ਸਾਵਧਾਨ! ਜੇ ਹਾਲੇ ਨਹੀਂ ਕੀਤਾ, ਤਾਂ ਅੱਜ ਹੀ ਕਰੋ ਡ੍ਰਾਈਵਿੰਗ ਲਾਇਸੈਂਸ ਨੂੰ ਆਧਾਰ ਕਾਰਡ ਨਾਲ ਲਿੰਕ, ਜਾਣੋ ਪੂਰਾ ਪ੍ਰੋਸੈੱਸ

ਆਧਾਰ ਕਾਰਡ ਨੂੰ ਹੁਣ ਤਕਰੀਬਨ ਹਰ ਦਸਤਾਵੇਜ਼ ਨਾਲ ਲਿੰਕ ਕੀਤਾ ਜਾ ਰਿਹਾ ਹੈ। ਪੈਨ ਕਾਰਡ ਤੇ ਹੋਰ ਦਸਤਾਵੇਜ਼ਾਂ ਨਾਲ, ਸਰਕਾਰ ਨੇ ਡ੍ਰਾਈਵਿੰਗ ਲਾਇਸੈਂਸ ਨੂੰ ਆਧਾਰ ਨਾਲ ਜੋੜਨ ਲਈ ਵੀ ਕਿਹਾ ਹੈ।

aadhar_driving_licence

ਨਵੀਂ ਦਿੱਲੀ: ਆਧਾਰ ਕਾਰਡ ਨੂੰ ਹੁਣ ਤਕਰੀਬਨ ਹਰ ਦਸਤਾਵੇਜ਼ ਨਾਲ ਲਿੰਕ ਕੀਤਾ ਜਾ ਰਿਹਾ ਹੈ। ਪੈਨ ਕਾਰਡ ਤੇ ਹੋਰ ਦਸਤਾਵੇਜ਼ਾਂ ਨਾਲ, ਸਰਕਾਰ ਨੇ ਡ੍ਰਾਈਵਿੰਗ ਲਾਇਸੈਂਸ ਨੂੰ ਆਧਾਰ ਨਾਲ ਜੋੜਨ ਲਈ ਵੀ ਕਿਹਾ ਹੈ। ਇਸ ਨਾਲ ਡਰਾਈਵਰ; ਸਰਕਾਰ ਦੀਆਂ ਕੌਂਟੈਕਟਲੈੱਸ ਸਰਵਿਸੇਜ਼ ਦਾ ਲਾਭ ਪ੍ਰਾਪਤ ਕਰ ਸਕਣਗੇ। ਇਸ ਦੇ ਨਾਲ ਹੀ ਪੁਲਿਸ ਦਾ ਕੰਮ ਵੀ ਸੌਖਾ ਹੋ ਜਾਵੇਗਾ।

ਮਿਸਾਲ ਵਜੋਂ, ਜੇ ਕੋਈ ਦੋਸ਼ੀ ਕਿਸੇ ਹਾਦਸੇ ਤੋਂ ਬਾਅਦ ਫਰਾਰ ਹੋ ਗਿਆ ਹੈ, ਤਾਂ ਉਸ ਨੂੰ ਲੱਭਣਾ ਆਸਾਨ ਹੋ ਜਾਵੇਗਾ। ਹੁਣ ਸਵਾਲ ਇਹ ਹੈ ਕਿ ਇਹ ਕਿਵੇਂ ਕਰਨਾ ਹੈ। ਇੱਥੇ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਘਰ ਬੈਠੇ ਲਾਇਸੈਂਸ ਨੂੰ ਆਧਾਰ ਕਾਰਡ ਨਾਲ ਕਿਵੇਂ ਜੋੜਿਆ ਜਾ ਸਕਦਾ ਹੈ:

 
ਇੰਝ ਕਰੋ ਡ੍ਰਾਈਵਿੰਗ ਲਾਇਸੈਂਸ ਨੂੰ ਆਧਾਰ ਕਾਰਡ ਨਾਲ ਲਿੰਕ

·        ਲਾਇਸੈਂਸ ਨੂੰ ਆਧਾਰ ਕਾਰਡ ਨਾਲ ਜੋੜਨ ਲਈ ਸਭ ਤੋਂ ਪਹਿਲਾਂ ਸਟੇਟ ਟ੍ਰਾਂਸਪੋਰਟ ਵਿਭਾਗ ਦੀ ਵੈਬਸਾਈਟ 'ਤੇ ਜਾਓ।

·        ਇੱਥੇ ਆਧਾਰ ਲਿੰਕ ਤੇ ਕਲਿਕ ਕਰਕੇ, ਡ੍ਰੌਪ-ਡਾਉਨ ਮੀਨੂੰ ਤੋਂ ਡਰਾਈਵਿੰਗ ਲਾਇਸੈਂਸ ਦੀ ਚੋਣ ਕਰੋ।

·        ਫਿਰ ਆਪਣਾ ਡਰਾਈਵਿੰਗ ਲਾਇਸੈਂਸ ਨੰਬਰ ਦਰਜ ਕਰੋ ਅਤੇ Get Details ਉੱਤੇ ਕਲਿਕ ਕਰੋ।

·        ਇੱਥੇ ਆਪਣਾ 12 ਅੰਕ ਦਾ ਆਧਾਰ ਨੰਬਰ ਅਤੇ ਮੋਬਾਈਲ ਨੰਬਰ ਦਾਖਲ ਕਰੋ।

·        ਇਸ ਪ੍ਰਕਿਰਿਆ ਨੂੰ ਪੂਰਾ ਕਰਨ ਲਈ ਸਬਮਿਟ 'ਤੇ ਕਲਿਕ ਕਰੋ।

·        ਅਜਿਹਾ ਕਰਨ ਤੋਂ ਬਾਅਦ ਤੁਹਾਡੇ ਰਜਿਸਟਰਡ ਮੋਬਾਈਲ ਨੰਬਰ 'ਤੇ ਇਕ ਓਟੀਪੀ (OTP) ਆ ਜਾਵੇਗਾ।

·        ਹੁਣ OTP ਪਾ ਕੇ ਆਪਣੇ ਡ੍ਰਾਇਵਿੰਗ ਲਾਇਸੈਂਸ ਨੂੰ ਆਧਾਰ ਕਾਰਡ ਨਾਲ ਜੋੜਨ ਦੀ ਪ੍ਰਕਿਰਿਆ ਨੂੰ ਪੂਰਾ ਕਰੋ।

 

ਆਧਾਰ ਕਾਰਡ ਵਿੱਚ ਇੰਝ ਬਦਲੋ ਆਪਣਾ ਪਤਾ

·        ਘਰ ਬੈਠਿਆਂ ਆਧਾਰ ਵਿਚ ਆਪਣਾ ਪਤਾ ਬਦਲਣ ਲਈ, ਪਹਿਲਾਂ ਯੂਆਈਡੀਏਆਈ (UIDAI) ਦੀ ਅਧਿਕਾਰਤ ਵੈੱਬਸਾਈਟ uidai.gov.in 'ਤੇ ਜਾਓ।

·        ਹੁਣ My Aadhar ਦੇ ਵਿਕਲਪ ਦੀ ਚੋਣ ਕਰੋ।

·        ਇੱਥੇ ਤੁਸੀਂ Update Your Aadhar ਦਾ ਕਾਲਮ ਵੇਖੋਗੇ। ਇਸ ਕਾਲਮ ਵਿਚ ਤੁਹਾਨੂੰ Update Demographics Data Online 'ਤੇ ਕਲਿੱਕ ਕਰਨਾ ਹੋਵੇਗਾs।

·        ਅਜਿਹਾ ਕਰਨ ਤੋਂ ਬਾਅਦ, UIDAI ਦਾ ਸੈਲਫ ਸਰਵਿਸ ਅਪਡੇਟ ਪੋਰਟਲ (SSUP) ssup.uidai.gov.in ਤੁਹਾਡੇ ਸਾਹਮਣੇ ਖੁੱਲ੍ਹੇਗਾ।

·        ਹੁਣ ਇੱਥੇ ਤੁਹਾਨੂੰ Proceed to Update Aadhar ਦੇ ਵਿਕਲਪ ਉੱਤੇ ਕਲਿੱਕ ਕਰਨਾ ਹੋਵੇਗਾ।

·        ਹੁਣ ਤੁਹਾਨੂੰ ਆਧਾਰ ਨੰਬਰ ਅਤੇ ਕੈਪਚਰ ਕੋਡ ਬਾਰੇ ਪੁੱਛਿਆ ਜਾਵੇਗਾ।

·        ਇਸ ਤੋਂ ਬਾਅਦ ਤੁਹਾਡੇ ਰਜਿਸਟਰਡ ਮੋਬਾਈਲ ਨੰਬਰ 'ਤੇ ਓਟੀਪੀ (OTP) ਆਵੇਗਾ। ਇੱਥੇ OTP ਦਰਜ ਕਰੋ ਅਤੇ ਇਸਨੂੰ ਸਬਮਿਟ ਕਰੋ।

·        ਓਟੀਪੀ ਤੋਂ ਬਾਅਦ, ਤੁਹਾਡੇ ਸਾਹਮਣੇ ਇਕ ਨਵਾਂ ਪੇਜ ਖੁੱਲੇਗਾ ਜਿਥੇ ਦੋ ਵਿਕਲਪ ਉਪਲਬਧ ਹੋਣਗੇ।

·        ਹੁਣ ਇੱਥੇ ਤੁਸੀਂ Update Demographics Data ਉੱਤੇ ਕਲਿੱਕ ਕਰਨਾ ਹੈ।

·        ਹੁਣ ਐਡਰੈਸ ਦਾ ਵਿਕਲਪ ਇੱਥੇ ਚੁਣੋ।

·        ਇਸ ਤੋਂ ਬਾਅਦ, ਤੁਹਾਨੂੰ ਵੈਧ ਦਸਤਾਵੇਜ਼ਾਂ ਦੀ ਸਕੈਨ ਕੀਤੀ ਗਈ ਕਾੱਪੀ ਜਮ੍ਹਾ ਕਰਨੀ ਪਵੇਗੀ ਅਤੇ Proceed ਤੇ ਕਲਿਕ ਕਰਨਾ ਹੋਵੇਗਾ।

·        ਅਜਿਹਾ ਕਰਨ ਤੋਂ ਬਾਅਦ ਤੁਹਾਨੂੰ ਪੁਰਾਣਾ ਐਡਰੈੱਸ ਦਿਸੇਗਾ। ਇੱਥੇ ਤੁਹਾਨੂੰ ਹੇਠਾਂ ਕੁਝ ਨਿੱਜੀ ਵੇਰਵਿਆਂ ਦੇ ਨਾਲ ਜਾਇਜ਼ ਦਸਤਾਵੇਜ਼ ਅਪਲੋਡ ਕਰਨੇ ਪੈਣਗੇ। ਤੁਸੀਂ ਇਸਦਾ Preview ਕਰਕੇ ਵੀ ਵੇਖ ਸਕਦੇ ਹੋ।

·        Preview ਕਰਨ ਤੋਂ ਬਾਅਦ, ਜਿਵੇਂ ਹੀ ਤੁਸੀਂ ਫਾਈਨਲ ਸਬਮਿਟ ਕਰੋਗੇ, ਤੁਹਾਨੂੰ ਅਪਡੇਟ ਰਿਕੁਐਸਟ ਨੰਬਰ ਭਾਵ ਯੂਆਰਐਨ (URN) ਮਿਲੇਗਾ। ਇਸ ਯੂਆਰਐਨ ਦੀ ਸਹਾਇਤਾ ਨਾਲ, ਤੁਸੀਂ ਯੂਆਈਡੀਏਆਈ (UIDAI) ਦੀ ਵੈਬਸਾਈਟ 'ਤੇ ਜਾ ਸਕਦੇ ਹੋ ਅਤੇ ਆਪਣੇ ਆਧਾਰ ਵਿਚ ਪਤੇ ਨੂੰ ਵੇਖ ਸਕਦੇ ਹੋ।