Honda ਦੀ ਇਸ ਕਾਰ 'ਤੇ ਮਿਲ ਰਿਹਾ 1 ਲੱਖ ਰੁਪਏ ਤੋਂ ਵੱਧ ਦਾ ਡਿਸਕਾਉਂਟ, ਜਾਣੋ ਕੀ ਹੈ ਕੀਮਤ ?
Honda Elevate Discount Offer: Honda ਦੀਆਂ ਗੱਡੀਆਂ 'ਤੇ ਵੱਡੇ ਫਾਇਦੇ ਦਿੱਤੇ ਜਾ ਰਹੇ ਹਨ। ਇਨ੍ਹਾਂ ਕਾਰਾਂ ਅਮੇਜ਼, ਸਿਟੀ ਤੇ ਐਲੀਵੇਟ 'ਤੇ ਵਾਧੂ ਲਾਭ ਵੀ ਉਪਲਬਧ ਹਨ। ਕਾਰ ਦੇ ਫੀਚਰਸ ਤੋਂ ਲੈ ਕੇ ਇਸਦੀ ਕੀਮਤ ਤੱਕ, ਜਾਣੋ ਇੱਥੇ।
Discount On Honda Elevate: Honda ਦੀਆਂ ਕਾਰਾਂ 'ਤੇ ਭਾਰੀ ਛੋਟ ਦਿੱਤੀ ਜਾ ਰਹੀ ਹੈ। ਸਿਰਫ਼ ਹੌਂਡਾ ਹੀ ਨਹੀਂ, ਕਈ ਆਟੋਮੇਕਰਜ਼ ਆਪਣੀ ਪੂਰੀ ਲਾਈਨ-ਅੱਪ ਵਿੱਚ ਬਹੁਤ ਵਧੀਆ ਲਾਭ ਪੇਸ਼ ਕਰ ਰਹੇ ਹਨ। ਪਿਛਲੇ ਮਹੀਨੇ ਹੀ ਜਾਪਾਨੀ ਵਾਹਨ ਨਿਰਮਾਤਾਵਾਂ ਨੇ ਆਪਣੀਆਂ ਕਾਰਾਂ 'ਤੇ ਸੱਤ ਸਾਲਾਂ ਦੀ ਵਾਰੰਟੀ ਜਾਂ ਅਸੀਮਤ ਕਿਲੋਮੀਟਰ ਦੀ ਵਿਸਤ੍ਰਿਤ ਵਾਰੰਟੀ ਦੀ ਪੇਸ਼ਕਸ਼ ਕੀਤੀ ਹੈ। ਇਸ ਦੇ ਨਾਲ ਹੀ ਕਾਰ 'ਤੇ ਕੈਸ਼ ਡਿਸਕਾਊਂਟ ਤੇ ਐਕਸਚੇਂਜ ਬੋਨਸ ਵੀ ਦਿੱਤਾ ਜਾ ਰਿਹਾ ਹੈ।
Honda Amaze 'ਤੇ ਛੋਟ
ਹੌਂਡਾ ਅਮੇਜ਼ ਦਾ ਦੂਜੀ ਜਨਰੇਸ਼ਨ ਮਾਡਲ ਭਾਰਤੀ ਬਾਜ਼ਾਰ 'ਚ ਸ਼ਾਮਲ ਹੈ। ਇਸ ਹੌਂਡਾ ਕਾਰ 'ਤੇ 1.07 ਲੱਖ ਰੁਪਏ ਦਾ ਡਿਸਕਾਊਂਟ ਦਿੱਤਾ ਜਾ ਰਿਹਾ ਹੈ। ਇਸ ਗੱਡੀ ਦਾ ਥਰਡ ਜਨਰੇਸ਼ਨ ਮਾਡਲ ਵੀ ਬਾਜ਼ਾਰ 'ਚ ਆ ਗਿਆ ਹੈ। ਡਿਸਕਾਊਂਟ ਤੋਂ ਇਲਾਵਾ ਇਸ ਕਾਰ 'ਤੇ 40 ਹਜ਼ਾਰ ਰੁਪਏ ਤੱਕ ਦੇ ਵਾਧੂ ਫਾਇਦੇ ਵੀ ਦਿੱਤੇ ਜਾ ਰਹੇ ਹਨ। ਅਮੇਜ਼ ਦੇ ਦੂਜੇ ਜਨਰੇਸ਼ਨ ਮਾਡਲ ਦੀ ਐਕਸ-ਸ਼ੋਰੂਮ ਕੀਮਤ 7.19 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਤੇ 9.04 ਲੱਖ ਰੁਪਏ ਤੱਕ ਜਾਂਦੀ ਹੈ।
Honda City 'ਤੇ ਛੋਟ
ਹੌਂਡਾ ਸਿਟੀ ਦੇ ਪੈਟਰੋਲ ਇੰਜਣ ਵੇਰੀਐਂਟ 'ਤੇ 70 ਹਜ਼ਾਰ ਰੁਪਏ ਦੇ ਫਾਇਦੇ ਦਿੱਤੇ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਇਸ ਦੇ ਸਿਟੀ e: HEV ਸਟ੍ਰਾਂਗ ਹਾਈਬ੍ਰਿਡ ਵੇਰੀਐਂਟ 'ਤੇ 90 ਹਜ਼ਾਰ ਰੁਪਏ ਤੱਕ ਦੀ ਛੋਟ ਮਿਲ ਰਹੀ ਹੈ। ਇਸ ਹੌਂਡਾ ਕਾਰ ਦੀ ਐਕਸ-ਸ਼ੋਰੂਮ ਕੀਮਤ 14.18 ਲੱਖ ਰੁਪਏ ਤੋਂ ਸ਼ੁਰੂ ਹੋ ਕੇ 23.60 ਲੱਖ ਰੁਪਏ ਤੱਕ ਜਾਂਦੀ ਹੈ। Honda Amaze ਭਾਰਤੀ ਬਾਜ਼ਾਰ 'ਚ Hyundai Verna, Volkswagen Virtus ਅਤੇ Skoda Slavia ਵਰਗੀਆਂ ਕਾਰਾਂ ਨਾਲ ਮੁਕਾਬਲਾ ਕਰਦੀ ਹੈ।
Honda Elevate 'ਤੇ ਛੋਟ
ਹੁੰਡਈ ਕ੍ਰੇਟਾ ਦੀ ਵਿਰੋਧੀ ਹੌਂਡਾ ਐਲੀਵੇਟ 'ਤੇ ਵੀ ਡਿਸਕਾਊਂਟ ਉਪਲਬਧ ਹੈ। ਇਸ ਕਾਰ 'ਤੇ 86,100 ਰੁਪਏ ਦੇ ਫਾਇਦੇ ਮਿਲ ਰਹੇ ਹਨ। ਹੌਂਡਾ ਦੀ ਇਸ ਕਾਰ ਦਾ ਐਪੈਕਸ ਐਡੀਸ਼ਨ ਤੇ ਬਲੈਕ ਐਡੀਸ਼ਨ 7 ਜਨਵਰੀ ਨੂੰ ਬਾਜ਼ਾਰ 'ਚ ਲਾਂਚ ਹੋਣ ਜਾ ਰਿਹਾ ਹੈ। Honda Elevate ਦੇ ਸਟੈਂਡਰਡ ਮਾਡਲ ਦੀ ਕੀਮਤ 11.69 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਤੇ ਇਸ ਦੇ ਟਾਪ ਵੇਰੀਐਂਟ ਦੀ ਕੀਮਤ 16.71 ਲੱਖ ਰੁਪਏ ਤੱਕ ਜਾਂਦੀ ਹੈ।
ਹੌਂਡਾ ਦੀ ਇਸ ਕਾਰ 'ਚ 1.5-ਲੀਟਰ ਨੈਚੁਰਲੀ ਐਸਪੀਰੇਟਿਡ ਪੈਟਰੋਲ ਇੰਜਣ ਹੈ, ਜਿਸ ਦੇ ਨਾਲ ਮੈਨੂਅਲ ਅਤੇ CVT ਟ੍ਰਾਂਸਮਿਸ਼ਨ ਦਾ ਵਿਕਲਪ ਉਪਲਬਧ ਹੈ। ਹੌਂਡਾ ਦੀ ਇਸ ਕਾਰ 'ਚ ਲਗਾਇਆ ਗਿਆ ਇੰਜਣ 121 hp ਦੀ ਪਾਵਰ ਦਿੰਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
