ਘੱਟ ਪੈਸਿਆਂ 'ਚ ਲਓ ਲਗਜ਼ਰੀ ਦਾ ਮਜ਼ਾ, 8 ਲੱਖ ਤੋਂ ਵੀ ਘੱਟ ਕੀਮਤ 'ਚ ਆਹ ਕਾਰਾਂ ਜਿੱਤ ਰਹੀਆਂ ਤੁਹਾਡਾ ਦਿਲ
Best Cars Under 8 Lakh: ਹਰ ਕਿਸੇ ਦਾ ਸੁਪਨਾ ਹੁੰਦਾ ਹੈ ਕਿ ਉਸ ਕੋਲ ਆਪਣੀ ਕਾਰ ਹੋਵੇ, ਪਰ ਕਈ ਵਾਰ ਬਜਟ ਕਰਕੇ ਤੁਸੀਂ ਲੈ ਨਹੀਂ ਪਾਉਂਦੇ ਹੋ। ਹਾਲਾਂਕਿ, ਹੁਣ ਅਜਿਹੀਆਂ ਕਾਰਾਂ ਮਿਲ ਰਹੀਆਂ ਹਨ, ਜਿਨ੍ਹਾਂ ਦੀ ਕੀਮਤ 8 ਲੱਖ ਤੋਂ ਘੱਟ ਹੈ।
Best Cars Under 8 Lakh: ਹਰ ਕਿਸੇ ਦਾ ਸੁਪਨਾ ਹੁੰਦਾ ਹੈ ਕਿ ਉਸ ਕੋਲ ਆਪਣੀ ਕਾਰ ਹੋਵੇ, ਪਰ ਕਈ ਵਾਰ ਬਜਟ ਕਰਕੇ ਤੁਸੀਂ ਲੈ ਨਹੀਂ ਪਾਉਂਦੇ ਹੋ। ਪਰ ਹੁਣ ਤੁਸੀਂ ਆਪਣੇ ਸੁਪਨੇ ਨੂੰ ਪੂਰਾ ਕਰ ਸਕਦੇ ਹੋ। ਕਿਉਂਕਿ ਹੁਣ ਭਾਰਤੀ ਆਟੋ ਬਜ਼ਾਰ ਵਿੱਚ ਕਿਫਾਇਤੀ ਕਾਰਾਂ ਮਿਲ ਰਹੀਆਂ ਹਨ, ਜਿਨ੍ਹਾਂ ਦੀ ਕੀਮਤ 8 ਲੱਖ ਤੋਂ ਘੱਟ ਹੈ। ਤਾਂ ਫਿਰ ਦੇਰ ਕਿਸ ਗੱਲ ਦੀ, ਅਸੀਂ ਤੁਹਾਨੂੰ ਦੱਸਦੇ ਹਾਂ ਕੁਝ ਅਜਿਹੀਆਂ ਕਾਰਾਂ ਬਾਰੇ, ਜਿਹੜੀਆਂ ਤੁਹਾਡੇ ਬਜਟ ਦੇ ਮੁਤਾਬਕ ਹਨ।
ਭਾਰਤੀ ਖਪਤਕਾਰਾਂ ਵਿੱਚ ਕੰਪੈਕਟ SUV ਦਾ ਕ੍ਰੇਜ਼ ਲਗਾਤਾਰ ਵਧਦਾ ਜਾ ਰਿਹਾ ਹੈ ਅਤੇ ਇਸੇ ਕਰਕੇ ਟਾਟਾ ਪੰਚ ਅਤੇ ਹੁੰਡਈ ਐਕਸਟਰ ਵਰਗੀਆਂ ਕਾਰਾਂ ਤੇਜ਼ੀ ਨਾਲ ਮਸ਼ਹੂਰ ਹੋ ਰਹੀਆਂ ਹਨ। ਟਾਟਾ ਪੰਚ ਆਪਣੀ ਮਜ਼ਬੂਤ ਸੇਫਟੀ, ਉੱਚੇ ਗਰਾਊਂਡ ਕਲੀਅਰੈਂਸ ਅਤੇ SUV ਵਰਗੀ ਰੋਡ ਪ੍ਰੈਜੇਂਸ ਲਈ ਜਾਣੀ ਜਾਂਦੀ ਹੈ। ਇਸਦੀ ਸ਼ੁਰੂਆਤੀ ਕੀਮਤ ਲਗਭਗ ₹6.12 ਲੱਖ ਹੈ ਅਤੇ ਇਸਨੂੰ 5-ਸਟਾਰ ਰੇਟਿੰਗ ਵੀ ਮਿਲ ਚੁੱਕੀ ਹੈ।
ਦੂਜੇ ਪਾਸੇ, ਹੁੰਡਈ ਐਕਸਟਰ ਉਨ੍ਹਾਂ ਲੋਕਾਂ ਨੂੰ ਪਸੰਦ ਆ ਰਹੀ ਹੈ ਜਿਹੜੀਆਂ ਬਜਟ ਵਿੱਚ ਪ੍ਰੀਮੀਅਮ ਵਿਸ਼ੇਸ਼ਤਾਵਾਂ ਚਾਹੁੰਦੇ ਹਨ। ਸਨਰੂਫ, ਡੈਸ਼ਕੈਮ ਅਤੇ ਛੇ ਏਅਰਬੈਗ ਵਰਗੀਆਂ ਵਿਸ਼ੇਸ਼ਤਾਵਾਂ ਇਸਨੂੰ ਵਿਲੱਖਣ ਬਣਾਉਂਦੀਆਂ ਹਨ। ਦੋਵੇਂ ਕਾਰਾਂ ਸ਼ਹਿਰ ਅਤੇ ਹਾਈਵੇਅ ਦੋਵਾਂ ਵਿੱਚ ਇੱਕ ਵਧੀਆ ਡਰਾਈਵਿੰਗ ਦਾ ਐਕਸਪੀਰੀਅੰਸ ਦਿੰਦਿਆਂ ਹਨ। ਇਹੀ ਕਾਰਨ ਹੈ ਕਿ ਨੌਜਵਾਨ ਖਰੀਦਦਾਰਾਂ ਅਤੇ ਲੋਕਾਂ ਵਿੱਚ ਇਸ ਦੀ ਡਿਮਾਂਡ ਵਧਦੀ ਜਾ ਰਹੀ ਹੈ।
ਜੇਕਰ ਤੁਹਾਡੀ ਤਰਜੀਹ ਜ਼ਿਆਦਾ ਮਾਈਲੇਜ ਅਤੇ ਘੱਟ ਰੱਖ-ਰਖਾਅ ਵਾਲੀਆਂ ਕਾਰਾਂ ਲਈ ਹੈ, ਤਾਂ ਮਾਰੂਤੀ ਸੁਜ਼ੂਕੀ ਸਵਿਫਟ ਸਭ ਤੋਂ ਭਰੋਸੇਮੰਦ ਵਿਕਲਪਾਂ ਵਿੱਚੋਂ ਇੱਕ ਹੈ। ਸਵਿਫਟ ਆਪਣੇ ਸਪੋਰਟੀ ਡਿਜ਼ਾਈਨ, ਬਿਹਤਰ ਇੰਜਣ ਅਤੇ ਸ਼ਾਨਦਾਰ ਬਾਲਣ ਕੁਸ਼ਲਤਾ ਨਾਲ ਗਾਹਕਾਂ ਨੂੰ ਆਕਰਸ਼ਿਤ ਕਰ ਰਹੀ ਹੈ। ਇਸਦੀ ਸ਼ੁਰੂਆਤੀ ਕੀਮਤ ਲਗਭਗ ₹6.49 ਲੱਖ ਹੈ। ਵੱਡੇ ਪਰਿਵਾਰਾਂ ਲਈ, ਰੇਨੋ ਟ੍ਰਾਈਬਰ ਇੱਕ ਵਧੀਆ ਵਿਕਲਪ ਹੈ।
ਇਹ ਦੇਸ਼ ਦੀਆਂ ਸਭ ਤੋਂ ਕਿਫਾਇਤੀ 7-ਸੀਟਰ ਕਾਰਾਂ ਵਿੱਚੋਂ ਇੱਕ ਹੈ, ਜਿਸ ਵਿੱਚ ਐਡਜਸਟੇਬਲ ਜਾਂ ਰਿਮੂਵੇਬਲ ਸੀਟਾਂ ਹਨ। ਇਸਦਾ ਕੈਬਿਨ ਬਹੁਤ ਹੀ ਵਿਹਾਰਕ ਹੈ ਅਤੇ ਲੌਂਗ ਟੂਰ ਲਈ ਬਹੁਤ ਆਰਾਮਦਾਇਕ ਹੈ।
ਨੋਟ : - ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ ।
Before You Go
Stubble Burning ਨੂੰ ਲੈ ਕੇ ਡਿਪਟੀ ਕਮਿਸ਼ਨਰ ਨੇ ਜਾਰੀ ਕੀਤੀ ਹਦਾਇਤ | Paddy
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
