ਕੱਲ੍ਹ ਤੋਂ ਅਗਲੇ ਨੌ ਦਿਨਾਂ ਤੱਕ ਪਵੇਗੀ ਭਿਆਨਕ ਗਰਮੀ, ਹੋ ਜਾਓ ਸਾਵਧਾਨ, ਜਾਣੋ ਕੀ ਕਰਨਾ ਅਤੇ ਕੀ ਨਹੀਂ
Nautapa 2025: ਨੌਤਪਾ ਦੀ ਸ਼ੁਰੂਆਤ ਐਤਵਾਰ 25 ਮਈ, 2025 ਤੋਂ ਹੋ ਰਹੀ ਹੈ। ਅਗਲੇ 9 ਦਿਨਾਂ ਤੱਕ ਲੋਕਾਂ ਨੂੰ ਭਾਰੀ ਗਰਮੀ ਦਾ ਸਾਹਮਣਾ ਕਰਨਾ ਪਵੇਗਾ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਤੁਹਾਨੂੰ ਕੀ ਕਰਨਾ ਚਾਹੀਦਾ ਅਤੇ ਕੀ ਨਹੀਂ।
Nautapa 2025: ਕੱਲ੍ਹ ਤੋਂ 25 ਮਈ ਤੋਂ ਨੌਤਪਾ ਸ਼ੁਰੂ ਹੋ ਰਿਹਾ ਹੈ ਭਾਵ ਕਿ ਕੜਾਕੇ ਦੀ ਗਰਮੀ ਪੈਣ ਵਾਲੀ ਹੈ। ਪਰ ਇਸ ਦੌਰਾਨ ਤੁਸੀਂ ਆਪਣਾ ਖਿਆਲ ਕਿਵੇਂ ਰੱਖਣਾ ਹੈ, ਇਸ ਬਾਰੇ ਅਸੀਂ ਤੁਹਾਨੂੰ ਦੱਸਦੇ ਹਾਂ।
ਨੌਤਪਾ ਕੀ ਹੁੰਦਾ?
ਨੌਤਪਾ ਦਾ ਅਰਥ ਹੈ ਨੌਂ ਦਿਨ ਪੂਰੀ ਗਰਮੀ ਰਹੇਗੀ। ਇਸ ਦੌਰਾਨ ਸੂਰਜ ਦੀਆਂ ਕਿਰਨਾਂ ਸਿੱਧੀਆਂ ਧਰਤੀ 'ਤੇ ਪੈਂਦੀਆਂ ਹਨ। ਸੂਰਜ ਦੀ ਗਰਮੀ ਬਹੁਤ ਮਹਿਸੂਸ ਹੁੰਦੀ ਹੈ। ਨੌਤਪਾ ਹਰ ਸਾਲ ਜੇਠ ਮਹੀਨੇ ਵਿੱਚ ਆਉਂਦਾ ਹੈ। ਇਸ ਦੌਰਾਨ ਸੂਰਜ ਰੋਹਿਣੀ ਨਕਸ਼ਤਰ ਵਿੱਚ ਪ੍ਰਵੇਸ਼ ਕਰਦਾ ਹੈ। ਨੌਤਪਾ ਦੌਰਾਨ, ਸੂਰਜ ਦੀ ਗਰਮੀ ਨੌਂ ਦਿਨਾਂ ਲਈ ਆਪਣੇ ਸਿਖਰ 'ਤੇ ਹੁੰਦੀ ਹੈ।
ਕਦੋਂ ਤੋਂ ਲੱਗ ਰਿਹਾ ਨੌਤਪਾ?
ਸੂਰਜ 25 ਮਈ, ਐਤਵਾਰ ਨੂੰ ਸਵੇਰੇ 9.40 ਵਜੇ ਰੋਹਿਣੀ ਨਕਸ਼ਤਰ ਵਿੱਚ ਪ੍ਰਵੇਸ਼ ਕਰੇਗਾ।
ਰੋਹਿਣੀ ਨਕਸ਼ਤਰ ਨੂੰ ਚੰਦਰਮਾ ਦਾ ਤਾਰਾਮੰਡਲ ਕਿਹਾ ਜਾਂਦਾ ਹੈ, ਅਜਿਹੀ ਸਥਿਤੀ ਵਿੱਚ ਜਦੋਂ ਸੂਰਜ ਰੋਹਿਣੀ ਨਕਸ਼ਤਰ ਵਿੱਚ ਪ੍ਰਵੇਸ਼ ਕਰਦਾ ਹੈ, ਤਾਂ ਚੰਦਰਮਾ ਦੀ ਠੰਢਕ ਘੱਟ ਜਾਂਦੀ ਹੈ।
ਸੂਰਜ 8 ਜੂਨ, 2025 ਤੱਕ ਰੋਹਿਣੀ ਨਕਸ਼ਤਰ ਵਿੱਚ ਰਹੇਗਾ ਅਤੇ ਉਸ ਤੋਂ ਬਾਅਦ ਮ੍ਰਿਗਸਿਰਾ ਨਕਸ਼ਤਰ ਵਿੱਚ ਚਲੇ ਜਾਵੇਗਾ।
ਨੌਤਪਾ 2 ਜੂਨ, 2025 ਨੂੰ ਖਤਮ ਹੋਵੇਗਾ। ਇਸ ਤੋਂ ਬਾਅਦ, ਸੂਰਜ ਦੇ ਪ੍ਰਕੋਪ ਤੋਂ ਕੁਝ ਰਾਹਤ ਮਿਲੇਗੀ।
ਨੌਤਪਾ ਦੌਰਾਨ ਕੀ ਕਰਨਾ ਚਾਹੀਦਾ ਅਤੇ ਕੀ ਨਹੀਂ?
ਨੌਤਪਾ ਦੌਰਾਨ ਸੂਰਜ ਰੋਹਿਣੀ ਨਕਸ਼ਤਰ ਵਿੱਚ ਰਹਿੰਦਾ ਹੈ। ਨਤੀਜੇ ਵਜੋਂ, ਸੂਰਜ ਦੀਆਂ ਸਿੱਧੀਆਂ ਕਿਰਨਾਂ ਧਰਤੀ 'ਤੇ ਪੈਂਦੀਆਂ ਹਨ। ਇਸ ਦੌਰਾਨ ਸੂਰਜ ਦੀ ਚਮਕ ਆਪਣੇ ਸਿਖਰ 'ਤੇ ਹੋਵੇਗੀ।
ਇਸ ਸਮੇਂ ਦੌਰਾਨ, ਨਾਰੀਅਲ ਪਾਣੀ ਪੀਓ ਅਤੇ ਠੰਡੀਆਂ ਚੀਜ਼ਾਂ ਦਾ ਸੇਵਨ ਕਰੋ।
ਬਹੁਤ ਜ਼ਿਆਦਾ ਗਰਮੀ ਤੋਂ ਆਪਣੇ ਆਪ ਨੂੰ ਬਚਾਉਣ ਲਈ, ਦਹੀਂ, ਮੱਖਣ, ਦੁੱਧ ਅਤੇ ਲੱਸੀ ਦੀ ਜ਼ਿਆਦਾ ਵਰਤੋਂ ਕਰੋ।
ਨੌਤਪਾ ਦੌਰਾਨ ਔਰਤਾਂ ਮਹਿੰਦੀ ਲਗਾ ਸਕਦੀਆਂ ਹਨ, ਮਹਿੰਦੀ ਲਗਾਉਣ ਨਾਲ ਸਰੀਰ ਨੂੰ ਠੰਢਕ ਮਿਲਦੀ ਹੈ।
ਇਸ ਦੇ ਨਾਲ ਹੀ ਨਾਰੀਅਲ ਪਾਣੀ ਅਤੇ ਹੋਰ ਠੰਢਕ ਵਾਲੀਆਂ ਚੀਜ਼ਾਂ ਦਾ ਵੀ ਸੇਵਨ ਕੀਤਾ ਜਾਂਦਾ ਹੈ।
ਨੌਤਪਾ ਦੌਰਾਨ ਸੂਰਜ ਦੇਵਤਾ ਦੀ ਪੂਜਾ ਕਰੋ।
ਹਰ ਰੋਜ਼ ਸਵੇਰੇ ਉੱਠ ਕੇ ਸੂਰਜ ਦੇਵਤਾ ਨੂੰ ਅਰਘ ਦਿਓ ਅਤੇ ਓਮ ਸੂਰਿਆਦੇਵਯ ਨਮ: ਦਾ ਜਾਪ ਕਰੋ।
ਨੌਤਪਾ ਦੇ ਦਿਨਾਂ ਦੌਰਾਨ ਯਾਤਰਾ ਕਰਦੇ ਸਮੇਂ ਖਾਸ ਸਾਵਧਾਨੀ ਵਰਤਣੀ ਚਾਹੀਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
