂ ਸ਼ੇਅਰ ਕੀਤਾ ਗਿਆ ਹੈ। ਜਿਸ ਨੂੰ ਹੁਣ ਤੱਕ 10 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ ਅਤੇ ਕਰੀਬ 4 ਹਜ਼ਾਰ ਵਾਰ ਲਾਈਕ ਕੀਤਾ ਜਾ ਚੁੱਕਾ ਹੈ। ਇਸ ‘ਤੇ ਯੂਜ਼ਰਸ ਆਪਣੀ-ਆਪਣੀ ਪ੍ਰਤੀਕਿਰਿਆ ਦਿੰਦੇ ਨਜ਼ਰ ਆ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ…ਮੈਨੂੰ ਇਹ ਸਭ ਮਜ਼ਾਕ ਲੱਗ ਰਿਹਾ ਹੈ। ਇਕ ਹੋਰ ਯੂਜ਼ਰ ਨੇ ਲਿਖਿਆ… ਚੰਗਾ ਹੋਇਆ ਕਿ ਪਤੀ ਨੇ ਆ ਕੇ ਬੱਚੇ ਦੀ ਜਾਨ ਬਚਾਈ। ਤਾਂ ਇੱਕ ਹੋਰ ਯੂਜ਼ਰ ਨੇ ਲਿਖਿਆ…ਇਹ ਸਕ੍ਰਿਪਟਡ ਵੀਡੀਓ ਹੈ।
Note: ABP ਸਾਂਝਾ ਇਸ ਵੀਡੀਓ ਦੀ ਪ੍ਰਮਾਣਿਕਤਾ ਦੀ ਪੁਸ਼ਟੀ ਨਹੀਂ ਕਰਦਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
