Motorcycle Reserve Fuel: ਰਿਜ਼ਰਵ 'ਤੇ ਆਉਣ ਤੋਂ ਬਾਅਦ ਬਾਈਕ ਕਿੰਨੇ ਕਿਲੋਮੀਟਰ ਚੱਲ ਸਕਦੀ, ਕੀ ਇਸ ਨਾਲ ਇੰਜਣ 'ਤੇ ਵੀ ਪੈਂਦਾ ਅਸਰ?
Motorcycle Reserve Fuel: ਕਾਰ ਹੋਵੇ ਜਾਂ ਬਾਈਕ, ਹਰ ਗੱਡੀ ਵਿੱਚ ਫਿਊਲ ਟੈਂਕ ਹੁੰਦਾ ਹੈ, ਜਿਸ ਵਿੱਚ ਪੈਟਰੋਲ ਜਾਂ ਡੀਜ਼ਲ ਸਟੋਰ ਕੀਤਾ ਜਾਂਦਾ ਹੈ। ਵਾਹਨ ਚੱਲਣ ਦੌਰਾਨ ਇਹ ਈਂਧਨ ਖਰਚ ਹੁੰਦਾ ਰਹਿੰਦਾ ਹੈ।
Motorcycle Reserve Fuel: ਕਾਰ ਹੋਵੇ ਜਾਂ ਬਾਈਕ, ਹਰ ਗੱਡੀ ਵਿੱਚ ਫਿਊਲ ਟੈਂਕ ਹੁੰਦਾ ਹੈ, ਜਿਸ ਵਿੱਚ ਪੈਟਰੋਲ ਜਾਂ ਡੀਜ਼ਲ ਸਟੋਰ ਕੀਤਾ ਜਾਂਦਾ ਹੈ। ਵਾਹਨ ਚੱਲਣ ਦੌਰਾਨ ਇਹ ਈਂਧਨ ਖਰਚ ਹੁੰਦਾ ਰਹਿੰਦਾ ਹੈ। ਕਈ ਵਾਰ ਬਾਈਕ ਚਲਾਉਣ ਵੇਲੇ ਅਚਾਨਕ ਪੈਟਰੋਲ ਘੱਟ ਹੋ ਜਾਂਦਾ ਹੈ ਅਤੇ ਬਾਈਕ ਰਿਜ਼ਰਵ 'ਤੇ ਆ ਜਾਂਦੀ ਹੈ।
ਅਸਲ ਵਿੱਚ, ਰਿਜ਼ਰਵ ਇੱਕ ਸੰਕੇਤ ਹੁੰਦਾ ਹੈ ਕਿ ਤੁਹਾਡੀ ਬਾਈਕ ਵਿੱਚ ਪੈਟਰੋਲ ਖਤਮ ਹੋਣ ਵਾਲਾ ਹੈ ਅਤੇ ਹੁਣ ਤੁਹਾਨੂੰ ਜਲਦੀ ਰੀਫਿਊਲ ਕਰਵਾਉਣ ਦੀ ਲੋੜ ਹੈ। ਅਜਿਹੇ ਵਿੱਚ ਕਈ ਲੋਕਾਂ ਦੇ ਮਨ ਵਿੱਚ ਸਵਾਲ ਆਉਂਦਾ ਹੈ ਕਿ ਰਿਜ਼ਰਵ ਵਿੱਚ ਕਿੰਨਾ ਪੈਟਰੋਲ ਬਚਿਆ ਹੁੰਦਾ ਹੈ ਅਤੇ ਬਾਈਕ ਕਿੰਨੀ ਦੂਰ ਤੱਕ ਚੱਲ ਸਕਦੀ ਹੈ। ਧਿਆਨ ਰਹੇ ਕਿ ਰਿਜ਼ਰਵ ਕੋਈ ਵੱਖਰਾ ਟੈਂਕ ਨਹੀਂ ਹੁੰਦਾ, ਸਗੋਂ ਇਹ ਉਸੇ ਫਿਊਲ ਟੈਂਕ ਦਾ ਇੱਕ ਹਿੱਸਾ ਹੁੰਦਾ ਹੈ।
ਮੋਟਰਸਾਈਕਲ ਵਿੱਚ ਰਿਜ਼ਰਵ ਪੈਟਰੋਲ ਕਿੰਨਾ ਹੁੰਦਾ ਹੈ?
ਮੋਟਰਸਾਈਕਲ ਵਿੱਚ ਰਿਜ਼ਰਵ ਪੈਟਰੋਲ ਦੀ ਮਾਤਰਾ ਬਾਈਕ ਦੇ ਮਾਡਲ ਅਤੇ ਉਸ ਦੀ ਕੁੱਲ ਫਿਊਲ ਟੈਂਕ ਸਮਰੱਥਾ 'ਤੇ ਨਿਰਭਰ ਕਰਦੀ ਹੈ। ਆਮ ਤੌਰ 'ਤੇ ਇਹ 1 ਲੀਟਰ ਤੋਂ 2.5 ਲੀਟਰ ਤੱਕ ਹੋ ਸਕਦੀ ਹੈ।
ਜਦੋਂ ਟੈਂਕ ਵਿੱਚ ਪੈਟਰੋਲ ਇੱਕ ਨਿਰਧਾਰਤ ਪੱਧਰ ਤੋਂ ਹੇਠਾਂ ਆ ਜਾਂਦਾ ਹੈ, ਤਾਂ ਰਿਜ਼ਰਵ ਫਿਊਲ ਦੀ ਵਰਤੋਂ ਸ਼ੁਰੂ ਹੋ ਜਾਂਦੀ ਹੈ। ਇਸ ਦਾ ਮਕਸਦ ਸਿਰਫ਼ ਇਹ ਹੁੰਦਾ ਹੈ ਕਿ ਸਵਾਰ ਨੂੰ ਨੇੜਲੇ ਪੈਟਰੋਲ ਪੰਪ ਤੱਕ ਪਹੁੰਚਣ ਦਾ ਮੌਕਾ ਮਿਲ ਸਕੇ। ਇਸ ਲਈ ਰਿਜ਼ਰਵ ਨੂੰ ਹਮੇਸ਼ਾ ਐਮਰਜੈਂਸੀ ਵਿਕਲਪ ਵਜੋਂ ਹੀ ਦੇਖਣਾ ਚਾਹੀਦਾ ਹੈ।
ਰਿਜ਼ਰਵ 'ਤੇ ਆਉਣ ਤੋਂ ਬਾਅਦ ਬਾਈਕ ਕਿੰਨੀ ਦੂਰ ਚੱਲ ਸਕਦੀ ਹੈ?
ਇਹ ਪੂਰੀ ਤਰ੍ਹਾਂ ਤੁਹਾਡੀ ਬਾਈਕ ਦੇ ਮਾਡਲ, ਮਾਈਲੇਜ ਅਤੇ ਰਿਜ਼ਰਵ ਫਿਊਲ ਦੀ ਸਮਰੱਥਾ 'ਤੇ ਨਿਰਭਰ ਕਰਦਾ ਹੈ।
ਆਮ ਤੌਰ 'ਤੇ ਕੁੱਲ ਫਿਊਲ ਟੈਂਕ ਸਮਰੱਥਾ ਦਾ ਲਗਭਗ 10 ਫੀਸਦੀ ਹਿੱਸਾ ਰਿਜ਼ਰਵ ਵਿੱਚ ਹੁੰਦਾ ਹੈ। ਜ਼ਿਆਦਾਤਰ ਬਾਈਕਾਂ ਵਿੱਚ ਰਿਜ਼ਰਵ ਫਿਊਲ 1 ਤੋਂ 1.5 ਲੀਟਰ ਤੱਕ ਹੁੰਦਾ ਹੈ।
ਜੇ ਤੁਹਾਡੀ ਬਾਈਕ 50 ਤੋਂ 60 ਕਿਲੋਮੀਟਰ ਪ੍ਰਤੀ ਲੀਟਰ ਦੀ ਮਾਈਲੇਜ ਦਿੰਦੀ ਹੈ, ਤਾਂ ਰਿਜ਼ਰਵ 'ਤੇ ਆਉਣ ਤੋਂ ਬਾਅਦ ਇਹ ਲਗਭਗ 50 ਤੋਂ 90 ਕਿਲੋਮੀਟਰ ਤੱਕ ਚੱਲ ਸਕਦੀ ਹੈ।
ਹਾਲਾਂਕਿ ਇਹ ਦੂਰੀ ਸੜਕ ਦੀ ਹਾਲਤ, ਟ੍ਰੈਫਿਕ, ਗਤੀ ਅਤੇ ਬਾਈਕ ਦੀ ਸਥਿਤੀ ਦੇ ਅਨੁਸਾਰ ਘੱਟ ਜਾਂ ਵੱਧ ਵੀ ਹੋ ਸਕਦੀ ਹੈ। ਇਸ ਲਈ ਰਿਜ਼ਰਵ 'ਤੇ ਆਉਣ ਤੋਂ ਬਾਅਦ ਲੰਬਾ ਸਫ਼ਰ ਕਰਨ ਦੀ ਬਜਾਏ ਜਲਦੀ ਤੋਂ ਜਲਦੀ ਪੈਟਰੋਲ ਭਰਵਾ ਲੈਣਾ ਚਾਹੀਦਾ ਹੈ।
ਕੀ ਰਿਜ਼ਰਵ 'ਚ ਬਾਈਕ ਚਲਾਉਣ ਨਾਲ ਇੰਜਣ 'ਤੇ ਅਸਰ ਪੈਂਦਾ ਹੈ?
ਆਮ ਤੌਰ 'ਤੇ ਕੁਝ ਕਿਲੋਮੀਟਰ ਤੱਕ ਰਿਜ਼ਰਵ 'ਤੇ ਬਾਈਕ ਚਲਾਉਣ ਨਾਲ ਇੰਜਣ ਨੂੰ ਕੋਈ ਸਿੱਧਾ ਨੁਕਸਾਨ ਨਹੀਂ ਹੁੰਦਾ। ਕੰਪਨੀਆਂ ਵੀ ਰਿਜ਼ਰਵ ਸਿਸਟਮ ਇਸੇ ਮਕਸਦ ਲਈ ਦਿੰਦੀਆਂ ਹਨ ਤਾਂ ਜੋ ਲੋੜ ਪੈਣ 'ਤੇ ਤੁਸੀਂ ਪੈਟਰੋਲ ਪੰਪ ਤੱਕ ਪਹੁੰਚ ਸਕੋ।
ਪਰ ਜੇ ਤੁਸੀਂ ਵਾਰ-ਵਾਰ ਬਾਈਕ ਨੂੰ ਰਿਜ਼ਰਵ ਤੱਕ ਪਹੁੰਚਾ ਕੇ ਚਲਾਉਂਦੇ ਹੋ ਜਾਂ ਟੈਂਕ ਨੂੰ ਲਗਭਗ ਖਾਲੀ ਹੋਣ ਦਿੰਦੇ ਹੋ, ਤਾਂ ਕੁਝ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ। ਟੈਂਕ ਦੇ ਹੇਠਲੇ ਹਿੱਸੇ ਵਿੱਚ ਜਮ੍ਹੀ ਗੰਦਗੀ ਅਤੇ ਛੋਟੇ ਕਣ ਫਿਊਲ ਸਿਸਟਮ ਤੱਕ ਪਹੁੰਚ ਸਕਦੇ ਹਨ , ਫਿਊਲ ਪੰਪ 'ਤੇ ਵਾਧੂ ਦਬਾਅ ਪੈ ਸਕਦਾ ਹੈ। ਇਸ ਲਈ ਰਿਜ਼ਰਵ ਦੀ ਵਰਤੋਂ ਸਿਰਫ਼ ਲੋੜ ਪੈਣ 'ਤੇ ਹੀ ਕਰਨੀ ਚਾਹੀਦੀ ਹੈ।
ਰਿਜ਼ਰਵ ਵਿੱਚ ਕਿੰਨੇ ਕਿਲੋਮੀਟਰ ਚੱਲ ਸਕਦੇ ਹੋ?
ਜੇ ਤੁਹਾਡੀ ਬਾਈਕ 50 ਕਿਲੋਮੀਟਰ ਪ੍ਰਤੀ ਲੀਟਰ ਦੀ ਮਾਈਲੇਜ ਦਿੰਦੀ ਹੈ ਅਤੇ ਰਿਜ਼ਰਵ ਵਿੱਚ 1.5 ਲੀਟਰ ਪੈਟਰੋਲ ਬਚਿਆ ਹੋਇਆ ਹੈ, ਤਾਂ ਤੁਸੀਂ ਲਗਭਗ 75 ਕਿਲੋਮੀਟਰ ਤੱਕ ਦਾ ਸਫ਼ਰ ਤੈਅ ਕਰ ਸਕਦੇ ਹੋ।
ਕੁੱਲ ਮਿਲਾ ਕੇ ਕਿਹਾ ਜਾ ਸਕਦਾ ਹੈ ਕਿ ਜਦੋਂ ਮੋਟਰਸਾਈਕਲ ਦਾ ਲੋ-ਫਿਊਲ ਇੰਡੀਕੇਟਰ ਜਲਣ ਲੱਗੇ, ਤਾਂ 20 ਤੋਂ 30 ਕਿਲੋਮੀਟਰ ਦੇ ਅੰਦਰ-ਅੰਦਰ ਪੈਟਰੋਲ ਭਰਵਾ ਲੈਣਾ ਹੀ ਸਭ ਤੋਂ ਸਮਝਦਾਰੀ ਵਾਲਾ ਫ਼ੈਸਲਾ ਹੁੰਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
