ਕੀ ਤੁਹਾਡਾ ਕੋਈ ਪੁਰਾਣਾ ਚਲਾਨ ਬਕਾਇਆ? ਜੇਕਰ ਹਾਂ ਤਾਂ ਜਲਦੀ ਭਰੋ, ਬਾਅਦ 'ਚ ਝੱਲਣੀ ਪੈ ਸਕਦੀ ਭਾਰੀ ਪ੍ਰੇਸ਼ਾਨੀ
ਨੈਤਿਕਤਾ ਦੇ ਆਧਾਰ 'ਤੇ ਵੇਖਿਆ ਜਾਵੇ ਤਾਂ ਸਾਨੂੰ ਸਾਡੀ ਹੀ ਸੇਫ਼ਟੀ ਨੂੰ ਧਿਆਨ 'ਚ ਰੱਖਦੇ ਹੋਏ ਬਣਾਏ ਨਿਯਮਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ, ਪਰ ਅਸੀਂ ਅਜਿਹਾ ਨਹੀਂ ਕਰਦੇ। ਇੱਥੇ ਅਸੀਂ ਟ੍ਰੈਫ਼ਿਕ ਦੇ ਆਮ ਨਿਯਮਾਂ ਬਾਰੇ ਗੱਲ ਕਰ ਰਹੇ ਹਾਂ।
Traffic Challan: ਨੈਤਿਕਤਾ ਦੇ ਆਧਾਰ 'ਤੇ ਵੇਖਿਆ ਜਾਵੇ ਤਾਂ ਸਾਨੂੰ ਸਾਡੀ ਹੀ ਸੇਫ਼ਟੀ ਨੂੰ ਧਿਆਨ 'ਚ ਰੱਖਦੇ ਹੋਏ ਬਣਾਏ ਨਿਯਮਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ, ਪਰ ਅਸੀਂ ਅਜਿਹਾ ਨਹੀਂ ਕਰਦੇ। ਇੱਥੇ ਅਸੀਂ ਟ੍ਰੈਫ਼ਿਕ ਦੇ ਆਮ ਨਿਯਮਾਂ ਬਾਰੇ ਗੱਲ ਕਰ ਰਹੇ ਹਾਂ। ਸਾਡੇ ਵਿੱਚੋਂ ਬਹੁਤ ਸਾਰੇ ਲੋਕ ਅਜਿਹੇ ਹਨ ਜੋ ਟ੍ਰੈਫ਼ਿਕ ਨਿਯਮਾਂ ਦੀ ਪਾਲਣਾ ਨਹੀਂ ਕਰਦੇ, ਜਿਨ੍ਹਾਂ ਬਾਰੇ ਸਰਕਾਰਾਂ ਬਹੁਤ ਸਖ਼ਤ ਹਨ। ਇਨ੍ਹਾਂ ਟ੍ਰੈਫ਼ਿਕ ਨਿਯਮਾਂ ਦੀ ਉਲੰਘਣਾ ਕਰਨ 'ਤੇ ਅਸੀਂ ਦੇਖਦੇ ਹਾਂ ਕਿ ਵੱਡੀ ਗਿਣਤੀ 'ਚ ਲੋਕਾਂ ਦੇ ਚਲਾਨ ਕੱਟੇ ਜਾਂਦੇ ਹਨ, ਜਦਕਿ ਕੁਝ ਟ੍ਰੈਫ਼ਿਕ ਨਿਯਮਾਂ 'ਚ ਉਨ੍ਹਾਂ ਨੂੰ ਜੇਲ ਭੇਜਣ ਦੀ ਵਿਵਸਥਾ ਵੀ ਹੁੰਦੀ ਹੈ। ਇਸ ਸਭ ਦੇ ਬਾਵਜੂਦ ਵੱਡੀ ਗਿਣਤੀ ਅਜਿਹੇ ਲੋਕ ਹਨ ਜੋ ਟ੍ਰੈਫ਼ਿਕ ਨਿਯਮਾਂ ਦੀ ਉਲੰਘਣਾ ਕਰਦੇ ਹਨ, ਜਿਸ ਦਾ ਖਮਿਆਜ਼ਾ ਉਨ੍ਹਾਂ ਨੂੰ ਚਲਾਨਾਂ ਦੇ ਰੂਪ 'ਚ ਭੁਗਤਣਾ ਪੈਂਦਾ ਹੈ।
ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਭਾਰਤ 'ਚ ਹਰ ਸਾਲ 1 ਲੱਖ ਤੋਂ ਵੱਧ ਲੋਕ ਹਾਦਸਿਆਂ ਕਾਰਨ ਮਰਦੇ ਹਨ। ਇਸ ਤੋਂ ਬਚਣ ਅਤੇ ਟ੍ਰੈਫ਼ਿਕ ਪ੍ਰਬੰਧਾਂ ਨੂੰ ਸੁਰੱਖਿਅਤ ਬਣਾਉਣ ਲਈ ਟ੍ਰੈਫ਼ਿਕ ਨਿਯਮ ਹਨ। ਦੂਜੇ ਪਾਸੇ ਜਦੋਂ ਕੋਈ ਇਨ੍ਹਾਂ ਨਿਯਮਾਂ ਦੀ ਉਲੰਘਣਾ ਕਰਦਾ ਹੈ ਤਾਂ ਉਹ ਆਪਣੇ ਆਪ ਦੇ ਨਾਲ-ਨਾਲ ਸੜਕ 'ਤੇ ਚੱਲਣ ਵਾਲੇ ਹੋਰਨਾਂ ਲੋਕਾਂ ਲਈ ਵੀ ਖ਼ਤਰੇ ਦੀ ਘੰਟੀ ਬਣਦਾ ਹੈ।
ਕੀ ਤੁਹਾਡਾ ਵੀ ਬਕਾਇਆ ਪੁਰਾਣਾ ਚਲਾਨ?
ਜੇਕਰ ਕਦੇ ਵੀ ਤੁਹਾਡਾ ਚਲਾਨ ਕੱਟਿਆ ਗਿਆ ਹੈ ਜੋ ਤੁਸੀਂ ਅਜੇ ਤੱਕ ਨਹੀਂ ਭਰਿਆ ਹੈ ਤਾਂ ਜਲਦੀ ਤੋਂ ਜਲਦੀ ਇਸ ਦਾ ਭੁਗਤਾਨ ਕਰੋ ਤਾਂ ਜੋ ਤੁਸੀਂ ਬਗੈਰ ਟੈਨਸ਼ਨ ਗੱਡੀ ਚਲਾਉਣ ਦਾ ਅਨੰਦ ਲੈ ਸਕੋ। ਜੇਕਰ ਤੁਸੀਂ ਲੰਬੇ ਸਮੇਂ ਤੱਕ ਚਨਾਲ ਨਹੀਂ ਭਰਦੇ ਤਾਂ ਆਮ ਤੌਰ 'ਤੇ 2 ਚੀਜ਼ਾਂ ਹੁੰਦੀਆਂ ਹਨ। ਪਹਿਲਾ ਇਹ ਕਿ ਪੁਲਿਸ ਵੱਲੋਂ ਤੁਹਾਡਾ ਚਲਾਨ ਅਦਾਲਤ 'ਚ ਭੇਜਿਆ ਜਾਂਦਾ ਹੈ ਅਤੇ ਫਿਰ ਅਦਾਲਤ ਲੰਬੇ ਸਮੇਂ ਤੋਂ ਚਲਾਨ ਪੈਂਡਿੰਗ ਹੋਣ ਦੀ ਹਾਲਤ 'ਚ ਇੱਕ ਸੰਮਨ ਜਾਰੀ ਕਰਦੀ ਹੈ। ਇਹ ਸੰਮਨ ਚਲਾਨ ਕੱਟਣ ਵਾਲੇ ਵਿਅਕਤੀ (ਵਾਹਨ ਮਾਲਕ) ਦੇ ਪਤੇ 'ਤੇ ਪਹੁੰਚਦਾ ਹੈ। ਅਜਿਹੇ 'ਚ ਕਈ ਵਾਰ ਦੇਖਿਆ ਗਿਆ ਹੈ ਕਿ ਅਦਾਲਤ ਕਈ ਮਾਮਲਿਆਂ 'ਚ ਜੁਰਮਾਨਾ ਵੀ ਵਧਾ ਦਿੰਦੀ ਹੈ, ਜਿਸ ਤੋਂ ਬਾਅਦ ਤੁਹਾਨੂੰ ਕੋਰਟ ਜਾਣਾ ਪੈ ਸਕਦਾ ਹੈ।
ਲੌਕ ਹੋ ਜਾਂਦੀ ਹੈ RC (ਰਜਿਸਟ੍ਰੇਸ਼ਨ ਸਰਟੀਫ਼ਿਕੇਟ)
ਜੇਕਰ ਤੁਹਾਡਾ ਚਲਾਨ ਲੰਬੇ ਸਮੇਂ ਤੋਂ ਪੈਂਡਿੰਗ ਹੈ ਤਾਂ ਵਾਹਨ ਦੀ ਆਰਸੀ ਲੌਕ ਹੋ ਜਾਂਦੀ ਹੈ। ਇੱਥੇ ਆਰਸੀ ਲੌਕ ਹੋਣ ਦੀ ਸਮੱਸਿਆ ਦਾ ਸਾਹਮਣਾ ਉਦੋਂ ਹੋ ਸਕਦਾ ਹੈ ਜਦੋਂ ਤੁਸੀਂ ਆਰਸੀ ਨੂੰ ਕਿਸੇ ਹੋਰ ਦੇ ਨਾਮ 'ਤੇ ਟਰਾਂਸਫਰ ਕਰਨਾ ਚਾਹੁੰਦੇ ਹੋ। ਦੱਸ ਦੇਈਏ ਕਿ ਆਰਸੀ ਟਰਾਂਸਫਰ ਆਮ ਤੌਰ 'ਤੇ ਵਾਹਨ ਵੇਚਣ ਦੇ ਸਮੇਂ ਕੀਤਾ ਜਾਂਦਾ ਹੈ। ਅਜਿਹੀ ਸਥਿਤੀ 'ਚ ਤੁਹਾਨੂੰ ਸਾਰੇ ਬਕਾਇਆ ਚਲਾਨਾਂ ਦਾ ਭੁਗਤਾਨ ਕਰਨਾ ਹੋਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
