ਹੁਣ ਘਰ ਬੈਠੇ ਖਰੀਦੋ ਕਾਰ, ਕਿਸੇ ਡੀਲਰ ਨੂੰ ਮਿਲਣ ਦੀ ਨਹੀਂ ਲੋੜ

ਤਾਲਾਬੰਦੀ ਤੋਂ ਪਹਿਲਾਂ ਹੀ, ਵਾਇਰਸ ਦੇ ਡਰ ਤੇ ਬੇਸ਼ੱਕ ਸਮਾਜਕ ਦੂਰੀਆਂ ਦੀ ਜ਼ਰੂਰਤ ਨੇ ਕਾਰ ਡੀਲਰਾਂ ਦੇ ਦਰਵਾਜ਼ੇ ਤੇ ਪੈਣ ਵਾਲੇ ਪੈਰਾਂ ਨੂੰ ਬਹੁਤ ਘੱਟਾ ਦਿੱਤਾ ਸੀ। ਇਸ ਤਰ੍ਹਾਂ ਕਾਰ-ਨਿਰਮਾਤਾ ਹੁਣ ਡਿਜੀਟਲ ਰਣਨੀਤੀ ਅਪਣਾਉਣ ਬਾਰੇ ਵਿਚਾਰ ਰਹੇ ਹਨ।

ਸੋਮਨਾਥ ਚੈਟਰਜੀ

ਨਵੀਂ ਦਿੱਲੀ: ਇਸ ਵਿੱਚ ਕੋਈ ਸ਼ੱਕ ਨਹੀਂ ਕਿ ਕੋਰੋਨਾਵਾਇਰਸ ਤੇ ਇਸ ਦੇ ਬਹੁਤ ਸਾਰੇ ਉਦਯੋਗਾਂ ਤੇ ਇਸ ਦੇ ਪ੍ਰਭਾਵ ਆਉਣ ਵਾਲੇ ਲੰਬੇ ਸਮੇਂ ਲਈ ਜਾਰੀ ਰਹਿਣਗੇ। ਇਸੇ ਕਾਰਨ ਆਟੋਮੋਬਾਈਲ ਉਦਯੋਗ ਨੂੰ ਵੀ ਇਸ ਮਾਰ ਝੱਲਣੀ ਪੈ ਰਹੀ ਹੈ। ਤਾਲਾਬੰਦੀ ਤੋਂ ਪਹਿਲਾਂ ਹੀ, ਵਾਇਰਸ ਦੇ ਡਰ ਤੇ ਬੇਸ਼ੱਕ ਸਮਾਜਕ ਦੂਰੀਆਂ ਦੀ ਜ਼ਰੂਰਤ ਨੇ ਕਾਰ ਡੀਲਰਾਂ ਦੇ ਦਰਵਾਜ਼ੇ ਤੇ ਪੈਣ ਵਾਲੇ ਪੈਰਾਂ ਨੂੰ ਬਹੁਤ ਘੱਟਾ ਦਿੱਤਾ ਸੀ। ਇਸ ਤਰ੍ਹਾਂ ਕਾਰ-ਨਿਰਮਾਤਾ ਹੁਣ ਡਿਜੀਟਲ ਰਣਨੀਤੀ ਅਪਣਾਉਣ ਬਾਰੇ ਵਿਚਾਰ ਰਹੇ ਹਨ।

ਇੱਥੇ ਗਾਹਕ ਨੂੰ ਕਾਰ ਖਰੀਦਣ ਦੀ ਪ੍ਰਕਿਰਿਆ ਵਿਚੋਂ ਲੰਘਣ ਲਈ ਕਿਸੇ ਡੀਲਰ ਨੂੰ ਮਿਲਣ ਦੀ ਜ਼ਰੂਰਤ ਨਹੀਂ ਕਿਉਂਕਿ ਸਭ ਕੁਝ ਡਿਜੀਟਲ ਹੋਵੇਗਾ।ਵਿੱਤ ਯੋਜਨਾਵਾਂ ਦੀ ਚੋਣ ਕਰਨ ਦੇ ਨਾਲ-ਨਾਲ ਮਾਡਲ ਦੀ ਚੋਣ ਕਰਨ ਤੋਂ ਲੈ ਕੇ-ਹਰ ਚੀਜ਼ ਡਿਜੀਟਲ ਹੋਵੇਗੀ। ਵੱਖ ਵੱਖ ਟੈਕਨਾਲੋਜੀਆਂ ਦੇ ਕਾਰਨ ਤੁਸੀਂ ਆਪਣੀ ਕਾਰ ਨੂੰ ਕੌਂਫਿਗਰ ਕਰ ਸਕਦੇ ਹੋ ਤੇ ਸਪਸ਼ਟ ਵਿਚਾਰ ਪ੍ਰਾਪਤ ਕਰ ਸਕਦੇ ਹੋ। ਇਸ ਸਮੇਂ ਟੈਸਟ ਡ੍ਰਾਈਵ ਨੂੰ ਤੈਅ ਕਰਨ ਦੀ ਯੋਜਨਾ ਸਾਰੇ ਕਾਰ-ਨਿਰਮਾਤਾਵਾਂ ਵਲੋਂ ਕੀਤੀ ਜਾ ਰਹੀ ਹੈ ਤਾਂ ਕਿ ਇਹ ਡਿਜੀਟਲ ਖਰੀਦ ਦੇ ਤਜ਼ਰਬੇ ਦੇ ਨਾਲ ਫਿੱਟ ਬੈਠ ਸਕੇ। ਬੇਸ਼ਕ, ਅੰਤ ਵਿੱਚ ਤੁਸੀਂ ਬਿਨ੍ਹਾਂ ਕਿਸੇ ਡੀਲਰਸ਼ਿਪ ਤੇ ਗਏ ਕਾਰ ਨੂੰ ਆਪਣੇ ਘਰ ਮੰਗਵਾ ਸਕਦੇ ਹੋ।

ਹੁੰਡਾਈ ਨੇ ਸਭ ਤੋਂ ਪਹਿਲਾਂ ਇਸਦੀ ਸ਼ੁਰੂਆਤ ਦਿੱਲੀ ਐਨਸੀਆਰ ਵਿੱਚ ਆਪਣੀ 'Click to buy' ਸਕੀਮ ਦੇ ਨਾਲ ਟੈਸਟਿੰਗ ਦੇ ਅਧਾਰ 'ਤੇ ਕੀਤੀ ਸੀ। ਹੁਣ ਹੁੰਡਾਈ ਨੇ ਇਸ ਨੂੰ ਪੂਰੇ ਭਾਰਤ ਵਿੱਚ ਸ਼ੁਰੂ ਕੀਤਾ ਹੈ, ਜਿੱਥੇ ਇਹ ਆਪਣੀ ਵੱਖ ਵੱਖ ਆਲ ਇੰਡੀਆ ਡੀਲਰਾਂਸ਼ਿਪ ਦੇ ਨਾਲ ਮਿਲ ਕੇ ਕੰਮ ਕਰੇਗੀ।

ਇਸੇ ਤਰ੍ਹਾਂ ਟਾਟਾ ਮੋਟਰਜ਼ ਨੇ ਵੀ ਪੂਰੀ ਤਰ੍ਹਾਂ ਡਿਜੀਟਲ ਖਰੀਦ ਦੇ ਤਜ਼ਰਬੇ ਲਈ ਆਪਣੀ ਯੋਜਨਾ ਲਾਂਚ ਕੀਤੀ ਹੈ। ਇਸ ਦਾ ਨਿਸ਼ਚਤ ਤੌਰ ਤੇ ਅਰਥ ਇਹ ਹੈ ਕਿ ਸਮਾਜਕ ਦੂਰੀਆਂ ਵਰਤਮਾਨ ਆਦਰਸ਼ ਹੋਣ ਦੇ ਕਾਰਨ, ਡਿਜੀਟਲ ਕਾਰਾਂ ਦੀ ਖਰੀਦ ਪੂਰੀ ਤਰ੍ਹਾਂ ਵੱਧ ਰਹੀ ਹੈ। ਹਾਲਾਂਕਿ ਮੋਬਾਈਲ ਫੋਨ ਖਰੀਦਣ ਦੇ ਉਲਟ, ਕਾਰ ਖਰੀਦਣਾ ਬਹੁਤ ਵੱਡਾ ਫੈਸਲਾ ਹੁੰਦਾ ਹੈ ਤੇ ਜ਼ਿਆਦਾਤਰ ਲੋਕਾਂ ਲਈ ਇਸ ਨੂੰ ਖਰੀਦਣ ਤੋਂ ਪਹਿਲਾਂ ਵੇਖਣਾ ਅਤੇ ਛੂਹਣਾ ਮਹੱਤਵਪੂਰਨ ਹੁੰਦਾ ਹੈ। ਹਾਲਾਂਕਿ ਕਾਰ ਡੀਲਰਸ਼ਿਪ ਕਿਤੇ ਵੀ ਨਹੀਂ ਜਾ ਰਹੀ ਪਰ ਜਿੰਨੀ ਵਾਰ ਤੁਸੀਂ ਉਸ ਜਗ੍ਹਾ ਦਾ ਦੌਰਾ ਕਰੋਗੇ ਓਨ੍ਹਾਂ ਜ਼ਿਆਦਾ ਹੀ ਕੋਰੋਨਾ ਦਾ ਖਤਰਾ ਵਧੇਗਾ।